LUKAS 3:9 - Allah Wene Fano Wene Hupla Inane

⁹ E ero lombok enggen fano mene iti'lek halok, mugisogo endumo lakfisoageluk posie e omanggen oba fangsek mondok werego,” iluk yagaisasikhe.

LUKAS 3:9 Referans Kwoze

MATIUS 7:19

Yi e ti e enggen fano iterek lek mene andi re, ero mugusogo endumo mondok lakfisagarego.

YOHANES 15:6

Nen, hele enggisok palogo lakfisagarek mene puk agunem he, afuni nen andogorogo fuluk endumo lakfisugunem endu ninggerek andi hak, at sa nen an nemberek hundik lek, kobolek logolik, a'nogoat palogo lakfoumo ebe endu nagain o.

LUKAS 13:9

A'nogo hilingitunem, tahun ekhe hobuk meneba ebe ite halok he, fano. Nen iti'lek halok he, haren, mugisogo lakfisano o, iluk yagane'no, iluk yagatikhe” iluk Yesus nen it afuni omanogo yagaisasikhe.

LUKAS 13:7

Iti'le'ma lagaikhesik he, amingmingengge mene eabu kwalogo welagaikhe mene ekhe mel yagatikhe: E ara yi enggen ekhe ite a? Lega, iluk 3 tahun oba kogoli waga lagi mene re, ebe mondok iti'lek. Halok he, kweang alemarogo yago logogin enggere mugisogo lakfisan o, iluk yagatikhemo,

MATIUS 3:10

E ero lombok enggen fano mene iti'lek halok, mugusogo endumo lakfisageluk posie e omanggen oba lego werego,” iluk yagaisasikhe.

DANIEL 4:23

Nen, haren ap malaikat mene ekhe pogoroba nen pi wagasik, mel ugunem hegenat andi: E yi ebe musimbik he legetfisano o. A'nogo meneat he e andimi nek he, posiemanggen oba inom, hele tembaga meneba inom, homagaisogo fembik he, meiso henanggikil ebene watu were'ma, wam, sapi, domba inom seberogo o leimo andoma nikhi logolik, 7 tahun logouwageluk herakfisano o, iluk ugunem hegen andi.

DANIEL 4:14

A'nogo pi wagasik, ane hokhorogo mel ikhe: E ebe andi mugusogo potfisambik he, enggisok palogo lakfisigik, engga lologo pelakfisigik, enggen palogo hesangge-pesangge lakfisigik, ino o. A'nogo hilingiti logolik, yi wam ti wam e eroma weing la'luk nogoikherek mene andoma inom, sue e selebene awi wuthigik werek mene andoma inom, pugulogo wulakfisano o.

YEHEZKIEL 31:18

E andi ebere raja Mesir mene inom it inunggulenu Mesir mene inom faget walhigik ikhe. E o Eden oba andoma e mondok fano uan awan mene ekhe werek lek. Oba nen he yogondak e o Eden oba andoma hilingik higit he, e andi ogore afuni wa'la'luk lagaikharek oba kweang a'ma ma'lima pimbik, it fena Allah inonggot mene weim oba nen wa'lagaukwa mene inom seberogo kabogesugun. Iluk An Tuhan Lego Mondok welagirek mene nen nane mondogat igi,” ikhe.

IBRANI 10:28

Wene Allah nen komotninafikhemo, at Musa nen yaganisasikhe wene andi, it afuni nen hologo higithogo hilingiti'lek sagalogo herakfisugu halok, afuni inebe pire a, henagan a, ”Nit nineilhanem iren eberogoat wene andi sagalogo herakfisaga o,” iluk fakhogo ugu halok, inendawirinafi'lek inebe mondok inoati lagaukwa anggigi.

LUKAS 13:6

A'nogo yagaisasikhesik he, wene ekhe oba lirogo yagaisikhi logolik, mel yagaisasikhe: ”Ap ekhe eabumo e ara awi yago welagaikhe. Were'ma re, Enggen ite a? Lega, iluk eilenggen kogoli lagaikhe mene re, ebe iti'le'ma ha lagaikhhe.