LUKAS 3:3 - Allah Wene Fano Wene Hupla Inane

³ A'nogo yagatikhemo, o Yordan tonggwe andoma yi awi ti awi afuni yagaisilik nikhi logolik he, mel ikhi lagaikhe: ”Wene hinoba mene Allah nen sebelogo legetfisoageluk he, hit weak hilingiti lagep mene andi herakfisaluk, hinobabut hebela'ni. Hinobabut hebelasumo, an nen ima pelakhinafi logogin o,” iluk, yagaisilik nikhi lagaikhe.

LUKAS 3:3 Referans Kwoze

KISAH PARA RASUL 22:16

Mene re, hat yogondak ekhe inom logogin lek. Hebe menlasimbik he, hat weak hilingiti lagen mene Allah nen sobalhafik, it ekhe nen ima pelakhafik, uagen he, Yesus enu hombuk palogo Allah ayonggo feino, iluk yaganetikhe,” iluk yagaisasikhe.

KISAH PARA RASUL 19:4

A'nogo yagatukwama, at Paulus nen he, ”Yohanes nen ima pelaginafi lagaikhe andi, it afuni nen, weak hilingiti lago mene arat herakfisogosik ninobabut hebelago, iluk ugu halok pelaginafi lagaikhe. A'nogo pelaginafi logolik he, mel yagaisikhi lagaikhe: An nombo'ne ap ekhe wesigin. Halok hinendawinggen at oba himbiret fuluk logoino o, iluk ebe Yesus fagerat yagaisikhi lagaikhe andi,” iluk yagaisasikhe.

KISAH PARA RASUL 13:24

At Yesus ebe hobuk wesimbik, yabu oan hilingiti'lek werek kwelek he, elokhoma Yohanes tak wagaikhesik, afuni Israel mene mel yagaisikhi lagaikhe: Hit weak hilingiti lagep mene fakhogo herakfisaluk hinobabut hebelini o. Hebelumo re, an nen ima pelakhinabigin o, iluk inebe mondogat yagaisikhi lagaikhe.

YOHANES 3:26

Wene palhi lagaukwasik, Yohanes oba lagaukwasik he, mel yagatukwa: ”Guru noe. Ap ekhe hat hemberek i Yordan aik eliba logolik, at faget abok pilingisogo yaganisasigin mene a'nogo nen ima pelaginafunem afuni inebe mondogat at oba weri'lagwi o,” iluk yagatukwa.

MATIUS 3:11

A'nogo yagaisasikhesik ekhe mel yagaisasikhe: ”Hit weak hilingiti lagep mene herakfisaluk hinobabut eberogoat hebelaga iluk, an nebe yenggerek nomame lek mene nen we ima pelakhinafi lagi. Mene re, at kain omame hokho mene hobuk wesigin o. At ebe kain omame hokho andi nen he, an nebe yenggerek mene nen eisok sepatu kwelabek mene waluk la re elo'legat. Aren ima pelakhinabu hak, Allah Areagun inom, endu inom, hinoba pelakfei wesigin o.

YOHANES 1:28

Wene a'nogo isukwa andi re, at Yohanes nen afuni i Yordan aik elikwe, ima pelaginafi lagaikheba, o enu Betania logoligen isukwa.

LUKAS 4:1

At Yesus i Yordan ima pugunem, Allah Areagun endawimo peterogo kwisikhemo wulibi wagaikhesik lagunem, at Allah Areagun en ebe waluk he, o leimo afuni le'ma andoma lagaikhe.