LUKAS 3:23 - Allah Wene Fano Wene Hupla Inane

²³ At Yesus ebe umur 30 tahun agaikhesigen, yi mene ti mene hilingirik nikhi logoigeluk enggi fakhasikhe. Nen, at ebe re, it afuni nen Yusuf amlogo iluk anggasukwa. Nen, Yusuf andi re, Eli amlogo.

LUKAS 3:23 Referans Kwoze

MATIUS 13:55

Ap yi re, ap o wuterek mene a'nogo amlogo lek? Nen, agaisa enu Maria a'nogo lek? Nen, agoromi ombo'ne mene re, Yakobus inom, Yusuf inom, Simon inom, Yudas inom, omanogo lek?

BILANGAN 4:3

palimbik he, abenek inebe umur tiga puluh tahun nen he lima puluh tahun huli hilingik mene halok, iren yabu Tuhan Awi wuri'mo hilingisu higit mene nek halok mondogat andoma inenu lisu palino.

KISAH PARA RASUL 1:1

Teofilus noe. An nen omanggum wene lisu palogo hoba lakfei wagagi andi, at Yesus nen yi mene ti mene hilingitik, yi wene ti wene yagaisigik, ikhi lagaikhe wene eroba huli nen,

YOHANES 6:42

”Ap yi enu Yesus, ap Yusuf amlogo. Nen, at eisena agaisa ninelu meneat he, aren ikhi logolik he, An nebe re, pogoroba nen pi wagagi iluk ikhe andi ninggi'nogo nen ikhe, anggegep,” iluk isukwama re,

LUKAS 4:22

it afuni omanogo nen he, mel isukwa: ”At yi ap Yusuf amlogo a'nogo lek nogo? Araro. Meneat he, aren wene fano mondok yaganisikhe andi nailo e,” iluk fogeratukwa.

MARKUS 6:3

At ebe re, he Maria eak o wuterek mene a'nogo lek? Agoromi ombo'ne mene re, Yakobus inom, Yoset inom, Yudas inom, Simon inom anggigi. Nen, erugwi re, nit ninom welago yoma lek?” iluk inendawimo inabiret fesukwa.

MATIUS 4:17

Lagai wagaikhesik logolik, huli andi huli nen, afuni andoma yagaisikhi logolik he, ”O Allah awe a'ma hinobagagin mene a'nogo yogondak arat horogasi waga o. Halok he, weak hilingiti lagep mene herakfisaluk hinobabut hebela'ni o,” iluk yagaisilik nikhi lagaikhe.

MATIUS 1:16

Yakub en Yusup he Maria agun a'nogo, tatik, he Maria nen he, Yesus, niren Kristus ikhi lago a'nogo tatik, eroba nen taginabik wagaukwa.

KEJADIAN 41:46

A'nogo menfesikhesik agwe a'nogo wogotikhemo, at Yusuf ebe umur 30 tahun oba yabu raja Firaun aiba Mesir mene faget, hilingisigiluk ero fakfesikhe. Fakfesikhesik, at Yusuf ebe raja Firaun aiba andoma nen o Mesir esanggokwe yi awi ti awi mondogat eilenggen hilik lagaikhe.

LUKAS 3:31

Elyakim andi re, Melea amlogo. Melea andi re, Mina amlogo. Mina andi re, Matata amlogo. Matata andi re, Natan amlogo. Natan andi re, Daud amlogo.

MATIUS 1:6

Isai nen he, ap Daud enupogot a'nogo tatik, a'nogo taginabik wagaukwa. Nen, andi nen he, at Daud en ap Uria agwe telogo waluk wulifikhesik he, Salomo tatik,

MATIUS 1:1

At Yesus Kristus Abraham en, Daud en, tagongge a'nogo ambu ombalak eroba nen taginabik wagaukwa mene inenu yi.

2 SAMUEL 5:4

At Daud ebe umur 30 tahun oba afuni Israel mene inoe raja agaikhesik, ferinarek 40 tahun welagaikhe.

LUKAS 2:48

A'nogo fogeratunem, it at agaisa eisena emberegen ebe arat heratukwasik he, ”Nailo e!” iluk fogeratukwa. Fogeratukwasik agaisa nen he, mel yagatikhe: ”Neak, hat yi'nogo hilingninafen nenahalok Heisena nemberek ninendawinggen firik herakhabik nikhi lago yi heilenggen nisan?” iluk a'nogo isikhemo,

YOHANES 1:45

Ombo'ne laga logolik, at Filipus a'nogo hobuk ap Nataniel emberek ambi agaukwasik mel yagatikhe: ”Nataniel. At Musa nen wene Allah nen komotninafikhe wene a'nogoba, ap ekhe abok ikhi logolik lisu palhik, nen, it ap Allah ane yagaisikhi lagaukwa mene omanogo nen abok ikhi logolik lisu palhik, isukwa mene a'nogo nit arat ninom ambi ago. At ebe re, Yusuf amlogo o Nasaret mene, enu Yesus aro,” iluk yagatikhe meneat he,