LUKAS 3:19 - Allah Wene Fano Wene Hupla Inane

¹⁹ A'nogo komorinabik nikhi logolik he, at kain enupogot Herodes andi nen agot agwe Herodias andi enggi abisak wanhik, yi weak ti weak hokhorogo hilingitik, hilingirik nikhi lagaikhe mene faget, at inomat komothikhemo re,

LUKAS 3:19 Referans Kwoze

LUKAS 3:1

Ap kain enupogot Kaisar Tiberius andi afuni Roma mene mondogat at enggiba ferinarek 15 tahun werek kwelek andi huliat, ap Pontius Pilatus andi ebe gubernur o Propinsi Yudea welagaikhe. Nen, ap Herodes andi ebe kain logolik, o Galilea tonggwe andoma ferinarek welagaikhe. Nen, ap kain Herodes agot Filipus andi ebe kain logolik he, o Iturea andoma inom, o Trakhonitis andoma inom, ferinarek welagaikhe. Nen, ap Lisanias andi ebe kain logolik, o Abilene andomaat ferinarek welagaikhe.

MATIUS 11:2

At Yohanes ima pelaginafi lagaikhe mene a'nogo enggi hele warek were'ma, afuni nen he, ”Kristus yi'nogo hilingiri'logo,” iluk ugunem esanggo holhikhesik he, at agoromi ane wanhi lagaukwa mene Yesus oba heinok wanuageluk lakfisa wagaikhe.

AMSAL 15:12

Ap ekhe hempelinabigiluk amolo mene andi re endawirinafu mene re abit anggikherek, nen ap endawinggen kagalek mene oba komo wene yaganesuageluk ambit lagarek legat.

MATIUS 14:1

O andem higit he, at Herodes o Galilea tonggwe kain enupogot welagaikhe mene andi, Yesus nen hilingiti lagaikhe mene abok holhikhesik he,

MATIUS 14:6

Meneat he, o at Herodes andi ebe ta'lagaikheba higit asi wagaikhemo re, pesta hilingiti logolik, at he Herodias eak silerik mene andi, afuni hokhorogo inanggele'ma nen wuni ouwak founalhi logolik hilik-holokhogo watunem he, at kain Herodes andi endawimo agaiyek agaikhe.

LUKAS 3:18

Fano wene a'nogo afuni hokhorogo yagaisikhi logolik he, komorinabik nikhi lagaikhe.