LUKAS 24:45 - Allah Wene Fano Wene Hupla Inane

⁴⁵ Allah ane lisu palek futfouwageluk, it omanogo wene inendawinggen kagalogo yagaisasikhemo futfesukwa.

LUKAS 24:45 Referans Kwoze

KISAH PARA RASUL 16:14

Hemi wene yagaisasugu mene andi, he ekhe aiba o Tiatira mene. Su kain elokhonggen e enggen warek hangge mene it ekhe inoba onggo hokhoat wanhi lagaikhe mene, enu Lidia andi nen Allah ane wanhikhesik Yahudi mene hangge were'ma, wene Paulus nen ugunem fano wanuageluk, Tuhan endawimo kagalhikhemo, wanhikhe.

1 YOHANES 5:20

At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.

MAZMUR 119:18

Hat Hawene melalek mondok wesa polan mene yaganisikhi lagen mene andi an furogo kumuthikhi logoigen he neilenggen fenggen fein o.

EFESUS 5:14

A'nogo selek oba fugunem enegat a'luk he, selek agarek andi nen he, mel agarek andi: ”Hat nogo ikhi lagen andi, hebe menlame o. Nen, warek hangge welagen andi, helugame o. At Kristus nen selegethabigino,” iluk agarek andi.

LUKAS 24:32

A'nogo longgosikhemo it-it mel isukwa: ”Eige! Ebekwe waga logolik he, wene Allah ane lisu palek mene pilingisogo yaganisugu kwelek he, ninendawinggen agaiyek agasik ninendawimo kagauk ikhe a'nogo lek nogo?” iluk isukwa.

KELUARAN 4:11

A'nogo yagatikhemo, at Tuhan nen ikhi logolik he, ”Sa nen afuni inambe hilingisogo fikherek nogo? Nen, sa nen inane unggut lugulugwit figik, inesanggo tagumet figik, ikherek nogo? Nen, sa nen ineilenggen puget figik, fenggen figik, ikherek nogo? An Hineisena Tuhan nen hilinginafirek lek nogo?

AYUB 33:16

At Allah nen he it inesanggo holuageluk yagaisigik, ane fagisikherek oba youk wulaginafik, ikherek.

WAHYU 3:7

A'nogo yaganetesik hobuk yaganeti logolik he: ”An weak hilingiti'lek, tegelek logolik, nane eberogoat enek igirek mene nen kwe hutarek mene Daud mene waluk kwe huti halok, afuni ekhe nen yagasugun elo'lego. Nen, kwe yagati halok, afuni ekhe nen husugun elo'legat mene a'nogo nen wene yi yagahesik: At Allah nen malaikat ayonggo fuluk lakfei wesu hak, at againafuri o Filadelfia andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen yi'nogo palino.