LUKAS 24:29 - Allah Wene Fano Wene Hupla Inane

²⁹ A'nogo hilingitikhemo re, it ap aremnogo nen he, mel yagatukwa: ”Ah! O hubasigeluk, mo arat kobok ikhe yoma re, ninom yoma nogo uogo,” iluk, fakfesukwama re, inom nogo uogeluk oloba kwisukwa.

LUKAS 24:29 Referans Kwoze

2 RAJA-RAJA 4:8

O Sunem andoma, he ebe kain enggi werek mene ekhe welagaikhe. Were'ma, inenggi ekhe sambul he, at Elisa o Sunem wagaikhemo, he andi nen sumburu nouwogoluk ayonggo fesikhe. A'nogo ayonggo fesikhemo nasukwasik oba nen, hobuk Elisa o Sunem andoma laga logolik, at he andi aiba fa'larik we'luk sumburu o andiat ninggi lagaikhe.

KEJADIAN 19:3

A'nogo yagatukwama, at Lot en, ”Set walobagaigo,” iluk ane a'nogo ninghogoat yagaisasikhemo re, at aiba inom kwisukwa. Kwisukwasik, at Lot en sumburu roti fiterek lek mene weratik, fano mene ekhe isatik, isikhesik higithogo wogisasikhemo nasukwa.

LUKAS 14:23

A'nogo yagatikhemo, oe a'nogo nen amingmingengge a'nogo yagati logolik, mel yagatikhe: Halok he, seni isakfigi mene yi, it afuni attak inayonggo figi mene andi na wesugun mondok lego, iluk yagaheti o. Halok he, afuni o kota yiba endakwe mene, ebekhe hokhokwe, endepkwe, yugunat welagaikharek mene andoma an naiba yoma o peterogo kwi wesuagen he, hane omamerogoat yagaisilik lambik woginarek fisa we'no o, iluk yagatikhe,” iluk Yesus nen yagatikhe.

KISAH PARA RASUL 16:14

Hemi wene yagaisasugu mene andi, he ekhe aiba o Tiatira mene. Su kain elokhonggen e enggen warek hangge mene it ekhe inoba onggo hokhoat wanhi lagaikhe mene, enu Lidia andi nen Allah ane wanhikhesik Yahudi mene hangge were'ma, wene Paulus nen ugunem fano wanuageluk, Tuhan endawimo kagalhikhemo, wanhikhe.

LUKAS 24:28

A'nogo yagaisasikhesik, o Emaus wesuogeluk wagaukwa a'nogo arat asi wagaukwasik he, at Yesus a'nogo kwe pikhirat wesigeluk hak hilingitikhe.

LUKAS 24:30

Kwisukwasik inom sumburu nuogeluk he, hu'lagaikhesik sumburu roti mene enggimo wanhikhesik he, Allah hai warogo kurogo it aremnogo sumburisasikhe.