LUKAS 23:6 - Allah Wene Fano Wene Hupla Inane

⁶ A'nogo yagatukwama, at Pilatus a'nogo esanggo holhikhesik he, ”Ap yi o Galilea mene a?” iluk, afuni omanogo yagaisasikhemo,

LUKAS 23:6 Referans Kwoze

KISAH PARA RASUL 5:37

Lek agaikhemo re, hobuk kaindek pemerintah mene nen afuni inebe inenggi wenaginabuogeluk ugunem he, ap ekhe aiba Galilea mene, enu Yudas menlagaikhe. Menlagaikhesik, afuni hokhorogoat inendawimo kagalhikhemo re, at awe a'ma kwisukwasik ombo'ne nikhi lagaukwaat. Mene re, at ebe watukwaat. Watukwama, agoromi awe a'ma kwisukwasik ombo'ne nikhi lagaukwa mene omanogo pugulik-pagalik isukwaat andi.

LUKAS 13:1

Andi sambul he, it afuni ekhe nen Yesus yagati logolik, mel isukwa: ”Afuni Galilea mene Allah anggo waretunem, at Pilatus nen it inamep inom, Allah anggo wareta mene amep inom, misikwe yugulogo inoate o,” iluk yagasi wagaukwa.

MATIUS 26:69

A'nogo yagatu kwelek, at Petrus a'nogo olulu o honggole'ma hurek were'ma, helenggerek inamingmingengge mene ekhe oba wagaikhesik he, mel yagatikhe: ”Harogo re, Yesus Galilea mene andi hinom nikhi lagep mene anggigi,” iluk yagatikhemo,

LUKAS 23:5

it omanogo hobuk inane mondok ninghogo ikhi logolik he, mel yagatukwa: ”Lego. Ap yi wene yagaisilik nikhi logolik he, afuni o Yudea mene yi awi ti awi mondogat inendawimo kagalik nikho. Omanggum o Galilea andoma nen inendawimo kagalik-kagalik he, o yoma ogo wagaat andi,” iluk yagatukwa.

LUKAS 23:7

iren he, ”Ap andi, o at kain Herodes nen ferinarek welagarek oba omanogo nen wagasik higi,” iluk isukwama esanggo holhikhesik he, andi sambul, ap kain Herodes a'nogo, o Yerusalem andoma pisikhesik were'ma andi nen he, oba lakfesikhe.