LUKAS 23:28 - Allah Wene Fano Wene Hupla Inane

²⁸ A'nogo hilingirik wagunem, at Yesus elokhe hebekhogo kwelagisasikhesik he, mel yagaisasikhe: ”Hit hemi o Yerusalem mene yi re, an nobaget le agu lego. Hit he, hineagwi hinom hinonggwarek hinouwak le akhani o.

LUKAS 23:28 Referans Kwoze

KIDUNG AGUNG 8:4

Helime o Yerusalem mene yoma sani, hiren he, at endawi hundik anggaluk hilingitu werek kwelek, oan hoba homot figi'le'ma hanggwe palugun lego, iluk wene wa'ne'ni o.

KIDUNG AGUNG 5:16

Ane ikherek mene re enduk mondok mit-mirengge, nen at ebene hilingik mene andoma mondogat he inendawinggen wanu hak enek. Yago, o Yerusalem helime yi sani! An nendawinggen hundik mene andi ninom hilingik welago mene re a'nogo andi.

KIDUNG AGUNG 5:8

Yago, hit Yerusalem helime yoma, hiren an nendawi hundik mene andi hinom ambi asimbik halok he, at he hat faget endawinggen ninggemo oba ou agasik ou wili'logo iluk yagasubagaigen he wene watne'ni o.

KIDUNG AGUNG 3:10

Oak he perak meneba wurik, nen ambot timirek mene re emas meneba wurik. At ebe hurek werek obare kain elokhe ungu meneba hilingik, andi re helime silerik mene o Yerusalem mene nen inendawimo inagaiyek oba ita mene.

KIDUNG AGUNG 3:5

Hit helime Yerusalem mene yi sani, hiren he nit ninendawinggen hundik hilingiti lago mene andi ninanggwe palhi'lek werek kwelek enek he at oba homot lasuageluk, hiren no rusa inom kijang inom o leikwe werek mene andoma inenuba hombuk palini o.

KIDUNG AGUNG 2:7

Arigini'mo re hit helime Yerusalem mene yi sani, endawinggen nunggunem set lagapu hilingiri'lago mene andi oba homot lasuakhogo re anggwe palfigi'lek logouwakhogo, hiren o leimo andoma paik rusa inom, kijang inom enuba hombuk palini o.

KIDUNG AGUNG 1:5

Yerusalem helime yoma sani, an nebere heiselek weak oba nen, neil alili mondok fano welagi, an nebere o Kedar oba tenda eil heiselek weak meneba salek welagarek andi hangge welagiba nen, o Salomo awi wuri'mo senggele'ma alilingge pugun-paganhogo waganek andoma hangge hilingik welagi o!

LUKAS 23:27

Yesus ebe waluk wagunem afuni hokhorogo inombo'ne waga logolik, hemi ekhe at obaget le aga logolik, inendawinggen inenggi nen fothilik wagaukwa.

LUKAS 23:29

Hobuk weak asigin werek. Andi sambul he, it afuni nen ikhi logolik: Hemi abili mene, ineagwi taginafi'lek mene, ineilak unggul yenggerugwi inambe aben lek mene, andi nek he, inendawimo inagaiyek hogoin hangge o, ugun.

WAHYU 1:7

Yethani! At ebe ohena anggele'ma wagunem, afuni mondogat inebe lombogen inom, it at sige taukhogo watukwa mene inom, inomaren ineilenggen yethikhi logolik, inunggulenu lombok mondogat le asugun o, iluk yagahisigi andi, ”Ebe asuak,” u hak, ”Amin,” igi andi.