LUKAS 23:22 - Allah Wene Fano Wene Hupla Inane

²² at Pilatus enggi pireba yagaisasikhesigen hobuk ekhe inom yagaisikhi logolik he, ”At yi nena mene weak hilingitemo nen. Weak hilingitunem inoatarek andi hangge, an wene ero pilingiti mene, at andi weak ekhe hilingiti'lego. We, yei nek warogo fikhalogo herakfogoin o,” iluk a'nogo yagaisasikhe meneat he,

LUKAS 23:22 Referans Kwoze

LUKAS 23:14

wene mel yagaisasikhe: ”Ap yi nen afuni lalinabik nikho yi, iluk, an noba waluk wagepsik wene oba fegepma re, an nen hit hineilhanemat wene ero pilingiti mene re, hiren wene oba fegep hak he, higi lego.

1 PETRUS 3:18

Nit afuni weak hilingitorek andi faget ninenggi elugun oba, at Kristus hobuk wa'lagi'lek logoigeluk misigam fagerat katokhogo wa'lagaikhe. Ninebe Allah oba wo'ninarek lageluk he, at obabut higit hilingiterek mene nen, nit ninobabut weak hilingitorek mene faget wa'lagaikhe andi. Ebe nit afuni mene andi watukwama wa'lagaikhe meneat he, areagun mene andi Allah nen eluget fesikhe andi.

1 PETRUS 1:19

Athe, onggo hokho meneba palogo telhinafikheo. Wam domba eak weak meneba fuk, we, domba eak mondok fano mene Allah faget amep wulagaisogo waresu hak, at Kristus amep wulagaisogo wa'lagaikhe andiba, hinonggo palogo telhinafikhe andi.

LUKAS 23:20

Yagatukwama, at Pilatus endawimo nen he, ”Yesus andi enggi hele fikhalogo herakfagain,” anggikhi logolik andi nen he, ane hobuk sirogo yagaisasikhe meneat he,

LUKAS 23:16

Halok, we, yei enek warogo hele fikhaligin o,” iluk isikhe.

LUKAS 23:4

at Pilatus nen he, ap Allah eisewerek mene inogogwi kaindek inom, afuni hokhorogo andogorek welagaukwa mene omanogo inom, yagaisikhi logolik he: ”An nen, at yi anema wanhi mene, at weak ekhe hilingiti'lego,” iluk isikhemo,

LUKAS 23:21

it ogo inane hokhorogo ikhi logolik he, ”Eba menfuluk wa'no o! Eba menfuluk wa'no o!” iluk a'nogo isukwama,

LUKAS 23:23

eba menfuluk wasuageluk inane hokhorogo ninghogo kino yagatukwama re, it inane omame agaikhe.