LUKAS 23:2 - Allah Wene Fano Wene Hupla Inane

² Wagaukwasik wene oba fikhi logolik he, mel yagatukwa: ”Ap yi nen afuni nit mene lalinafik, uang pemerintah mene faget ap kain Kaisar a'nogo wogosugun lego, igik, hinoe Nenupogot Kristus a'nogo an aro, igik, iluk nit nineilhanem ikhi laga andi nen waluk wago o,” iluk yagatukwa.

LUKAS 23:2 Referans Kwoze

YOHANES 19:12

at Pilatus esanggo holhikhesik he, Yesus hele fikhalogo feigeluk walhasikhe meneat he, it ap Yahudi mene omanogo inane hokhorogo paksilak ikhi logolik he, mel yagatukwa: ”Ap sa nen, An nebe kain Nenupogot, iluk onggwaregen ikhe halok he, ap Kaisar endawimo seramet fikhe ugun. Halok he, haren at ari hele fikhalogo wulakfagain halok he, hat ap Kaisar hemberek enggawe mene lego. Palek mene heogoin o,” iluk yagatukwama,

LUKAS 23:14

wene mel yagaisasikhe: ”Ap yi nen afuni lalinabik nikho yi, iluk, an noba waluk wagepsik wene oba fegepma re, an nen hit hineilhanemat wene ero pilingiti mene re, hiren wene oba fegep hak he, higi lego.

KISAH PARA RASUL 24:5

Ap yi nen he, afuni weagerinabik nugunem, obabut palho. It afuni ap Nasaret mene a'nogo ombo'ne lili'lagwi mene inoe kain logolik he, afuni Yahudi mene o yi awi ti awi welagaikharek mene mondogat inendawimo kagalik nikho.

YOHANES 18:30

iren he, mel yagatukwa: ”At yi weak hilingiti'lek logoilepma re, hat hoba waluk we'lo legaro,” iluk isukwama,

MARKUS 12:17

at Yesus nen mel yagaisasikhe: ”Kaisar mene halok he, Kaisar at wogotik, Allah mene halok he Allah at wogotik, ikhi logoino o,” iluk yagaisasikhemo re, iren he, ”Egi! Ninailo e,” iluk fogeratukwa.

MATIUS 22:21

iren he, ”Ari Kaisar aro,” iluk yagatukwama, at Yesus nen he, ”Kaisar mene halok he, Kaisar at wogetik, Allah mene halok he, Allah at wogetik, ikhi logoino o,” iluk, yagaisasikhemo re,

ZAKHARIA 11:8

An nen a'nogo halinafunem he, ap gembala inebe henagan mene nen an li'norogo wena'neti logolik inabit noba fugunem he, an na'mage sebelu mondok elo'lekhogo hilingnafi laga. A'nogo hilingnafu nen he, tugi misik meneba nek he, it a'nogo mugusogo wulakfisigi.

YEREMIA 38:4

Andiba re ap yabu legoma hilingitarek inap aremnogo nen raja were'ma lagaikhasik yagati logolik he, ”Eberogo nen he ap yi nen wene ili'lago mene andoma re ap tentara inom nen ap amu mene inom o kota yiba inaberali kwelabi'lago hilingi'mo re at ebe pinggi wasugun o. Aren afuni leberisili'lagore fuk, oba nen he alomat fisili'lago o,” iluk yagata.

YEREMIA 20:10

It afuni ekhekwe-ekhekwe mondogat inane nguluk habuk ikhi logolik, ”Yikwe tikwe mondogat youk kwelaklagama inailo nek agasik inoak leigeri'lagwi o! Niren at ari faget ap inalong werek inap inoba yagaisa louwogo!” iluk ili'lagwi. Nen, it an ninom fano hundik welago mene nen ogore, at ki sambul weak hilingisigin iluk nenangot nafu weregat. Iren ikhi logolik, ”Niren nina'mage lagagunem sebelhikhi lago mene oma faget ambisangma at oba ogo hilingfogoin o, oba nen he niren at endawinggen wanimbik hilingisugun oba nek he, elok mabenet fogoin o,” iluk ili'lagwi.

MAZMUR 62:4

Ap misik ekhe o hobat molulukhogo asi lagarek andi higit hilingik kwelek, nen leget mondok helelarogo lagarek andi higit hilinglagu kwelek, hit hinebe mondogen he o ki sambul at ebe wasugun iluk nenangot hikhi logogun nogo?

KISAH PARA RASUL 24:13

It ap yi nen wene noba fili'lagwi andi re, eberogoat hilingitemo, iluk nena mene inukheogoin. Inukheogoin legat asigin o.

LUKAS 23:5

it omanogo hobuk inane mondok ninghogo ikhi logolik he, mel yagatukwa: ”Lego. Ap yi wene yagaisilik nikhi logolik he, afuni o Yudea mene yi awi ti awi mondogat inendawimo kagalik nikho. Omanggum o Galilea andoma nen inendawimo kagalik-kagalik he, o yoma ogo wagaat andi,” iluk yagatukwa.

MATIUS 17:27

Mene re, iren inabiret ninobagainogo nen he, i yenggele'ma laluk ikan watarek mene hele a'nogo ima pelafunem attak wanigin mene a'naga henggimo waluk ambe langet fugunem he, uang ambelema were'ma hagain o. Halok he, andiat waganogo re, nit nemberek faget it ap andi wogisano o,” iluk yagatikhe.

AMOS 7:10

A'nogo isikhemo, ap Amazia o Betel oba andoma imam welagaikhe agun a'nogo nen ap ekhe inayonggo fesikhesik wene afuni Israel mene inoe raja Yerobeam yagasi loageluk mel isikhe: ”Noe. Ap Amos nen he afuni Israel mene inom inane lambulhasik, neisena hat weaget habi wesuogeluk inane arat agama o. Nen, at aneba afuni inendawimo kagali'lago mene andomaba nen he o kweang nit welago mene yiba weaget lasigin o.

MAZMUR 35:11

Ineranhogo weneba fagetarek mene re menla'luk an eil nabi'lagwi, an wene ebe nonggot kwelek oba nen he, noba fu'mo hikhibet niili'lagwi.

1RAJA-RAJA 18:17

Lagaikhesik, at eilenggen Elia ebe yethasikhesik, ane hokhorogo mel yagatikhe: ”Nit afuni Israel mene ninaiba yoma o elokhenggen weagerarik nikherek mene a'nogo ari yethani,” iluk yagatikhe.

MATIUS 27:11

At Yesus ap Pilatus Gubernur kain mene a'nogo oba waluk wagaukwama elokhoma menlasi lagaikhemo re, aren heinok oba wokhikhi logolik mel yagatikhe: ”Afuni Yahudi mene inoe enupogot a'nogo hat faget aga?” iluk yagatikhemo, at Yesus nen he: ”Hat egen andi aro,” iluk yagatikhe meneat he,

MARKUS 15:2

Wogosi wagaukwama, aren he, heinok Yesus oba wokhiki logolik mel yagatikhe: ”Afuni Yahudi mene inoe enupogot a'nogo, harat he a?” iluk yagatikhemo re, aren he, ”Hat egen andi aro,” iluk yagatikhe.

YOHANES 18:29

O silimo kamo isukwama re, at Pilatus inoba wulibi wagaikhesik he, mel yagaisasikhe: ”Ap yi sani. Ap yi wene ninggi'nogo mene oba fegepsigen waluk wagep,” iluk yagaisasikhemo,

ROMA 13:7

Halok, it wogisogoin meneat wogisikhi logoino o. Uang pemerintah nen yi mene ti mene faget kino ugunem wogisogoin higithogoat wogisigik, it inebe hinailorogo logogun higithogoat hinailorogo welagik, hinane agaukhogo yagaisogoin higithogoat agaukhogo yagaisigik, ikhi logoino o.