LUKAS 22:70 - Allah Wene Fano Wene Hupla Inane

⁷⁰ it mondogaren he, mel yagatukwa: ”Halok he, hat Allah amlogo nogo?” iluk yagatukwama, aren he: ”Hit hinonggwaregen egep andi aro,” iluk yagaisasikhemo,

LUKAS 22:70 Referans Kwoze

LUKAS 23:3

A'nogo yagatukwama, at Pilatus nen Yesus oba heinok wokhikhi logolik he, mel yagatikhe: ”Ap Yahudi mene inoe enupogot a'nogo hat meneat aga?” iluk yagatikhemo, at Yesus nen he, ”Hat honggwaregen egen andi aro,” iluk isikhemo,

MARKUS 15:2

Wogosi wagaukwama, aren he, heinok Yesus oba wokhiki logolik mel yagatikhe: ”Afuni Yahudi mene inoe enupogot a'nogo, harat he a?” iluk yagatikhemo re, aren he, ”Hat egen andi aro,” iluk yagatikhe.

MATIUS 27:11

At Yesus ap Pilatus Gubernur kain mene a'nogo oba waluk wagaukwama elokhoma menlasi lagaikhemo re, aren heinok oba wokhikhi logolik mel yagatikhe: ”Afuni Yahudi mene inoe enupogot a'nogo hat faget aga?” iluk yagatikhemo, at Yesus nen he: ”Hat egen andi aro,” iluk yagatikhe meneat he,

MATIUS 26:64

at Yesus nen he, ”Haren egen andi aro. Menere, an wene yi an nen hit mondogat yagahisak. Huli yogondagen he, an abat ta'lasi wagagi a'nogo, at Allah omame hokho yi mene ti mene hilingisigin enek a'nogo nemberek era'lu enggi ebekwe kainat logombik he, hobuk pogoroba andoma nen ohena anggele'ma pi wagunem hineilenggen neogoin o, iluk yagahisigi,” iluk yagatikhemo,

YOHANES 19:7

it ap Yahudi mene omanogo nen he, mel yagatukwa: ”Aren ikhi logolik, An nebe Allah amlogo, isikhe andi nen, wene Allah nen komotninafikhe wene, niren hilingitorek andi higithogoat ebe wasu higit aro. Halok he, wasugun anggikhi lago,” iluk yagatukwa.

YOHANES 18:37

at Pilatus nen he, ”Halok he, hat eberogoat kain Henupogot he a,” iluk ikhi lagaikhemo, at Yesus nen he, mel yagatikhe: ”An nebe kain Nenupogot hat egen andi aro. Andi fagerat an nen ebe wene abok fakhogo yagaisikhi logoigeluk nebe kweangma yoma pi wagagisik ta'lagagi o. Afuni wene ebe wene andi werekwe asi lagaikha mene nek inebe lombok an nane inesanggo holi'lagwi o,” iluk yagati lagaikhemo,

YOHANES 10:36

An nen he, Nebe Allah amlogo, igi andi nen, Allah enu weagete, iluk nenahalok ikhi lagep? Allah nenat nayonggo fuluk eberogoat nebe wenagaisogo kweangma yoma laknobagai wagaikhe meneat he, nenahalok ikhi lagep.

YOHANES 10:30

”Neisena nemberek ninebe re, misigaro,” iluk yagaisikhi lagaikhemo,

YOHANES 1:49

At Nataniel en he, mel yagatikhe: ”Noe. Allah amlogo nit Israel mene ninoe kain Henupogot he, harat hiigi o,” iluk yagatikhe.

YOHANES 1:34

at ebe neilenggen furogo higiri'mo andi nen he, futfigi o. A'nogo futfigirik, at andi Allah amlogo eberogo aro, iluk, abok hit fakhogo yagahisikhi lagi yi,” iluk yagaisasikhe.

LUKAS 4:41

A'nogo higirinafikhemo, it fena inebe hokhorogoat, munggwarengge obabut weak mene inendawimo kwisukwasik welagaukwa mene nen mel yagatukwa: ”Allah amlogo hararo,” iluk inane ngai ilik-ilik wulifukwa meneat he, it inendawimo nen he, ”Kristus Allah nen, telninabuageluk menfuluk lakfei wesigin isikhe a'nogo ebe yi aro,” iluk, inelumo andi nen he, Yesus nen inane legat wulibuageluk wenagisasikhe.

MARKUS 14:62

Heinok a'nogo wokhasikhemo, at Yesus nen he, mel yagatikhe ”Andi, an nebe yi aro. An abat ta'lasi wagagi a'nogo, at Allah omame hokho yi mene ti mene hilingisigin enek a'nogo era'lu enggi ebekwe kainat logombik he, pogoroba andoma nen ohena anggele'ma pi wagunem hineilenggen neogoin o” iluk yagatikhe.

MATIUS 27:54

Nen, ap tentara mene inoe kain mene inom, agoromi fena Yesus era'lu kagalek welagaukwa mene omanogo inom, lugul langethigik, yi elalin mene hilinglagik, isikhe omanogo ineilenggen hasukwasik inailo hokhorogo agaukwasik he, ”Ap yi re, Allah amlogo eberogoat higi o,” iluk isukwa.

MATIUS 27:43

Endawinggen Allah oba himbirik logolik, ”An Allah amlogo o, iluk ikhi laga a'nogo re, at Allah nenat teligin anggikhe halok he, telinik he,” iluk isukwa.

MATIUS 4:3

A'nogo nele were'ma re, at Iblis inendawimo kagalik nikherek mene a'nogo oba wagaikhesik he, ”Hat eberogoat Allah amlogo halok he, helep yoma sumburu roti mene hilinglasuagen yagasin o,” iluk, yagatikhemo,

MATIUS 3:17

Labok i pi wagaikhemo re, Allah ane pogoroba nen, ”Yi An Namlogo, nendawinggen hundik mene. Noba liok ikhe o,” iluk ane pelakfei wagaikhe.

MAZMUR 2:12

At Tuhan a'mage endu amulok weak-weak ibilagarek andi hak, a'mage het-periluk hit weagethinabinogo nen he, At elokhoma hinailorogo hineindep awi yagaisogo nen, fanorogo fogerati logoino o. Afuni nineisena Tuhan en inebe ferinarek logouwagaluk awe a'ma kwagarek mene nek, Aren fanorinafunem inendawimo inagaiyek hikhi logouwago, iluk isikhe.

MAZMUR 2:7

Raja nen ikhi logolik he, ”An he, Tuhan nen wene menfikhe mene andi faget eberogo anggikhi logogin. Aren an noba ikhi logolik he, Hat he An namlogo, Yogondak yi sambul An hat heisena agi o.

MATIUS 26:25

at Yudas, Yesus wasuageluk yonggo lagaikhe a'nogo nen he, ”Halok he, noe. An he a? An lek anggigi,” isikhemo at Yesus nen he, ”Ebe harenat hilingisigin,” iluk yagatikhe.

LUKAS 22:71

iren he, mel yagatukwa: ”Afuni nen at weak hilingitunem ineilenggen haga mene wene furogo uageluk nenahalok yerinarek logogun nogo. Wene at onggwaregen ikhe mene arat ninesanggo holho yoma ri!” iluk isukwa.