LUKAS 22:3 - Allah Wene Fano Wene Hupla Inane

³ A'nogo weim abok ugu kwelek he, it Yesus agoromi inebe 12 omanogo mene, ekhe enu Yudas Iskariot a'nogo endawimo Iblis kwisikhe.

LUKAS 22:3 Referans Kwoze

YOHANES 13:2

Logolik he, at agoromi omanogo inom o hubanggo sumburu misi'mo nunggunem, Yudas, Simon Iskariot amlogo a'nogo endawimo Iblis kwisikhesik he, Yesus ebe wasuagen he, ”Yonggo lan o,” iluk endawimo kagalhikhe,

YOHANES 13:18

An nen wene andi hit hinebe mondogat faget yagahisigi fuk. Lego. Hit yi an nenat hinebe wenakhinafigi iluk nelu meneat he, wene andi faget Allah aneba mel iluk lisu palogo fesukwa: Ap ekhe sumburu nemberek misi'mo ninggi lago mene yi nenat weaget nabigeluk menlaga o, iluk isukwama lisu palek werek andi legasigin lek. Eberogoat hilinglasigin.

KISAH PARA RASUL 5:3

Fei wagaikhemo, at Petrus nen he, ”Ananias. Iblis nen hendawimo kagalhemo Allah Areagun lalogo kweang onggo fena minggilogo honggwarek faget fakhaluk wagen andi nenahalok.

LUKAS 22:21

”Nagoromi! Yethani! Ap ekhe sumburu e talek oba nemberek misi'mo ninggi lago mene nen an noasuageluk yonggo lagain o.

MAZMUR 41:9

Iren ikhi loglik he, ”At oba ou a'nogo re mondok enggin se'ma re, inganghogo menlasu lek hak,” ili'lagwi.

YOHANES 12:6

A'nogo wene palhikhe andi re, afuni inangge lek mene andi endawi nen isikhe fuk. We, at agaila'lak inom mondogat inarupiah mene fisogo logolik, at onggwarek faget hinagaisogo helikhi lagaikhe andi nen isikhe.

LUKAS 6:16

Yakobus amlogo Yudas inom, Yudas Iskariot Yesus wasuageluk hobuk yonggo lagain mene a'nogo inom, inebe andem wenagaisogo fisasikhe.

MATIUS 26:23

A'nogo ilik lagaukwama re, at Yesus nen he: ”Hat ekhe an nemberek ninenggi ambineat piring elema pelakfuluk amusu yugulogo nonggo mene andi nenat noasuageluk yonggo lagain o.

MATIUS 4:10

at Yesus nen he, ”Hat Iblis yi lan o. Allah nen ikhi logolik he: Hiren he, hineisena Allah Nenupogot Anat hineindep awi yagaisogo nawe a'ma kwi wesimbik fogetnafi logolik he, an faget enek hilingiti logoino o, isikhemo lisu palogo fesukwama werego,” iluk yagatikhe.

MATIUS 10:4

Simon ”O Kanaan yoma ninawi werek mene nek logouwogo,” iluk ikhi lagaikhe mene a'nogo inom, Yudas Iskariot Yesus wasuageluk yonggo lagaikhe mene a'nogo inom, inenu andem menfisasikhe.