LUKAS 22:24 - Allah Wene Fano Wene Hupla Inane

²⁴ A'nogo ilik lagaukwasik he, kain sa, iluk inane sagalhi logolik, mel isukwa: ”Henu werek he hat nogo? An anggigi,” iluk, at ekhe nen ekhe yagatik, ekhe nen ekhe yagatik, inane sagalhukwa.

LUKAS 22:24 Referans Kwoze

LUKAS 9:46

A'nogo werek kwelek, it Yesus agoromi ane wanhi lagaukwa mene omanogo nen ikhi logolik, at ekhe nen he, ”Kain henu werek hat nogo? An o,” igik inane sagalhukwa.

MARKUS 9:34

it ebekwe laga logolik, ”Kain henuwerek, hat nogo? An o,” igik, inane sagalik lagaukwasik andi nen he, inane igi'lek kamo isukwa.

1 KORINTUS 13:4

Afuni ekhe inebe inendawirogo logolik he, inafe morogo welagaikharek andi. A'nogo inendawirogo logolik he, inobabut fano, pou igi'lek logolik, inonggwaregen sewirakhigik, fogerakhigik, agarek lek andi.

ROMA 12:10

Hinerugwi hinagaila'lak Allah againafuri mene andi hinebe ap misigaren tago mene hak, hinendawinggen tulem hinendawirogo logolik he, hit-hit hinerugwi hinagaila'lak hinane agaukhogo yagaisikhi logoino.

MATIUS 18:1

Andi sambul he, at Yesus agoromi ane wanhi lagaukwa mene omanogo oba wagaukwasik he, mel yagatukwa: ”Allah awe a'ma fisikhere'ma andoma, kain enu werek he, sa logogin,” iluk yagatukwa.

LUKAS 22:23

it-it mel isukwa: ”Andi sa nen hilingisigin mene ikhe,” iluk he, heinok-hanok ilik lagaukwa.