LUKAS 22:12 - Allah Wene Fano Wene Hupla Inane

¹² aren he, o henambo hokho senggelek mene werago nogoin oba obuluk mondok hilingik oba yagahisagain a'naga re, andomaat yi mene ti mene tegelogo fembik logoino o,” iluk he, lakfisasikhe.

LUKAS 22:12 Referans Kwoze

KISAH PARA RASUL 1:13

Kwi wagaukwasik, oloba andoma kwisukwasik he, o henambo welagaukwaba andomaat lagasukwasik welagaukwa. It andi inebe re, Petrus inom, Yohanes inom, Yakobus inom, Andreas inom, Pilipus Tomas emberek inom, Bartolomeus Matius emberek inom, Alfeus amlogo Yakobus andi inom, Simon, ”O yoma ninawiwerek mene nek logogun,” iluk ikhi lagaikhe mene andi inom, Yakobus amlogo Yudas andi inom, inom welagaukwa.

YOHANES 2:25

Afuni inendawimo at elu mondok welagarek andi nen he, afuni ekhe nen: ”It ekhe inobabut yiginik,” iluk at yagasugun mondok elo'lego.

KISAH PARA RASUL 20:8

O henambo hokho wuri'mo andogetuguba andoma, esage lampu hokhorogoat ibilik welagaikhe.

YOHANES 21:17

Anema enggi pireba wokhasikhesik hobuk anema ekhe wokhasikhe: ”Simon Yohanes amlogo nagoro. Haren an nebe hendawi a?” iluk, anema a'nogo enggi pireba wokhasikhesigen, hobuk ekheba, ”Haren an nebe hendawi welagen a?” iluk yagatikhe andi nen he, endawinggen weak agaikhemo, aren Yesus mel yagatikhe ”Noe. Hat he, yi wene ti wene mondogat helu o. Halok an nen noe hebe nendawi welagi andi, hat helu o,” iluk ikhi lagaikhemo, at Yesus nen he, mel yagatikhe: ”Halok he, an nanggo domba fanorogo kwelaginarek logoin o,” iluk yagatikhe.

LUKAS 22:11

ap awi eisewerek mene andi oba heinok mel iluk wanino: At ninoe wene yaganisikherek mene a'nogo nen he, mel ikhe: An nagoromi nane wili'lagwi mene ninom Pesta Paskah faget domba wam warogo noageluk, o hulu senggelek ki hak fouget fegen, iluk heinok wani lani, iluk lakninobagai wagama wago o, iluk yagatunem,

LUKAS 22:13

Lakfisasikhemo, it emberek lagaukwa hak he, aren isikhe hagat, a'nogo were'ma ha lagaukwasik he, Paskah seni a'nogo isasuogeluk domba watukwasik he, weragaisogo tegelogo fesukwa.