inendawimo nen, ”Yogondak ya faget ninggi'nogo hilingisigin he,” iluk, menenei ebetik, ”Nagarek hokhorogo logoilebe,” iluk inendawimo ebeti logolik, inonggwaregen laligik, inendawimo nen yi mene ti mene ekhe inamolo anggigik, agarek andi nen he, wene andi inendawimo kanggil agaresik he, enggen iterek lek andi aro.
LUKAS 21:34 - Allah Wene Fano Wene Hupla Inane34 At Yesus nen wene a'nogo yagaisasikhesik he, ekhe mel yagaisasikhe: ”Yi mene ti mene isago werago hinalabut ninghogo ninggik, i lugulugwi paluogeluk nenggarek mene ninggik, yi mene ti mene kweangma mene faget menenei uan horok ebetik, a'nogo hilingirik nikhi logolik hinebe hebelek lek hesanggeat were'ma, Gade chapit la |
LUKAS 21:34
37 Referans Kwoze
yogot wanharek mene inom, inami'mik weak hilingitarek mene inom, amusu lugulugwi paluogeluk nenggarek mene a'nogo nunggu mondok welagaikharek mene inom, inane puk weak wenagisagarek mene inom, inenggi abisak wanharek mene inom, it afuni a'nogo hilingitarek mene andi mondogat Allah awe a'ma fisikhere'ma andi eisewerek asugun mondok lego.
Hit a'nogo siakhogo menla'luk hinomame agi'lek halok he, afuni yogot wanuogeluk hinagaisogo wagaikharek andi hak, an a'nogoat, hiren, At yi sambul wesigin iluk, hinonggotma wesinogo iluk he, wene omanggum yagahisasukwama hinesanggo holhigip mene hinendawimo ebetfuluk he, weak hilingiti lagep mene fakhogo herakfisaluk hinobabut hebelasimbik, wene andiat hinenggi ninghogo fisogo logoino o.
A'nogo yagahisasigi andi re, wene ebe yi'nogo. At ekhe nen ikhi logolik he: ”An hinagailak Allah amlogo aro,” iluk ikhi logoligat he, pailak fakfisigik, ami'mik weak hilingitik, tugwi kembu oba himbirik logolik fogeratik, ane puk weak wenagisigik, amusu lugulugwi paluogeluk nenggarek a'nogo mene nunggu mondok welagik, afuni lalinafik, ikherek andi hangge mene inebe hinom lambukhogo logogun legat, sumburu hinom ninggi logogun legat, iluk yagahisasigi anggigi.
Nen, awi feik ekhe panggi hokhorogo were'ma lakfesikhe andi ebe re, it afuni ekhe Allah ane andi inesanggo holharesigenat he, inendawimo nen, ”Yogondak ya faget ninggi'nogo hilingisigin he,” iluk menenei ebetik, ”Nangge hokhorogo logoilebe,” iluk inendawimo ebetik, inonggwaregen laligik, agarek andi nen he, wene andi ero kanggil agaresik he, enggen iterek lek andi aro.
It ap nabi inom, imam inom ogore anggur agai inom, ara agai inom hokhorogo nunggunem he lugu-lugwi palhu werek. Iren wenggelharek mene omanogo re nonghong enek ugu nen he ebekwe leil warik laga logolik talo-talonggerik lili'lagwi. It ap Allah ane yagaisagarek mene andi re wene Allah nen yagaisikherek mene omanogo fut figi'lek hilingitu werek It ap imam omanogo nen he wene piling nisani iluk it inambit waluk kwagarek mene omanogo re higithogo tegeri'lagwi lek.
at Yesus nen he, mel yagaisasikhe: ”Afuni nen lalhinabinogo nen he, hinobabut hebelogo logoino o. Afuni inebe hokhorogo nen, inenu an nenu mene salogo nen mel ilik wesugun: At wesigin isukwa a'nogo an nebe wagi yi aro, igik, hilinglasigin a'nogo arat horogasi waga o, igik, ilik wesugun a'naga, it andi inane hinesanggo holfuluk inombo'ne lagubo.
Nen, panggi hokhorogo anggele'ma pisikhe andi ebe re, it afuni ekhe Allah ane andi inesanggo holharesigenat inendawimo nen he, eige. Ninggi'nogo hilingisigin he, iluk, menenei ebetik, nagarek hokhorogo logoilebe, iluk inendawimo ebetik, kweangma mene inendawimo inagaiyek hogoin mene oba ebetik, agarek andi nen he, inendawimo Allah ane andi enggen wurik agi'lek lologo lek agarek andi aro.
A'nogo hikhi logolik, hit he, hinobabut hebelogo logoino. Afuni ekhe nen he hinenggi hele warogo ap kaindegen hinanema wanuageluk wokhinarek lagik, o afuni Yahudi mene samban agarek oba nen yei hinoatik, ugun o. A'nogo imbik he, it yi Yesus agoromi iluk, it ap pemerintah mene kaindek inom, inenupogot inom, wene hinoba fouwageluk inelokhoma menhinobagaumo, andi sambul fanoasuak he an hilingitunem hineilenggen niikhi lagep mene fakhogo yagaisogoin o.
A'nogo yagatikhemo at he Abigail a'nogo sugulogo hun Nabal ambit wagunemen he, it ap raja nen seni isatarek omanogo hakhogo oloba seni hokho mene isati lagaukwa. A'nogo isati logolik at Nabal a'nogo lugu-lugwi palhikhesik agaiyek hokhorogo hilingitunem he, at agwe nen wene yi'nogo ti'nogo iluk ekhe yagati'lek werek kwelek enek he hobit huli agaikhe.
Hit hinanggele'ma andoma nen wene a'nogo hilingisu fuk iluk haferogo yagahisikhe mene andi re at ekhe nen holfoluk at oba ebe ambisangma mondok fano nek aga logogin angga fuk, we at onggwarek a'mage lagagin mene nen hilingirik lagain oba nen ogore. At hilingisigin andiba re ap fano meneet, weak meneet hinebe abirengge lek hilingisogo hinobagagin o.
”Hat inom, hamlogomi inomen i anggur amusu naluk ogo, athe i lugul-lugwi palharek mene naluk ogo, An Nawi Sabu sale'ma kwi waga logogun lek Nen, hiren wene melalek yi sagal fogoin halok he hit hinebe wa'lasugun. Wene melalek yire hat hambisangma nen tagomangge mene nen ogo mondok tiphogo nek hilingiti logogun.
A'nogo werek meneat he, afuni inonggorat werek kwelek yi mene ti mene yogot wani kwagarek andi hak, ninoe Enupogot wesigin andi re, a'nogoat wesigin o. Andi sambul, pogot ebe misik sambulat sogoi ane hangge ilik-ilik legagik, yi mene ti mene pogoroba welagarek mene ero inomat endu ninggik, kweang ebe inom, yi mene ti mene kweangma welagarek mene inom, mondogat legagik, igin o.
Piblisite