LUKAS 21:21 - Allah Wene Fano Wene Hupla Inane

^21-22 Andi sambul he, yi'nogo hilinglasigin, ti'nogo hilinglasigin, iluk, it ap Allah ane lisu palogo fesukwa mene omanogo nen isukwa andi emberek higit asuageluk he, afuni weak hilingiri'lagwi mene unggum yogondak yaba wogisagain andi nen, hit o Yudea tonggwe logogun mene halok, tom oba heise lagagik, o Yerusalem logogun mene halok, o kota herakfisaluk heise pugulhik, ini o. Nen, o endakwe igaiba logogun mene halok he, o kota kwi wagubo.

LUKAS 21:21 Referans Kwoze

YEREMIA 6:1

Yago, hit afuni Benyamin mene yi sani, o abel utara fikhiren enggin mene inom, obabut mondok weak mene inom ninoba feigiluk weri'lago andi nen he, hit he o Yerusalem herakfisaluk wulibi lani o! O Tekoa nen he trompet futhani, nen o Bet-Kerem oba andoma enegenggerogo iluk he endu hule liapni.

WAHYU 18:4

A'nogo yagatikhesi'mo nen ombo'ne re, at Allah ane pogoroba nen ekhe mel ikhe: ”Afuni nen, yi mene ti mene ambola'ma oba lou'-louk filik lagagarek andi hak, it afuni nen, at he andi inom weak hilingitu mondok welagaikharek mene andi pogoroba higit lagaikhemo, an Allah nendawimo eberek mondok welagi andi nen he, an nen it wene inoba fembik weagerinabigin. It weagerinafi logolik, hit an nagainafuri mene it hinom logolik, it inobabut waganogo weak hilingisumo hinom weagethinabi nogo nen he, it herakfisaluk heise wulibi we'ni o.

MARKUS 13:15

Heise lagauwogeluk halok, afuni ekhe o tum oba lagaluk logombik, inambotkwe pi wesimbigen, inangge yi mene ti mene oloba werek mene hela kwigi'lek pikhirat lagauwago.

MATIUS 24:16

afuni o Yudea tonggwe werek menere heise tom oba andoma lagauwago.

YEREMIA 35:11

Oba nen he Nebukadnezar raja Babel mene a'nogo nen kweang yiba pin kwi wagaikhe sambul he, nit he ap tentara Babel mene inom Siria mene inom inoba nen heise wilibimbik he pugulogo o Yerusalem wulibugun anggasugu. Andiba re yogondak nit yoma welago ari o,” iluk aga.

AMSAL 22:3

Ap hebelek mene nen he inebe weagerinabu mene haluk he weak-weak ogal fakhagarek, oba nen ap kembu mene re higi'legengge wonghogo lagunemen, weak meneba teisali lagaikharek.

BILANGAN 16:26

Lagaikhesik he, Musa nen afuni Israel mene inoba yagaisikhi logolik, ”Ap ina'mage mondok weak inap ari inawi sabumo nen herak fisaluk lani! It inangge we endebengge halok ogo ekhe senha fuk. Hit wene yi higithogo hilingisugun lek halok he, it inaweak oba hinom ambine wa'lasugun,” iluk yagaisasikhe.

KEJADIAN 19:26

A'nogo meneat he, at Lot agwe a'nogo eilenggen ambothan hebekhogo yet lasi wagaikhemo re, mayu higit wera'lagaikhesik lo'loh mendek menlagaikhe.

KEJADIAN 19:17

A'nogo wulibi lagaukwasik, it malaikat inebe pire aremnogo ekhe nen mel yagaisasikhe: ”Hinebe telobagaigen he, weak-weak lani o. Laga logolik, hineilenggen hinambotkwe yetlasi wagik, o tonggwe horokhogo yoma kamo igik, ugun mondok lego. Hinebe wa'lagep hanogo nen he, o tom oba yatmaat andoma weak-weak heise lani o,” iluk yagaisasikhe.

YEREMIA 37:12

Ma re an o Yerusalem herakfuluk he wilayah Benyamin nen meneba kweang inalolegengge nit nineisok erokwe mene nen omanogo an ogo helagain iluk lagi.

MATIUS 2:1

At Yesus a'nogo, o Propinsi Yudea o Betlehem ta'lagaikhe. Ta'lagaikhe andem sambul he, o andoma kain enupogot he, ap enu Herodes andi welagaikhe. Were'ma re, it ap inendawimo kagalek mene hesagal futfikhi lagaukwa mene ekhe o mo eroma nen yegelogo lagai wagarek andoma higiren o Yerusalem wagaukwa.