LUKAS 21:17 - Allah Wene Fano Wene Hupla Inane

¹⁷ Nen, it afuni mondogaren he, an nenu uluk, hit he, at agoromi, iluk hinebe inabit mondok asugun. Meneat he,

LUKAS 21:17 Referans Kwoze

YOHANES 15:19

Hit hinebe afuni kweangma mene logoilepma re, it afuni kweangma mene nen he, it he, nit ninagoromi, iluk inendawinggen hundik hilinghinabilep meneat he, hit hinebe it afuni kweangma mene were'ma wenakhinafigisik wokhinafisigi'mo re, hinebe it mene welagep fuk. Andi nen he, inabit mondok hilinghinabi'lagwi o.

LUKAS 6:22

Nen, it ap yoma inambu-inombalagen, it ap attak Allah ane yagaisikhi lagaukwa mene hilinginafi lagaukwa hagat, hit yogondak an abat ta'lasi wagagi a'nogo nane wanhep andi nen inapsiri wathinobagakhi logolik, hit enek fologo hinobagagik, inane puk weak wenakhisigik, ap yi weak, iluk hinenu ikhi logolik hinabok weak palhik, a'nogo hilinghinafu halok, onggo wokhisagain mene pogoroba hokhorogo werek andi nen he, hinendawimo hinagaiyek hikhi logolik hu'lenggen wuni wati logoino.

2 KORINTUS 12:10

Andi nen he, an Kristus faget, nebe lebelek agi halok inom, afuni nen nabok weak palhu halok inom, wiik-weakhogo hilingnafu halok inom, yi enggin ti enggin hilingnafu halok inom, weim yafi logolik inoasuogeluk hoberisagarek hak hilingnafu halok inom, an lebelegat were'ma, andiba nen nomame agirek iluk, nendawimo nagaiyek anggigirego.

YOHANES 15:21

A'nogo meneat he, iren, at an laknobagai wagaikhe mene a'nogo ebe inonggot andi nen he, it yi at agoromi, iluk, wene yagahisigi andi mondogat hilinghinabugun o.

WAHYU 2:3

Nen, afuni nen an faget yi enggin ti enggin hilinghinafu kwelegat, hiren he, At ninabit, iluk, heraknobagagi'lek hinafe morogo welagep andi.

FILIPI 1:29

At Allah obabut fano nen, hit hinendawinggen Kristus oba himbiret fouwageluk enek hinayonggo fesikhe fuk. Lego. At faget yi enggin ti enggin hikhi logouwageluk hinayonggo fesikhe aro.

2 KORINTUS 4:11

At Yesus wa'lagaikhesik eluk agaikhemo nit ninebe wa'lagorek mene yi ninendawimo eluk welagarek andi enegat asuageluk, nit yogondak nineluk werek kwelek, at Yesus faget hundik-handik ninoasuogeluk ugunem telninaferek andi.

YOHANES 17:14

Hat hane a'nogo it arat yagaisigi. Nen, an nebe kweangma mene fuk, andi hak he it ogo kweangma mene legat andi nen he, it afuni kweangma mene nen inabiret ninobagali'lagwi o.

MARKUS 13:13

Nen, afuni mondogaren an nenu imbik, hit he at agoromi iluk hinebe inabit mondok hilinghinobagagun o. Meneat he, sa nen afe morogo logogin halok he, o wurep oba Allah nen ebe teligin o,” iluk yagaisasikhe.

MATIUS 24:9

Andi sambul he, afuni inunggulenu lombogen, an nenu iluk, ”Hit he, at agoromi,” iluk hinebe inabit mondok hilinghinabimbik he, hinebe fakhinobagaluk, it ekhe nen yei hinoatik, hinebe pinggi hinoatik, uageluk inoba wokhinarek laga logogun o.

MATIUS 10:22

Nen, afuni mondogaren an nenu iluk, hit he, at agoromi iluk inabiret hinobagakhi logogun o. Meneat he, sa nen afe morogo logogin halok he, o wurep oba Allah nen teligin o.

1 PETRUS 4:14

Afuni ekhe nen at Kristus faget wenakhisugu halok he, hinendawimo nen he, ”Allah Areagun fogeratarek mene a'nogo ninoba louk ikhemo welago,” iluk hinendawimo hinagaiyek anggikhi logoino o.

KISAH PARA RASUL 9:16

A'nogo ayonggo figiri'mo re, aren nenu a'nogo yagaisilik nugunem, at yi enggin ti enggin hikhi logogin obaat hikhi logogin mene, an nen yagasigin werego,” iluk yagatikhe.

YOHANES 7:7

It afuni kweangma mene nen hit halok he, inabit mondok hilinginabi'lagwi lek meneat he, an nen, it hilingitarek andi weak mondok, iluk igirek andi nen he, anat inabit mondok hilingnabi'lagwi o,” iluk yagaisasikhesik,

MATIUS 5:11

Hit oan werek kwelek, attagat it ap Allah ane yagaisikhi lagaukwa mene weagerinafi lagaukwa hagat, hit an nebe faget, it afuni ekhe nen wenakhisigik, weagethinafik, ineranenat hinabok ikhi logolik, yi weak ti weak hinoba figik, ugu halok he, hinendawimo hinagaiyek hikhi logoino o. Hobuk nineisena pogoroba mene nen onggo hokho mene wo'nisagain iluk, hinendawimo fano agik, hinagaiyek higik, hokhorogo ikhi logoin o,” iluk yagaisasikhe.

2 KORINTUS 4:5

Wene yagaisilik nikhi lago andi re, ninonggwarek hilingitorek wene fuk. Lego. We, at Yesus Kristus hilingitikhe wene aro. At Yesus ebe ninoe Enupogot iluk he, nit at faget hit hinamingmingengge welago, iluk yagaisogorek andi.

LUKAS 21:16

Nen, hineisugwi hinagaisawi nen, hinogogwi hinagoromi nen, hinagaila'lagen, hit wokhinarek he, o wene inoba figik, kotik, agarek oba hinobagai lagik, hinebe ekhe mondok hinoatik, ugun o.

LUKAS 21:18

hinebe nongasugun lek, u hak he, hinesi hinunggul oba andoma misik halok ekhe longgo igin mondok lego.