LUKAS 21:10 - Allah Wene Fano Wene Hupla Inane

¹⁰ wene ekhe mel yagaisasikheat: ”Afuni inunggulenu lombok weim kagalhik, ap inenupogot inagoromi inawe a'ma mene lombok weim kagalhik, kagalfuluk yafu kwelek,

LUKAS 21:10 Referans Kwoze

MARKUS 13:8

Yi afuni ti afuni inunggulenu lombok weim kagalhik, ugun. Weim kagalhunem he o yi awi ti awi lugul langet higik, sumburu ouwak agik, igin meneat he, andi re, hemi omalik taginabuogeluk inambot heinet watarek andi hak, attagat hogoin he andi aro.

IBRANI 12:27

A'nogo, ”Misigam faget abologet hagain,” iluk isikhe andi re, abolok ugun lek ningsek mene logouwageluk herakfembik he, kweang, pogot aren elalhikhe mene mondogat abologet hageluk isikhe andi.

ZAKHARIA 14:13

Inenggi andi sambul, ap inunggulenu lombok andoma inoba Tuhan nen inendawinggen nonghong isigik, nen inailo mene hilingfisigik, umo re ap inebe lombogen inagaila'lak fena fikhit logogun mene omanogo fak fisaluk inebe inoati logogun.

YESAYA 19:2

Tuhan nen ikhi logolik he, ”An nen o Mesir oba andoma it inonggwarek inagaila'lak mene inom, weim yabuageluk hilingfisamo re, are nen are ekhe watik, it inawi horok-horokwe werek mene inebe wat-wat lagik, o kota ekhe nen kota ekhe mene inom weim yafik, nen kerajaan ekhe nen kerajaan ekhe mene inom weim yafik, hilingiti logogun o.

KISAH PARA RASUL 11:28

It wagaukwa andi mene, ap ekhe enu Agabus andi, Allah Areagun en endawimo kagalhikhemo, menlagaikhesik mel yagaisasikhe: ”O yi awi ti awi mondogat sumburu ouwak hokhorogoat hogoin o,” iluk yagaisasikhe. Yagaisasikhe andi, ebe ap enu Klaudius ebe kain logolik ferinarek were'ma hilinglagaikhe andi.

LUKAS 21:9

It ekhe nen, weim yabi'lagwi, igik, inebe misigat mene nen folim hibirogo mugisogo wulakfisili'lagwi, igik, iluk ugu halok he, hina'manggen laluk hinendawinggen abolok ugubo. Attagat a'nogo hilinglasigin meneat he, o wurep oba hilinglasigin mene andi re, weak-weak hilinglasigin lego,” iluk yagaisasikhesik he,

LUKAS 21:11

lugul hokho inailo mene langethigik, o yi awi ti awi sumburu mondok ouwak agik, ou obabut weak mene inoba agik, yi mene ti mene inailo mene hilinglagik, pogoroba nen hilingisu lek mene elalagik, igin o.