LUKAS 20:44 - Allah Wene Fano Wene Hupla Inane

⁴⁴ at Daud en Kristus ebe faget, Noe Enupogot, iluk isikhe meneat he, it afuni nen, Kristus telinaferek mene andi Daud en tago mene ugun andi re, ninggi'nogo nen ugun anggegep. A'nogo ugun elo'lego,” iluk yagaisasikhe.

LUKAS 20:44 Referans Kwoze

WAHYU 22:16

A'nogo yaganetesik, at Yesus nenat hobuk yaganeti logolik he, ”Yi wene ti wene yi abok, an nagot malaikat en hit nagainafuri o yi awi ti awi andogoti lagep mene mondogat yagahisoageluk hinoba lakfei wagi andi re, an Yesus nen aro. Nen, e asimit fulelherek andi hak, ap Daud en tagongge mene a'nogo re, an nebe aro. Nen, hesagal wap o mo yegelogo lagai wagarek higiren, liabi wagarek mene amulit hokho a'nogo re, an aro,” iluk yaganete.

1 TIMOTIUS 3:16

Wene andi, nit Allah awe a'ma logolik eberogoat iluk anggogorek wene hinago welagaikhe mene Allah nenat fakhogo weinamet fesikhemo, ”Wene andi esin,” iluk fakhogo ikhi lago. Andi re: At Kristus ebe afuniat weinam agaikhe o. At Allah Areagun nen, ”At Kristus andi eberogoat,” iluk sele'mat fesikhe o. It malaikat Allah nen yonggo pelakfisa wagarek mene ineilenggen hasukwa o. Agoromi nen at hilingiti lagaikhe wene a'nogo yi afuni ti afuni endakwe mene yagaisilik lagaukwa o. Afuni o yi awi ti awi mene ekhe hokhorogo aren, ”At ebe eberogoat,” iluk, inendawinggen at oba himbiret fesukwa o. At Allah nen pogoroba fogeratu mondok welagaikhare'ma liakfesikhemo welagarego. Wene andi re, at Allah nenat weinamet fesikhemo fakhogo ikhi lago o.

GALATIA 4:4

Were'ma re, at Allah nen amlogo ayonggo fesikhesik kweangma lakfei wesigin arat higit asi wagaikhemo re, lakfei wagaikhemo, he kweangma mene nenat tatikhe. A'nogo tatikhemo, wene Allah nen komotnininafikhe wene a'nogo awe a'ma logolik esanggo hologo hilingiti lagaikhe.

ROMA 9:5

Nit ninombalak he, iren tagongge mene. At Kristus ebe nit afuni ta'lagorek hak ta'lagaikhe andi, it mene nen tatukwa mene re, ebe Allah mene aro. Yi mene ti mene mondogat he, a'ma hak meneat he, at enek he, abel ponggwe lego mene andi nen he, at enek fogerati logogun andi, ebe asuak, iluk u hak, ”Amin,” ikhi logouwok.

LUKAS 2:11

Yogondak telhinabigin mene kain Enupogot Kristus a'nogo, o ap Daud awi sili welagaikheba a'nogo ta'lagasik werego.

MATIUS 1:23

At andi nen he: ”Hele silerik ekhe omalik a'ma asimbik he, eak abat takhagain o. Ta'laga halok he, nit ninaneba, Allah ninom welago, u hak, enu Imanuel ikhi logogun,” iluk lisu palogo fesikhe mene higithogoat hilinglagaikhe andi.

YESAYA 7:14

Haren a'nogo egen oba nen he yogondak Tuhan amu nen hiren futfouwageluk enegengge ekhe hilingisigin werego. Hele silerik mene ekhe omalik a'ma lasimbik omalik abengge takhagain o. Takhamo re enu Imanuel salugun.

LUKAS 20:45

At Yesus nen wene a'nogo yagaisugunem afuni mondogat inesanggo holek werek kwelek, it at agoromi ane wanhi lagaukwa mene omanogo mel yagaisasikhe.