LUKAS 20:2 - Allah Wene Fano Wene Hupla Inane

² Wagaukwasik he, mel yagatukwa: ”Haren he, nena mene eise agendik yi hilingitik, ti hilingitik, ikhi lagen. Nen, ap sa nen eisewerek logouwageluk menhobagaikhemo hilingiti lagen. Yaganisan o,” iluk yagatukwama,

LUKAS 20:2 Referans Kwoze

KISAH PARA RASUL 7:27

Mene re, at agot yei wati logolik, at Musa ebe filikhogo kwe esanggoma lakfikhi logolik he, mel yagatikhe: Hat nit ninoe kain logolik wene inoba figik, kotik, ikhi logouwageluk, sa nen menhobagaikhemo.

YOHANES 2:18

Yesus nen it ap omanogo a'nogo yagaisasikhemo, it ap kaindek Yahudi mene nen Yesus ebe wenageti logoligat he, mel yagatukwa: ”Haren hilingiten yi re, eisewerek logolik hilingisu hagat hilingitenma, iluk futhobagauwogen he, elalin mene ekhe hilingisin ta,” iluk wenagetukwa.

KELUARAN 2:14

A'nogo yagatikhemo, at ap a'nogo nen he: ”Hat nit ninoe fetninarek logolik, wene ninoba figik kotik, ikhi logouwageluk sa nen menhobagaikhemo. Ap Mesir mene waten a'nogo hak an noasigiluk ikhi lagen a?” iluk yagatikhe. A'nogo yagatikhemo, at Musa ailo mondok agaikhesik endawimo nen he: ”Egi, nailo e. An hilingiti a'nogo afuni inelu agama higi,” iluk endawimo ebetikhe.

KISAH PARA RASUL 7:51

Hit afuni yoma hinobabut mondok weak hinesanggo holhi'lek hinagap hinenggalimo mene palek logoligat he, hinendawinggen tegele'lek logolik komore'lek hilingiti lagep yi ri! Hinombalagen: Allah Areagun ane andi ninabit, iluk ikhi lagaukwa hagat, hit it inobabut waganogo ikhi lagep yoma ri!

LUKAS 20:1

Hobuk inenggi ekhe sambul he, at Yesus Allah awi wuri'mo kwisikhesik logolik afuni wene fano wene furogo yagaisigik komorinafik, ugunem, it ap Allah eisewerek inogogwi kaindek inom, Allah ane lisu palek inelu mene inom, inaluendek omanogo inom, inomat Yesus oba wagaukwa.

LUKAS 20:3

at Yesus nen he, ”An ogo re, hiren yaganesubagaigen iluk, heinok misigat wokhisagat.