LUKAS 2:47 - Allah Wene Fano Wene Hupla Inane

⁴⁷ A'nogo ikhi logolik, iren heinok wanhunem, at wene mondok elu logolik onggo yagaisasikhe andi nen he, it ap andogorek welagaukwa mene omanogo mondogat ane inesanggo holhukwasik he, ”Eigi, nailo e!” iluk fogeratukwa.

LUKAS 2:47 Referans Kwoze

MATIUS 7:28

Yesus nen wene a'nogo ilik waga lagaikhesik wene wurep kofokhogo isikhemo re, it afuni hokhorogo omanogo nen he, ”Egi! Wene ikhe andi, it ap Allah ane lisu palek eisewerek mene nen yaganisagarek hangge ili'logo lego. We, aren he, wene ebe eisewerek mene nen u hak ikhe andi, nailo e!” iluk fogeratukwa.

LUKAS 4:32

Yagaisikhi logolik, wene ebe eisewerek mene nen agarek hak ugunem en, it omanogo nen he, ”Nailo e!” iluk fogerati lagaukwa.

MAZMUR 119:99

An he Haren wene yi'nogo hilingiti logoino ti'nogo hilingiti logoino iluk werek mene andi kumuthikhi logolik ebeti lagimo re, it neisugwi guru lak inebe mondogaren inelu mene andoma re we sebelek hak werek kwelek, an enek he mondok hokhorogo futfikhi lagi.

YOHANES 7:15

Yagaisugunem he, it ap kaindek Yahudi mene nen he, mel isukwa: ”Egi! Nailo e. Ap yi sekolah hilingiti'lek meneat he, yi wene ti wene yoma ninggi'nogo nen elu aga anggegep,” iluk isukwama,

MARKUS 1:22

Yagaisugunem it afuni omanogo nen he, mel isukwa: ”Ap Allah ane lisu palek eisewerek mene nen yaganisagarek hangge ili'logo lego. We, aren he, wene ebe eisewerek mene nen u hak ili'logo andi, nailo e,” iluk fogeratukwa.

YOHANES 7:46

iren he, mel yagaisasukwa: ”Eige! Wene aren ili'logo andi hak he, it ap ekhe nen wene a'nogo ugunem isogorek lek meneat he, aren wene hunogoat ili'logo andi nen ebe herakfogo o,” iluk, yagaisasukwama re,

LUKAS 4:22

it afuni omanogo nen he, mel isukwa: ”At yi ap Yusuf amlogo a'nogo lek nogo? Araro. Meneat he, aren wene fano mondok yaganisikhe andi nailo e,” iluk fogeratukwa.

MATIUS 13:54

at onggwarek aiba eroba lagaikhesik, o afuni Yahudi mene samban agarek oba kwisikhesik wene yagaisugunem it afuni inesanggo holhukwa mene nen he, mel isukwa: ”Egi! Nailo e. Ap yi endawimo mondok kagalek andi, wene ka nen yanggulhesik waga. Nen, yi wene ti wene elalinat hilingirik nikho andi, koma nen yanggulhesik hilingirik nikho.

MATIUS 22:33

it afuni hokhorogo omanogo inesanggo holhukwasik he, ”Egi! Nailo e,” iluk fogeratukwa.

MARKUS 6:2

Lagaukwasik he, inenggi sabit oba Allah faget weat logolik, o afuni Yahudi mene samban agarek oba inebe hokhorogoat were'ma inoba kwisikhesik, wene yagaisasikhe. Yagaisugunem, it inebe hokhorogoat omanogo nen he, mel isukwa: ”Egi! Nailo e. Ap yi a'nogo hilingirik nikho andi re, koma nen yanggulhesik hilingiri'logo. Endawimo mondok kagalek andi, wene nena wene endawimo logolik yaganisili'logo. Enggi fagisugunem elalinat hilinginabi'logo andi, ninggi'nogo hilinginabi'logo.

MARKUS 11:18

Komorinafunem, it ap Allah eisewerek inogogwi kaindek inom, Allah ane lisu palek eisewerek mene inomen wene andi inesanggo holhukwasik he, Yesus wasuogeluk weim abok isukwa. Weim abok isukwa andi re, Yesus nen wene yagaisugunem afuni hokhorogoat at ane holfuluk fogerati lagaukwa andi nen, at ebe inailo agaukwasik he, wasuogeluk isukwa andi.

LUKAS 2:46

Pisukwasik, herarik inenggi pire nikhi lagaukwasigen, hobuk inenggi ekheba kwelakhasukwa re, at ebe Allah awi wuri'mo kwisikhesik, it ap Allah ane yagaisagarek mene inom inanggele'ma hurek logolik, it omanogo inane ugunem esanggo holhik, iren ugunem aren onggo igik, heinok wanhik, ugunem heratukwa.

LUKAS 2:18

A'nogo yagaisasukwama, it afuni andoma inesanggo holhukwa mene mondogaren, mel isukwa: ”Egi! Nailo e,” iluk fogeratukwa.