LUKAS 2:40 - Allah Wene Fano Wene Hupla Inane

⁴⁰ Lagai wagaukwasik logolik, yenggerek a'nogo alue aga logolik, ebe omame agik, endawinggen mondok kagalek mene hilinglagik ikhi lagaikhemo, Allah nen agaugwerati lagaikhe.

LUKAS 2:40 Referans Kwoze

LUKAS 2:52

Nen, at Yesus a'nogo logolik, ebe alue agik, endawimo kagalek mondok hilinglagik, ugu kwelek, eisena Allah inom, afuni inom, at faget inoba liok ikhi lagaikhe.

LUKAS 1:80

Nen, at Zakharia amlogo a'nogo ebe alue agaikhesik endawinggen mondok wurik agaikhesik, afuni Israel mene oan eilenggen isa lagi'lek logolik he, o leimo afuni mondok le'ma andoma welagaikhe.

YOHANES 1:14

Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.

1 SAMUEL 2:26

It a'nogo weak hilingitu kwelek meneat he, at Samuel a'nogo nek he ebe alue agu kwelek, Tuhan nen inom, afuni mondogaren inom, at faget inoba liok ikhi lagaikhe.

1 SAMUEL 3:19

A'nogo yagatikhesik oba nen, at Samuel ebe mondok alue aga lagaikhe. A'nogo alue agu kwelek, At nineisena Tuhan fisogo mondok logolik, at Samuel en wene ugu mene mondogat eberogoat mene nek hilinglaga logouwagaluk hilingfikhi lagaikhe.

LUKAS 2:47

A'nogo ikhi logolik, iren heinok wanhunem, at wene mondok elu logolik onggo yagaisasikhe andi nen he, it ap andogorek welagaukwa mene omanogo mondogat ane inesanggo holhukwasik he, ”Eigi, nailo e!” iluk fogeratukwa.

MAZMUR 22:9

A'nogo hilingiti logolik iren mel agarek, ”At Tuhan nen at ebe elu halok he, Aren teluagen he, oba himbiret fembik logouwak he, iluk yaganetarek andi.

1 SAMUEL 2:18

It a'nogo hilingitu kwelek, at Samuel ebe oan yenggeregat logolik, nineisena Tuhan faget hilingitu welagaikhe. A'nogo hilingiti logolik, asu pisarek yo linen meneba kwago mene ap imam Allah faget hilingisuogeluk labetarek higithogoat laberogo hilingiti lagaikhe.

HAKIM–HAKIM 13:24

A'nogo yagatikhesik welagaukwasigen, at Manoah agwe a'nogo eak ap takhasikhesik enu Simson salhikhe. A'nogo tatikhemo, omalik a'nogo alue agu kwelek, Tuhan nen ebe fanot fikhi lagaikhe.

2 TIMOTIUS 2:1

Timotius namlogo e. Nit Kristus Yesus ninom hundik were'ma, Allah obabut fano nen wo'nisikherek mene andiba hendawinggen wurikhogo logoino.

EFESUS 6:10

Wurep oba re, wene yi yagahisak. Hineisena Tuhan hinom hundik logolik he, at omame hokho a'nogoba, hinomame hilingla'luk logoino.

KISAH PARA RASUL 4:33

A'nogo ikhi logolik he, it ap Yesus nen inebe wenagaisogo inayonggo fuluk lakfisasikhe mene omanogo nen, ”Ninoe Tuhan Yesus eluk agama nineilenggen arat hogo o,” iluk inane mondok omamerogo yagaisikhi lagaukwa. Yagaisugu kwelek he, Allah obabut fano a'nogo nen hokhorogo leberisikhi lagaikhe.

MAZMUR 45:2

An nane pugun paganhogo nendawimo nen lagai wagunem ikhi lagi mene andoma re, at raja faget ikhi lagi o. Ap wuni kogalek awuni felalhi lagaukwa mene mondok inendawi kagalek mene nen lisu palu hak, an namelinggen oba nen kogalek awuni nek foukhogo welagi o.

1 SAMUEL 2:21

A'nogo hilingitunem, At Allah nen Hana fanotfesikhemo, eagwi ap inebe henagan, nen helime inebe pire taginafikhe. Nen, at Samuel a'nogo re, ebe ekhe inom alue aga logolik Allah obaget hilingiti lagaikhe.