LUKAS 2:4 - Allah Wene Fano Wene Hupla Inane

^4-5 Nen, at Yusuf ogo re, Daud en tagongge mene andi nen he, o Galilea tonggwe o sili enu Nazaret andi nen he, o Yudea ap Daud ta'lagaikheba o sili enu Betlehem pigeluk, at Maria emberek wenago welagaukwa a'nogo eak a'ma were'ma emberegat inenu lisu paluageluk pisukwa.

LUKAS 2:4 Referans Kwoze

MIKHA 5:2

Tuhan nen hobuk a'nogo hilinginabigin iluk, yogondak we elama ya it ninaselei mene nen fetninarek logolik yaganisikhi logouwageluk ninobagaikhemo logogun andi. A'nogo fetninarek logolik werek kwelek at raja andi agaisa nen tasigin iluk Allah nen anggasikhe higithogo ta'lagu halok, afuni at unggulenu mene hele warogo woginarek lagaukwa mene andoma re hobuk it inunggulenu Israel mene inom sebesi wesugun.

YOHANES 7:42

At Mesias Allah nen lakfei wesigin isikhe mene andi re, ap Daud en tagongge mene, at Daud onggwarek awi eroma welagaikheba o Betlehem andoma ta'lasigin, iluk Allah aneba lisu palogo fesukwama a'nogo lek nogo?”

1 SAMUEL 16:1

At Samuel enggi ekhe inom endawimo a'nogo weak were'ma, nineisena Tuhan nen mel yagatikhe: ”Hat Saul faget henggi miren oba hendawimo a'nogo weak logogin nogo? An nen he, at Saul afuni Israel mene inoe raja logogin mondok lek, iluk arat igi lek nogo? Andi nen he, hat yogondak zaitun amusu ekhe wanimbik he, o Betlehem lan o. Lambik, ap enu Isai amlogo ekhe raja logouwageluk arat wenagaisogo figimo werek andi nen he, lan o,” iluk yagatikhe.

LUKAS 4:16

A'nogo fogeratu kwelek, at Yesus o Nasaret ebe alue agaikheba lagaikhe. Lagaikhesik, at hilingiti lagaikhe hagat, inenggi sabit oba Allah faget weat logolik, samban uogeluk o afuni Yahudi mene samban agarek oba kwisikhesik, Allah ane lisu palek mene enu salhi logolik yagaisageluk menlagaikhe.

MATIUS 2:23

Wagaukwasik he, o sili enu Nazaret andi kwi wagaukwasik andomaat kamo isukwa. A'nogo hilingitukwa andi re, it ap Allah ane yagaisikhi lagaukwa mene nen ikhi logolik, ”At a'nogo awi Nazaret mene ugun o,” iluk isukwa higithogoat hilinglagaikhe andi.

1 SAMUEL 20:6

Andi nen hat heisena nen he, Daud ebe wagi'lek andi nenahalok, iluk heinok wokhikhe halok he, mel yaga'no: At Daud en yaganeti logolik, An neisena, nagaisa, nogogwi nagoromi mondogat ninom tahun ekheba faget, Allah nen fano fetninarek welaga, iluk, at faget wam warogo nolesuogoluk andi nen he, weak-weak o Betlehem laga-lagi iluk an yagane'luk laga, ino.

RUT 4:17

A'nogo tegelhu were'ma, it hemi Naomi inom inawi sili misi'mo mene nen omalik a'nogo enu Obed salhukwa. A'nogo salhukwasik, afuni mondogat mel yagaisikhi lagaukwa: ”Naomi eak ap mene ekhe werego,” iluk ikhi lagaukwa. Ma re, Isai eisena Obed andi. Nen, Daud eisena re, Isai andi.

RUT 4:11

A'nogo yagaisasikhemo, inogogwi kaindek omanogo inom, it ekhe leget pa'leget kwe ambe pale'ma andoma welagaukwa mene inom, inomen he, mel yagatukwa: ”Elok. Nit nineilhanem egendi'mo re, ninendawimo eberek logogun o. Nineisena Tuhan nen, he Rakhel inom, Lea inom fanorinafikhemo ineagwi Yakub againafuri hokhorogo taginafukwa andi hak, Aren hat hagwe andi fanotfoumo, eagwi hokhorogo taginabuagaro. Hat hebe afuni Efrata mene inanggele'ma henggi werek enek logolik, o Betlehem yoma nen inelu mondok logouwak.

RUT 2:4

A'nogo andogorik lagunem, welagi'le'maat, at Boas o Betlehem en lagaikhesik afuni jelai enggen palhi lagaukwa mene omanogo hai warinafi logolik, ”Tuhan nen fethinarek logouwago,” iluk yagaisasikhemo, iren he, ”Harogo, Tuhan nen fanothafi logouwagaro,” iluk yagatukwa.

YOHANES 1:46

at Nataniel en he, mel yagatikhe: ”A! O Nasaret a'lima nen fano mene ekhe elogat wesu hak nogo? Elo'lego,” iluk isikhemo, at Filipus nen he: ”hat heilenggen tomok hanogen eme o,” iluk yagatikhe.

1 SAMUEL 17:58

A'nogo wagaikhemo, at Saul en he, ”Nagot, hat sa amlogo nogo,” iluk heinok wokhasikhemo, at Daud en he, ”An hamingmingengge yi neisena re, Isai aiba o Betlehem mene a'nogo amlogo o,” iluk yagatikhe.

1 SAMUEL 17:12

At Daud andi ap Efrata mene, Isai amlogo. Aiba re, o it afuni Yehuda mene inaiba andoma, o sili enu Betlehem mene. At Isai andi againafuri ap inebe 8 nen taginafikhe. A'nogo taginafikhemo re, at Saul en afuni Israel mene ferinarek welagaikhe andem sambul he, at Isai ebe mondok yaman agaikhesik welagaikhe.

1 SAMUEL 16:4

A'nogo yagatikhemo, at Samuel en Tuhan nen yagatikhe hagat hilingitikhesik, o Betlehem arat lagaikhemo, it afuni o kota andoma mene inogogwi kaindek ina'manggen hokhorogo lagaukwasik he, ebe wanhukwasik mel yagatukwa: ”Hat nit nisa wagen yi re, fano wene yaganisageluk wagen a?” iluk heinok wokhasukwa.

RUT 1:19

It emberek pikhit waga lagaukwasik o Betlehem wagaukwa. A'nogo wagaukwama, afuni o kota andoma mene mondogat inane anggiluk weak hokhorogo ikhi logolik, it hemi nen he, mel isukwa: ”At andi re eberogo he Naomi a'nogo a?” iluk isukwa.

KEJADIAN 48:7

An nen a'nogo hilingisigin andi re, hat hagaisa Rahel fageraro. An o Mesopotamia nen nambotkwe wagunem, hagaisa o Kanaan kota enu Efrata andoma horogat wa'lagaikhemo, an nendawimo mondok weak agaikhe. Nendawimo a'nogo weak agaikhesik, hagaisa ebe warek o Efrata lagaikharekoba era'lu andoma kweangma salhigi o,” iluk yagatikhe. (O attak enu Efrata ikhi lagaukwa mene yogondagen he, enu Betlehem agarek andi.)

KEJADIAN 35:19

He Rahel a'nogo wa'lagaikhemo kwe o Efrata lagaikharek oba yogondak he, enu Betlehem agarek oba kwe esanggoma andoma salfesukwa.

MATIUS 1:20

A'nogo anggikhi logolik, hubanggo nogo ugunem he, at malaikat Allah pogoroba nen yonggo pelakfisa wagarek mene ekhe oba wagaikhesik he, mel yagatikhe: ”Yusuf Daud omba yi. Hat he, hele Maria andi wanigin nabit, iluk hendawimo anggagun o. Omalik andi Allah Areagun en at a'mat fikhemo. Halok he, wanin o.

LUKAS 2:3

A'nogo inenu lisu paluageluk he, afuni inawi sili lombok kwilik lagaukwa.