LUKAS 2:14 - Allah Wene Fano Wene Hupla Inane

¹⁴ ”It pogot abel ponggweba welagaikharek mene nen he, nineisena Allah andiat fogerati logouwogo. Nen, it afuni kweangma yoma inebe Allah oba liok ikherek mene re inendawinggen hambukhogo logouwago,” iluk isukwa.

LUKAS 2:14 Referans Kwoze

ROMA 5:1

Yogondak he, nit ninendawinggen Allah oba himbiret fesugu andi nen, wene ninoba mene korogo wokhaluk ninom ninambotkwe hunogo ninobagaikhemo, ninoe Enupogot Yesus Kristus nen hilingitikhe andiba Allah ninom lambulogo fano liokhogo welago.

LUKAS 19:38

A'mit suphogo pikhi logolik mel isukwa: ”Allah nen ninoe kain Enupogot lakhobagai wagama wagen yi, arenat fanothabuago! It pogoroba welagaikharek mene andoma inendawinggen hambukhogo logouwago. Nen, Allah esin pogoroba welagarek mene fogerati logouwogo,” iluk a'nogo ilik-ilik pisukwa.

KOLOSE 1:20

Yi mene ti mene kweangma mene inom, pogoroba mene inom, mondogat Allah inom weak agaukwasik, weim palek hangge were'ma, at Allah onggwarek inom lambulogo fisasikhe andi ebere, Yesus eba menfuluk watukwama amep wulagaisogo wa'lagaikhe andiba lambulogo fisasikhe andi.

LUKAS 1:79

O mummo logolik wa'lasu hak andi ninailo, iluk anggili'lagwi a'nogo o selek hilingisogo fisigik, ninonggothogo were'ma, Kwe yiba lamo hinendawinggen hambuk igin, iluk, yaganisigik, igin o,” iluk, Zakharia nen isikhe.

WAHYU 5:13

Andi hak, it Allah nen elalhikhe mene mondogat, pogoroba mene inom, kweangma mene inom, kweang a'ma mene inom, i laut yenggele'ma welagarek mene inom, mondogaren ikhi logolik: ”At kain welagarek obuluk oba werek andi, Domba Eak a'nogo emberegat, Irat inomame werego, iluk hai warinafik, agaugwerinafik, fogerinafik, ugu mondok logouwogo,” iluk ugunem holhi.

YESAYA 57:19

An nen ap yatkwe werek mene inom, horok-horokwe werek mene inom, fano liokhogo welagaikharek mene afuni mondogat inoba wogisagain. An nen nagainafuri fano higirinabigin.

KISAH PARA RASUL 10:36

Higimo re, nit afuni mondogat ninoe Enupogot Yesus Kristus nen lambukhogo ninobagauwageluk wene fano wene andi, ebe nit afuni Yahudi mene ninoba lakfei wagaikhe andi hinelu o.

YOHANES 17:4

An nen o kweangma yi wene ti wene hilingisuageluk mennobagasigin a'nogo yabu ebe arat hilingiti lagarik, mondok higithogo hilingiti andiba nen esinet hobagagi o.

2 TESALONIKA 2:16

At ninoe Enupogot Yesus Kristus, nineisena Allah inom inobabut fano a'nogo nen, inendawit ninafukwasik, ninendawinggen abolok lek mondok logouwageluk ago watninobagagik, fano asigin iluk oba eberek logouwageluk ninendawimo kagalhik, agarek.

FILIPI 2:11

A'nogo kuluk, inambeba lombok nineisena Allah fogerati logolik he: ”Ninoe Enupogot Yesus Kristus andi aro,” iluk, fakhogo ugunat andi.

LUKAS 3:22

Allah Areagun sue pel hangge ot oba labok i pi wagaikhe. A'nogo hilingitikhemo re, pogoroba nen ane mel isikhe: ”Namlogo nendawi e! Noba liok ikhe o,” iluk isikhe.

MATIUS 21:9

A'nogo fesukwasik laga logolik he, at Yesus ebe tulemet fesukwasik, it ekhe attak agik, it ekhe ombo'ne agik, laga logolik he, inane hokhorogo mel ilik lagaukwa: Daud en tagongge mene, noe wa! noe wa! noe wa!” iluk u hak,” Hosana Nineisena Enupogot Allah nen lakhobagai wagama wagen yi, arenat fanothabuago. Allah Lego mondok welagendek mene neisena wa!” u hak, ”Hosana” iluk a'mit suphogo ilik-ilik, o Yerusalem kwisukwa.

YESAYA 49:13

At Tuhan againafuri koninabigiluk waga logolik, At unggulenu mene yi enggin ti enggin inoba fugu werek mene endawirinabigiluk weri'lago andi nen he: Hat pogot yi, wuni wulabin o, hat kweang yi re, hagaiyegesin o, hit tom-tom oma re, hinagaiyegen hinanggilukhogo hilingiti logoni o!

EFESUS 1:9

At onggwarek, a'nogo hilingninabu amolo nen: ”Yi'nogo hilinginabigin andi ebe at Kristus nen hilinginabuak,” iluk, wene at endawimo anggasikhe mene hinago welagaikhesik fakhogo yaganisasikhe andi.

EFESUS 1:6

At obabut fano nen amlogo endawinggen tulem mene endawi agi'legat wo'nisasikhe andi faget, niren he, ”Egi. Nailo e,” iluk, fogerati logouwogo.

YESAYA 44:23

Hat pogot yi re, hagaiyegeti logoin, nen hit fena kweang elonggoma welagep mene nen ogore hinagaiyegeti logoni, Israel At againafuri a'nogo onggo palinafe andiba re, Tuhan omame hokho mene a'nogo inugisikhe. Andiba re, hit tom-tom andoma nen hinagaiyegetik, o engga ogoi andoma nen inom, nen e ebe lombok anggelekwe andoma mondogaren inom ogore inagaiyegesuagat!

EFESUS 2:7

At Allah a'nogo hilingitikhe andi re, o hobuk logogun andem oba logolik afuni nen he, ”Allah obabut fano mondogen endawitninafikhe,” iluk enegat futfikhi logouwageluk telninafikhe andi, ebe re, Kristus Yesus nenat telninafikhe.

EFESUS 2:4

A'nogo welagaikhe meneat he, hobuk at obabut fano enago mondogen, hokhorogoat endawitninafikhe.

YOHANES 14:27

Halok, hit hinendawinggen hambukhogo logouwageluk an nendawinggen hambukhogo welagirek mene wokhisaluk lagain o. Andi re, afuni kweangma mene nen wogisagarek hak wokhisagain lek andi nen he, hinendawinggen fiti logolik hinailo agubo.

YOHANES 3:16

Yi afuni ti afuni Allah endawi mondogen inendawinggen an noba eberogoat himbiret fogoin mene halok enek, inebe lombok wa'la'luk he, nongagi'lek ineluk mondok logouwageluk, At amlogo an nebe misigat tago mene wogisasikhe.

LUKAS 2:13

A'nogo yagaisugu kwelek aremnogoat he, malaikat pogoroba nen yonggo pelakfisa wagarek mene inebe mondok hokhorogo ka nen heat weinam agaukwasik he, at malaikat ekhe a'nogo inomat Allah fogerati logolik, mel isukwa:

LUKAS 2:15

A'nogo yagaisasikhesik he, it omanogo fisaluk inambotkwe pogoroba lagagu kwelek he, it ap wam konharek mene omanogo it-it ikhi logolik he, ”Yi'nogo hilinglagama o, iluk nineisena Tuhan nen yaganisikhe andi, o Betlehem ha louwogo,” iluk isukwasik,