LUKAS 19:9 - Allah Wene Fano Wene Hupla Inane

⁹ A'nogo yagatikhemo at Yesus nen he: ”Hat hebe Abraham en tagongge a'luk he, yogondak yiat hat hagainafuri hinomat Allah nen telhinafe o!

LUKAS 19:9 Referans Kwoze

GALATIA 3:7

Andi nenat, hit hinendawimo nen he, Abraham againafuri ebe mene re, it afuni inendawinggen Allah oba himbiret fuluk welagaikharek mene andi aro, iluk, futfogoin o.

LUKAS 13:16

Andi hangge, he Abraham en tagongge mene yi Iblis nen hele homagaisogo fisogo werek kwelek, 18 tahun hilinglaga mene yi, ninenggi Allah faget weat logolik hele fikhalogo fogoin lek nogo? Fikhalogo fogoin aro,” iluk wene a'nogo isikhemo,

ROMA 4:16

Halok he, Allah obabut fano nen weat wo'nisikherek, iluk uageluk he, ninendawinggen at oba himbiret fugunem abok isikhe mene andi wo'nisikherek. Nit aren tagongge mene wene Allah nen komotninafikhe wene andi hologo higithogo hilingiti logolik, ninendawinggen Allah oba eberogoat himbiret fogorek mene halok enek wo'nisikherek fuk. We, Abraham it ekhe ninom mondogat nineisena atma re, it andi at Abraham endawinggen Allah oba himbiret fesikhe andi hak, inendawinggen Allah oba himbiret fagarek mene halok wogisikheregaro.

1 PETRUS 2:10

Hit attak he, Allah againafuri mene welagagip lek, meneat he, yogondak hinebe Allah againafuri eberogoat agebo. Nen, attak hiren he, ”Allah nen ninebe endawi werek,” iluk hinonggot welagagip meneat he, yogondak ”Ninebe Allah endawi nen wo'ninafikhemo welago,” iluk hinelu agebo.

GALATIA 3:29

Hit hinebe Kristus mene halok he, hinebe Abraham en tagongge mene welagep. Halok, Allah nen Abraham abok yagatikhe mene a'nogo, hit wokhisagain higiraro.

GALATIA 3:14

At Allah nen he, Abraham fanot fesikhe hak, yi afuni ti afuni mondogat Kristus Yesus inom hunetunem fanorinabuageluk, Yesus wa'lagaikhe andi. At a'nogo wa'lagaikhesik oba nen, Allah Areagun wokhisagain iluk abok tak yaganisasikhe a'nogo, ninendawinggen At oba himbiret fugunem wo'nisikherek andi.

LUKAS 3:8

Halok he, hinendawimo ebet fuluk, weak hilingiti lagep mene herakfisaluk hinobabut eberogoat hebelaga iluk enegat asuagen higithogo hilingiti logoino o. Nen, hinendawimo nen he, Abraham andi nit nineisena, iluk anggagubo. At Allah nen Abraham againafuri hak hilinglasuageluk helep yoma mene elok hilingisu hagaro, iluk yagahisigi andi.

LUKAS 13:30

Mene re, yethani! It afuni o yogondak inenu werek mene andi, hobuk inenu legasigin o. Nen, it ekhe yogondak inenu lek mene andi hobuk inenu weregasigin o,” iluk yagaisasikhe.

LUKAS 16:24

Eilenggen liagisasikhesik, ane hokhorogo mel yagatikhe: Abraham neisena e! An endu aik hokhoma yoma heinet hokho wati lagi yoma hendawi nean o. Lazarus nen enggi tum ima pelakfembigen, i magaisogo re, nameliba sakho uageluk, fei wesuageluk yagasin o, iluk yagatikhemo,

LUKAS 16:30

ap a'nogo nen he, mel yagatikhe: A'nogo egen meneat he, ap ekhe wa'la'luk lagaikhare'ma nen eluk a'luk isa lamo nek he, inobabut hebelasugun o, neisena e, iluk yagatikhemo,