LUKAS 17:4 - Allah Wene Fano Wene Hupla Inane

⁴ Ap andi nen inenggi misik sambul he, enggi 7 nen hobuk attak weak hilinghobagaikhesik he, hundik-handik enggi 7 nenat hoba we'luk, weaget hobagagi mene andi nobabut hebelaga o, iluk yagahesi waga halok he, sebelogo legetfisikhi logoino,” iluk yagaisasikhe.

LUKAS 17:4 Referans Kwoze

ROMA 12:20

Andi halok, hiren he, yi'nogo hilingisugun: ”Afuni hinom weak mene andi sumburu nele werek halok he, sumburisigik, i nele werek halok he, wogisigik, ikhi logoin o. A'nogo hilingisugun andiba re, endu enggen inungguloak oba fugunem heinet wasu hak, inenggali asigin andi.”

MATIUS 6:12

Afuni nen nit weaget ninafa mene, niren sebelogo legetfisogo andi hak, nit weak hilingito mene haren sebelogo legetfisano o.

MATIUS 18:35

Andi hagat, hit hinerugwi hinagaila'lagen weaget hinabi'lagwi mene andi hinendawinggen enat sebelogo legetfisigi'lek halok he, an neisena pogoroba mene nen a'nogo hilinghinabigin aro,” iluk yagaisasikhe.

MATIUS 18:16

Meneat he, esanggo holhi'lek halok he, yi'nogo hilingisugun. Allah aneba lisu palogo fikhi logolik he, ”Wene inoba fouwogeluk halok, afuni ekhe inebe pire a, henagan a, weak hilingitunem ineilenggen haga mene nen, Eberogoat nineilenggen hogo,” iluk ugu halok eberogoat anggogoin, iluk isikhemo lisu palogo fesukwa andi nen he, afuni inebe pire hea? henagan hea, inayonggo fuluk hinom oba lano.

MATIUS 5:44

A'nogo meneat he, an nen wene ekhe yi yagahisak. At nineisena Allah pogoroba mene mo eisewerek logolik kweangma selekhogo afuni inobabut weak mene inom, fano mene inom, mondogat faget yaginafik, nen, meiso pelakfei wagarek andi re, it higit hilingiri'lagwi mene inom, weak hilingiri'lagwi mene inom, mondogat faget pelakfisa wagik, ikherek andi hak, hit hineisena Allah pogoroba mene againafuriat asubagaigeluk, afuni hinom weak mene andi hinendawirinafi logolik he, it weagethinabi'lagwi mene andi, Allah nen fanorinabuageluk it faget samban ikhi logoino.

LUKAS 17:5

A'nogo isikhemo, it agoromi lakfisasikhe mene omanogo nen he: ”Noe e! Ninendawinggen en Allah oba himbiret fogo mene a'nogo wurik asuageluk ekhe inom ninomamet ninabin o,” iluk yagatukwama,