LUKAS 17:30 - Allah Wene Fano Wene Hupla Inane

³⁰ Andi hak he, an abat ta'lasi wagagi a'nogo hobuk weinamhogo wesigin andi sambul he, a'nogoat hilinglasigin o.

LUKAS 17:30 Referans Kwoze

WAHYU 1:7

Yethani! At ebe ohena anggele'ma wagunem, afuni mondogat inebe lombogen inom, it at sige taukhogo watukwa mene inom, inomaren ineilenggen yethikhi logolik, inunggulenu lombok mondogat le asugun o, iluk yagahisigi andi, ”Ebe asuak,” u hak, ”Amin,” igi andi.

1 KORINTUS 1:7

Hinendawinggen a'nogo wurikhogo logolik, ninoe Enupogot Yesus Kristus weinamhogo wesigin iluk, nenangorogo logolik he, Allah nen wo'nisikherek mene andi, ekhe wanhi'lek welagep fuk. We, mondogat wanhigipsik welagebo.

1 PETRUS 1:13

Andi nen wene andi futfuluk he, kwe fungusek louwogeluk inobakhe hele ninghogo homatarek andi hak, hinobabut hebelogo, hinendawinggen wenggelogo logoino. A'nogo logolik hinendawimo nen he, ”Allah nen Yesus Kristus ebe weinamhogo lakfei wagunem fano mene wo'nisa wesigino,” iluk hinendawinggen at oba lakfuluk oba eberek mondok logoino o.

1 PETRUS 1:7

Emas onggo hokho palharek mene andi, ’Fano a? Weaga,’ iluk endu oba obabut palharek andi hak, Allah nen he, ”It inendawinggen an noba eberogoat himbirik werega? Lega,” iluk, enegat asuageluk anggugunem hinoba yi enggin ti enggin hikhi lagep andi. Emas andi re, we tulemat lek asigin meneat he, ebe esin he, hinendawinggen Allah oba eberogoat himbirik welagep andi aro. Hit hinendawinggen at oba himbirik logogun halok he, aren hinobabut palhi logombik Yesus Kristus weinamhogo lakfei wesigin andi sambul, fogethinafik, agaugwethinafik, esinethinafik, igino.

LUKAS 21:27

Andi sambul he, an abat ta'lasi wagagi a'nogo nomamerogo ohena anggele'ma pi wagunem, ineilenggen neambik hokhorogo fogetnabugun o.

MATIUS 24:3

A'nogo yagaisasikhesik he, punu Zaitun oba lagasikhesik hurek were'ma, at ane wanhi lagaukwa mene omanogo oba wagaukwasik inalegenek logolik he, mel yagatukwa: ”Haren yaganisegen a'nogo re, mera nen hilinglasigin. Hat hebe wagik, o wurep oba hilinglagik, igeluk ugu kwelek he, ki mene tak hilinglagunem nit ninendawinggen wenggelasigin. Wene furogo yaganisan o,” iluk yagatukwama,

MATIUS 16:27

An abat ta'lasi wagagi a'nogo re, hobuk neisena fogeratu mondok welagaikharek andi hagat hilingla'luk, it malaikat Allah pogoroba nen yonggo pelakfisa wagarek mene omanogo ninom wesimbik, andi sambul he, afuni mondogat inobabut lombok hilingitarek mene higithogoat onggo wogisa wesigin o.

1 PETRUS 4:13

At Allah nen Kristus ebe weinamhogo lakfei wagunem, fogerasugun andi sambul, wagunem hinendawimo hinagaiyek hokhorogo anggouwogeluk hinendawimo nen he, ”At Kristus oba yi enggin ti enggin hilik-hilik wa'lagaikhe hak, nit at ninom hundik logolik a'nogoat hikhi lago,” iluk hinendawimo hinagaiyek hikhi logoino.

MARKUS 13:26

Andi sambul he, an abat ta'lasi wagagi a'nogo ineilenggen neambik, hokhorogo fogetnabugun o.

MATIUS 26:64

at Yesus nen he, ”Haren egen andi aro. Menere, an wene yi an nen hit mondogat yagahisak. Huli yogondagen he, an abat ta'lasi wagagi a'nogo, at Allah omame hokho yi mene ti mene hilingisigin enek a'nogo nemberek era'lu enggi ebekwe kainat logombik he, hobuk pogoroba andoma nen ohena anggele'ma pi wagunem hineilenggen neogoin o, iluk yagahisigi,” iluk yagatikhemo,

MATIUS 24:39

E so elema kwisikhesik werek kwelek, it afuni omanogo inonggorat were'ma, i arat nabung-habung ikhi logolik mondok inoatikhe. Andi hak he, an abat ta'lasi wagagi a'nogo hobuk wesigin higithogo re, a'nogoat hilinglasigin o.

MATIUS 24:37

It afuni ap Nuh werek oba andem hilingiti lagaukwa higirat he, an abat ta'lasi wagagi a'nogo hobuk inobabut a'nogoat hilingitunem wesigin o.

LUKAS 17:24

An abat ta'lasi wagagi a'nogo wesigin he, o eilabut yegelhikhi logolik pogot erokwe a'lima mondok selek arik lagarek andi hak, wesigin o.

LUKAS 17:29

ap Lot a'nogo o Sodom herakfisaluk wulibi lagaikhemo re, Allah pogoroba nen meiso endu mene inom, hendali hangge mene inom, pelakfei wagaikhemo re, it afuni omanogo inebe felelenghogo inoatikhe.

1 KORINTUS 1:8

Hobuk wurep oba ninoe Enupogot Yesus Kristus wesigin andi sambul, hit weak were'ma hisa wesinogo iluk, at Kristus nenat hinendawinggen wurigethinafi logogin o.

KOLOSE 3:4

Ebetu were'ma, at Kristus ninebe hobuk nineluk mondok logouwageluk hilingninaferek mene a'nogo weinamhogo wagunem he, hit at hinomat weinam asumo foget hinabugun andi.

1 YOHANES 2:28

Nagainafuri e. Kristus wesigin andi sambul ebe wagunem he, nit ninenggali agi'lek, ninailo legat at elokhoma awe a'ma kuogen, hirat at hinom hundik mondok logoino o.

1 YOHANES 3:2

Nerugwi nagaila'lak, nendawilage. Yogondak nit ninebe Allah againafuri welago meneat he, hobuk ninebe logogun mene weinamet figi'lek oan hinago werego. A'nogo meneat he, nit ninelu re, Yesus ebe yogondak werek mene nineilenggen furogo hogoin andi nen, at wesigin andi sambul ebe wagunem, nit ninebe at ebe werek andi hak hilinglasuguno.