LUKAS 16:3 - Allah Wene Fano Wene Hupla Inane

³ A'nogo yagatikhemo, at amingmingengge a'nogo endawimo nen he: Noe nen, an naiba logolik nagarek fisogo logogin lek. Wulak nobagagin, ikhe andi, an ninggi'nogo hilingisigin. Wulaknobagaikhe halok, an yabu helikhi logogin he, nenggi maben. Nen, nambe kino weak yagaisilik nikhi logogin he, nenggali o.

LUKAS 16:3 Referans Kwoze

2 TESALONIKA 3:11

Wene a'nogo yagahisasugu meneat he, it ekhe nen he: ”Afuni it mene ekhe inonggwarek ineabu meneat heligi'lek logolik, it ekhe inawene meneat talombogenggerogo ilik nikho,” iluk yaganisagama ninesanggo holhosigen yagahisogo andi.

KISAH PARA RASUL 3:2

Lagasukwa hak he, ap ekhe agaisa alabutmo nen eisok wut warek mondok ta'lagaikhesik welagaikhe mene, kwe ambe pale'ma enu Eil Amulit Fano iluk ikhi lagaukwaba andoma fei wagaukwama were'ma hasukwa. Afuni nen ap andi inenggi ekhe kamo igi'lek hundik-handigat afuni ekhe Allah awi wuri'mo kugunem he, yi mene ti mene ambe kino weak yagaisikhi logouwageluk, kwe ambe pale'ma andoma yerogo fei waga lagaukwa.

YOHANES 9:8

A'nogo fano agaikhesik wagunem, it afuni at agaila'lak mene inom, it ekhe ap a'nogo attak ambe kino weak ugunem ineilenggen hasukwasik he, mel isukwa: ”Eige! nailo e. Ap yi re, ebe hurek enek logolik, ambe kino weak ikherek mene a'nogo lek nogo? Ap a'nogo aro,” iluk isukwama,

LUKAS 18:4

A'nogo yagasi wagunem he, ap kain a'nogo nen attak ane holhi'lek abiret fikhi lagaikhe meneat he, hobuk endawimo ebeti logolik he, an nobabut he, Allah nailo legat logolik, afuni agaukhogo nendawirinafirek lek meneat he,

LUKAS 16:22

A'nogo ninggi logolik were'ma, at Lazarus enggi lek mene a'nogo wa'lagaikhe. Wa'lagaikhemo re, it malaikat pogoroba Allah nen yonggo pelakfisa wagarek mene omanogo ekhe wagaukwasik, ebe waluk he, ap Abraham era'lu fei lagaukwa. Fei lagaukwama nen he, hobuk ap kain enggi werek mene a'nogo wa'lagaikheat. Wa'lagaikhemo re, kweangma salhukwa.

LUKAS 16:20

Meneat he, ap ekhe enggi lek mene enu Lazarus, ebene oumo mondok hokhorogo welagaikhe mene, ap kain enggi werek mene a'nogo awi kweba andoma fei waga lagaukwa.

LUKAS 12:17

at ap a'nogo endawimo nen he, Awi yati mene ebe enggen hokhorogo ite andi, ebe palogo fagain oba obuluk lek yoma, ninggi'nogo hilingisigin, iluk, endawimo ebeti lagaikhe.

MARKUS 10:46

At Yesus ebe inom, agoromi ane wanhi lagaukwa mene omanogo inom, wene a'nogo ilik pisukwa-pisukwa re, o Yeriko sili lekwe nen enda'ma wulifunem he afuni fena inebe hokhorogoat inombo'ne wulifukwa. Wulifunem, ap Timeus amlogo enu Bartimeus eilenggen mum mene yi mene ti mene ambe kino weak ikhi lagaikhe mene andi ebekhalem hurek were'ma wulifukwa.

HOSEA 9:5

Linggene ekhe seni isati logolik Tuhan agaugwetfuluk legeisogo fugu sambul he, hiren wene andi faget hilingisugun iluk yi'nogo ti'nogo ekhe hilingisugun mene re elo'lek aga logogin.

YEREMIA 5:31

Andi re it ap nabi nen he ineranhogo wene igik, nen it imam en he inendawimo nen anggaluk hilingisugun mene nek hilingitik ugunem, hit An nagainafuri nen ogore ariginik mene andoma faget hinagaiyekhogo nek hilingiti lagep. Oba nen he hobuk wurep kobok i wesigin oba re hiren ninggi'nogo mene ekhe hilingisugun nogo?” iluk ikhe o,

YESAYA 10:3

A'nogo hilingiti lagep oba nen he, linggene Allah nen hit unggum hinoba fagain sambul andi re, hiren ninggi'nogo hilingisugun anggegap? Nen, o yatma andoma nen enggin mene hinoba lakfei wesumo re hit hinonggwarek hinomameba elok tela hak anggegep? Hiren saba lebetninabin iluk kino yagasugun anggegep? Hit hinangge hinenggi werek welagep mene andoma re koma hinakfakhogoin nogo?

AMSAL 29:21

Ap ekhe amingmingengge ebe oan oba nenat kino igin mene ane hologo nek hilingisugun halok he ambisangma obabut weak mene asigin.

AMSAL 20:4

Ap yabu korek mene andi re eabu wanu higit oba aremnogo helikhe lek halok he, sumburu ebe tasugun oba a'nogo re, at anggweangma aremnogo nen yi mene ti mene ekhe helagain mondok lek.

AMSAL 19:15

Ap yabu korek mene andi re nogo filirogo nogokhi logolik welagarek, andi nen ambisangma re at a'nogo ouwak eberogo hikherek.

AMSAL 18:9

Ap ekhe eabu higithogo hilingiterek lek mene andi re, ap weaget fisagarek mene andi emberek higit.

AMSAL 15:19

Ap korek mene re hundik-handik enggin-fenggin hikhi logolik enek werek, ap higithogo hilingiterek mene re enggin-fenggin ekhe hikherek mondok lek.

AMSAL 13:4

It afuni ekhe yabu hilingisu inaberali mene andi, inendawimo nen yi mene ti mene inamolo anggagarek meneat he, ebe misik iluk ogo ekhe helagarek lek. Nen, it afuni ekhe yabu inomame mondok hokhorogo hilingitarek mene andi nek he, yi mene ti mene inendawimo inamolo anggagarek mene andi, higithogoat helagarek.

ESTER 6:6

Andi isikhemo re at Haman a'nogo kwi lagaikhemo hun raja nen ikhi logolik he, ”An nen he ap ekhe heragaisogo menfeile iluk anggikhi lagi, enggere ninggi'nogo heraginabu hak?” iluk yagatikhe. A'nogo yagatikhemo at Haman nen wenggelhi logolik he, raja ap ekhe heragaisogo menfagain ikhe andi re ap arem he sa ekhe werek engge halok? We An nobaget ikhe!” anggasikhe.

KISAH PARA RASUL 9:6

Hebe menla'luk he, o kota ari lambik kwino. Kugunem ap ekhe nen, hat yi'nogo hilingi'no, iluk yagahesigin mene werego,” iluk yagatunem,

MATIUS 20:8

A'nogo inayonggo fesikhemo lagaukwama, o arat hu'mo agaikhemo re, ap eabu eisewerek a'nogo nen, it ap omanogo yabu hilingitu kwelek kwelaginarek welagaikhe mene ekhe mel yagatikhe: Ap yabu hilingiri'lagwi mene omanogo wolisa lan o. Wagaikha halok he, it hobuk kwaga mene andi tak onggo wogisaluk he, it attak kwaga mene andi onggo hobuk wogisanogo, iluk yagatikhe.

LUKAS 16:2

A'nogo yagatukwama, at kain a'nogo nen amingmingengge mene a'nogo wolhasikhemo wagaikhemo re, mel yagatikhe: Hat hilingiti lagen mene nesanggo holhi andi re, ninggi'nogo hilingiti lagen. Yogondak hat an naiba yoma logolik an nagarek fisogo logogin lek hilingi'mo re, fisogo logolik hilingiti lagen mene lisu palek mene andi pilingisogo yaganesimbik he, wo'nom o, iluk yagatikhe.

LUKAS 16:4

A'nogo enda'ma wulaknobagaikhe halok he, afuni nen an it inaiba andoma wo'nabuageluk, an hilingisigin nendawimo ebeti o, iluk endawimo anggikhesik he,