LUKAS 16:17 - Allah Wene Fano Wene Hupla Inane

¹⁷ A'nogo kwi weri'lagwi mene re, pogot inom, kweang inom, legasigin meneat he, wene Allah nen komotninafikhe mene andi wurep endebat ekhe legasigin mondok lego.”

LUKAS 16:17 Referans Kwoze

MATIUS 5:18

An nane eberogoat yagahisak. Pogot inom, kweang inom, oan lek agi'lek werek kwelek ya re, wene Allah nen komotninafikhe mene andi, lisu endebat sobon al hangge inom, inesinggen misigat hangge inom, lek agi'lek mondok felelenghogo eberogoat hilinglasigin o.

LUKAS 21:33

Pogot inom, kweang inom, legasigin meneat he, an nane andi legasigin lego, etok mondok logogin” iluk yagaisasikhe.

1 PETRUS 1:25

Mene re, ninoe Enupogot ane andi etok mondok logogin o,” iluk isikhemo lisu palogo fesukwa andi. At ane andi ebe re, niren Fano Wene yagahisogorek mene andi aro.

YESAYA 40:8

Engga re puk agik, owil-owilengge re sawet agik ikherek, oba nen he nit nineisena Allah ane andi nek he etok mondok logogin,” iluk ikhe ino yaganete.

ROMA 3:31

Halok he, ninendawinggen at Yesus oba eberogoat himbiret fikhi logolik, wene Allah nen komotninafikhe wene a'nogo sebelhi lago he a? Lego. At ane andiat legeisogo fikhi lago.

YESAYA 51:6

Pogot liakhaluk he kweangma hineilenggen lourogo pelakhani, Pogot he so'le higit mondogat legasigin, nen kweang he su tiliphogo lagarek hak legasigin, afuni elonggoma logogun mene mondogat he kolum wa'lagarek andi hak wa'lasugun. Oba nen he An nen woghisagain mene andi re hinagap telek mondok-mondok logogin mene, nen An nomame asigin mene andi re lek asigin lek mene wokhisagain o.

WAHYU 21:4

A'nogo logolik, yi wene ti wene attak mene legetfisaluk, aren it ineil amusu arat terogo fagain andi nen he, inebe wa'laga logogun legat, inendawimo weak aga logogun legat, le aga logogun legat, heinet wati logogun legaro,” iluk ugunem holhi.

WAHYU 21:1

A'nogo higiri'mo nen ombo'ne re, Allah nen pogot inom kweang inom attak mene legetfigik, i laut yenggelek legetfigik, ikhesik obali'mo re pogot inom kweang inom ket mene hilingisogo fikhemo were'ma higi.

WAHYU 20:11

A'nogo higiri'mo nen, ombo'ne re, Allah kain welagarek oba obuluk hokho kut mene were'ma, at ebe andoma welaga higi. A'nogo were'ma pogot kweang mondogat at agaiserogo legasugun andi nen he, hobuk ineilenggen hogoin legat aga laga higi.

2 PETRUS 3:10

A'nogo werek meneat he, afuni inonggorat werek kwelek yi mene ti mene yogot wani kwagarek andi hak, ninoe Enupogot wesigin andi re, a'nogoat wesigin o. Andi sambul, pogot ebe misik sambulat sogoi ane hangge ilik-ilik legagik, yi mene ti mene pogoroba welagarek mene ero inomat endu ninggik, kweang ebe inom, yi mene ti mene kweangma welagarek mene inom, mondogat legagik, igin o.