LUKAS 15:5 - Allah Wene Fano Wene Hupla Inane

⁵ A'nogo arat herakhaluk endawimo agaiyek a'luk ot oba sanggenogo waluk he,

LUKAS 15:5 Referans Kwoze

IBRANI 12:2

A'nogo laga logolik, omanggum ninendawinggen Yesus oba himbiret fouwageluk, arenat ninendawimo kagalhik, huli wurep oba fano katokhogo mondok asi loageluk, arenat kwelakninarek welagik, ikherek andi nen he, arat nit nineilenggen en waluk murok laga logouwogo. At endawimo nen he, ”Inenggali warogo inebe eba menfisaluk inoatarek andi hak, an a'nogo noasugun nenggali,” iluk anggigi'lek, we, ”An hobuk nendawimo nagaiyek anggagain,” iluk at ebe watu kwelek afe morogo wa'lagaikhesigen, hobuk eluk agaikhesik yogondak Allah kain welagarek oba andoma era'lu kainat werek.

LUKAS 19:9

A'nogo yagatikhemo at Yesus nen he: ”Hat hebe Abraham en tagongge a'luk he, yogondak yiat hat hagainafuri hinomat Allah nen telhinafe o!

MIKHA 7:18

Nineisena Allah, Hat hemberek higit mene ekhe werek lek, it hagainafuri fena werek mene inaweak hilingiri'lagwi mene omanogo haren sagalogo leget fisikhi lagen. Nen Hat he wene ninoba fuluk aninurogo welagen lek, oba nen hebekhogo re hendawi hundik hilingninafi lagen mene huli warek lek mene andiba hagaiyek ninoba fugu welagen.

LUKAS 23:43

at Yesus nen he, mel yagatikhe: ”O yogondak yibaat o fanoma Firdaus andoma nemberek kwimbik logogun o, iluk eberogoat yagaheti,” iluk yagatikhe.

LUKAS 15:32

Meneat he, hat hagot yi re, wa'laga anggogo mene re, eluk agasik waga o. Longgo ikhe mene herato o, andi nen he, ninendawimo ninagaiyek hikhi logolik hilingisu meneat hilingiti lago, iluk yagatikhe,” iluk Yesus nen yagaisasikhe.

YEHEZKIEL 18:23

Haren anggikhi logolik, An Tuhan Lego Mondok welagirek mene nen ap weak hilingitarek mene wa'lagu halok nagaiyek anggigirek anggegen? A'nogo anggigirek mondok lego! An nendawimo nagaiyek he at aweak andoma herakfuluk ebe elugat logoilep anggikhi lagi o.

1 PETRUS 1:5

Hinendawinggen at Allah oba eberogoat himbirik welagep andi nen, at omameba fethinarek logombik he, hobuk hinebe fanothinabigin mene wurep oba weinamet fagain andi.

2 TIMOTIUS 2:26

A'nogo komorinafunem, at Iblis endawimo anggikherek mene hilingiti logouwageluk inebe paik hele fugunem ke'nok ikherek hak ke'nok uba nen, hobuk inobabut hebelumo Allah nen fikhalogo wulakfisagain aro.

1 TESALONIKA 1:5

Nit fano wene waluk yagahisa wagagu a'nogo re, ninaneba nek yagahisikhi lagagu fuk. We, Allah Areagun a'nogo ninendawimo logolik, omamerogo lebetnisugu kwelek, ninendawimo nen: ”Wene yi eberogoat,” iluk ninendawinggenma futfesugusigenat yagahisikhi lagagu andi. Nit o andoma ninom logolik, hit fagerat hilingiti lagagu a'nogo hineluaro.

EFESUS 3:7

An afuni inamingmingengge hak logolik, wene andi sumburisikhi logouwageluk, Allah obabut fano nen omamerogo hilingninaferek higithogoat nayonggo fesikhe andi.

EFESUS 2:10

Arenat fano hilingisogo ninobagasikhemo welago. Andi re, nit Kristus ninom hundik logolik, yi mene ti mene fano men nek hilingiti logouwageluk, ninobabut ket hunogoat elalninafikhe andi re, ebe Kristus Yesus nenat elalninafikhemo welago.

YOHANES 15:11

Nen, an nendawimo nagaiyek anggigirek hak, hit hinendawimo hinagaiyek hikhi logolik, hobuk hinendawimo hinagaiyek hokhorogo ikhi logobagaigen iluk, wene andi mondogat yagahisigi o.

ZEFANYA 3:17

Hit he, hineisena Tuhan Allah Omame Mondok Hokho mene a'nogo nen awe a'ma hinobagaluk fethinarek werek. Hit he At omameba hinomame aga lagep. Hit hinobaget he Tuhan endawimo agaiyege'luk hai hili'lago, At endawi hundik oba re, hit hineluk ket mene logouwageluk hiling-hinobagali'logo.

MIKHA 5:4

Nen, Aren he afuni fano liokhogo logouwageluk hilinginabigin. Ap tentara Asyur mene nen ninoasuogeluk o himbirengge leget pa'leget waganek mene omanogo langgukhogo filik kwi wagunem, nit ninogogwi kaindek inomame werek mene re it inoasuageluk inebe higithogo penogo menfisogoin. A'nogo menfisamo iren he nit ninebe ap Asyur mene inenggimo nen telninabimbik he it inasikhe inom, inarige kabelek inom oba re ap Asyur mene inaiba andoma sebelugun.

YEHEZKIEL 33:11

An Tuhan Mondok Lego logolik, Allah neluk mondok welagi mene nenuba it yagaisano, An he ap kwanirogo hilingitarek mene wa'lasugun andi re nabit anggikhi lagi, at he hebekhogo re at ebe eluk logouwageluk aweak hilingiri'lago mene andoma herakfagain halok fano. Yago hit hinunggulenu Israel mene yi sani, kwanirogo hilingiti lagep mene andoma mondogat hebisani o! Ninggi'nogo iluk hit he hinebe wa'lasugun nogo?

YESAYA 63:9

it inoba enggin-fenggin hagarek mene a'nogo re At oba aga. Tuhan ebe nenat it inebe telinabi waga, nen inobali'mo iluk ap yonggo lakfisagarek andi hak lak fisa wagi'lek. At amu nenat it inelagaik isaluk endawi hundik hilinginafikhesik he fikhalogo fisasikhe. Attagen engge Aren hambogoisogo woginafik, agaumo felikhogo woginarek lagik ikhi laga.

YESAYA 62:12

It andi inenu re: ”Againafuri mondok horek mene,” igik, ”Tuhan nen againafuri inagap telinafe mene,” igik, ikhi logogun o. Nen, Yerusalem faget enu re, ”Kota Tuhan nen endawi wanhe mene,” igik, Kota Tuhan nen herakfikherek lek mene,” igik, ikhi logogun.

YESAYA 62:5

Ap souge mene nen hele tugum mene ekhe helageluk hilingiterek hak, Elalhafe agun a'nogo nen hat hobaget agweap habigin, Ap agun ekhe nen agwe helugu mene a'nogo eilenggen haluk agaiyek hikherek hak, Allah nen hat hobaget agaiyek asigin.

LUKAS 15:4

”Ap hit mene ekhe anggo domba 100 nen were'ma re, misigat ekhe longgoi laga halok he, 99 aremnogo o leimo fisaluk, misigat longgo igin mene andi herakfisigi'lek mondok herarik nikhi lagaresigen, arat herakhikherek a'nogo lek?

LUKAS 15:6

oe agot inom, afuni ekhe inawi sili misi'mo mene inom, mondogat wolisaluk he, an nanggo longgoi laga mene a'nogo arat herakhaluk wagi andi nen, ninendawimo ninagaiyegesuogo, iluk yagaisikherek a'nogo lek?