LUKAS 15:28 - Allah Wene Fano Wene Hupla Inane

²⁸ at oe manggusa mene a'nogo a'mage hokho lagasikhesik he, aiba kwigin endawimo mondok pugagaikhesik were'ma, eisena a'nogo wulibi wagaikhesik he, ane liokhogo, kwi lou o, iluk yagatikhe.

LUKAS 15:28 Referans Kwoze

YUNUS 4:9

A'nogo isikhemo, At Allah nen he, ”Hat he hele ari faget hendawimo weak a'luk logou re lek meneba nen hilingiti lagen o,” iluk yagatikhemo, at Yunus nen he, ”Nenahalok lek nogo? An na'mage lagau obaat lagaikhemo re, nebe wa'lasigin namolo o,” iluk yagatikhe.

1 SAMUEL 18:8

Wuni a'nogo watunem, at Saul esanggo holhikhesik endawimo nen he, ”Iren he Daud en ap inebe perpuluh-puluh ribu inoate meneat he, Saul enek he, inebe beribu-ribu hangge inoate, iluk anggagasigen wuni a'nogo wata he a? Halok he, inenggi welagi'legat, at Daud it inoe raja logouwageluk menfogoin higi,” iluk a'mage hokho mene lagasikhe.

LUKAS 15:2

A'nogo wagaukwa mene re, it ap Farisi mene inom, it ap Allah ane lisu palek inelu mene inom, ineilenggen isaluk he, inane nguluk-habuk ikhi logolik, mel isukwa: ”Ap yi nen afuni weak hilingiri'lagwi mene woginaferesik sumburu inom misi'mo nenggarek andi, nailo e!” iluk isukwama re,

LUKAS 7:39

A'nogo hilingitunem, ap Farisi mene nen, ”Yesus, sumburu nemberek nouwok iluk,” ayonggo fesikhe mene a'nogo endawimo nen mel anggasikhe, ”Ap yi Allah ane yagaisikherek mene logoilepma re, he yi weak hilingiterek mene nen hilingnafe iluk enegat futfeilep,” iluk endawimo anggugunem,

YESAYA 66:5

Yago, hit At awene melalek faget inailorogo welagik, ane hologo hilingitik, hilingitu welagep mene yoma sani, Tuhan ane ikhe mene hologo hilingiti logoni o. Hit hinendawinggen An noba himbirik logolik tiphogo hilingiti lagep oba, hit hinunggulenu mene inanggele'ma nen inabithinafi logolik, hinom seberogo hilingitu aple ogore mondok inabit weregat. Iren hit hinoba li'not hinafi logolik yi'nogo ili'lagwi, ”Hit hinagaiyegen hilingitu mene andoma nit nineil hogoin nen he, Tuhan Omame Mondok hokho werek mene a'nogo inukhoago,” iluk ili'lagwi. Oba nen he it inonggwaregat inenggali asugun o.

YESAYA 65:5

Iren ikhi logolik, ”Nit he hit hinoba nen ninamu tegelogo fano horek welago, nit ninagap fa'nisa fuk, hinale'ma lani o, ili'lagwi! It inobabut a'nogo hilingiri'lagwi mene andoma re An nen kumurinarek logou re mondok nabiro. Ma re An na'mage re endu nagul fou elo'lek andi hak it inoba fikhi lagi o.

KISAH PARA RASUL 14:2

Wanhukwama, it afuni Yahudi mene fena nen, wene andi inesanggo holhukwasik, eberogoat iluk inendawimo anggigi'lek mene nen he, it afuni endakwe mene Allah againafuri inabit asuageluk inendawimo kagalhi lagaukwa.

KISAH PARA RASUL 13:45

Andogotukwama, it ap Yahudi mene omanogo afuni hokhorogoat ineilenggen isasukwasik wene palogo re, ”Wene Paulus nen ili'logo andi hinesanggo holugun lego,” iluk wene palhik, Paulus lak wenagisigik, isukwa.

LUKAS 24:47

Nen, ekhe mel iluk lisu palek weregat: Hit afuni weak hilingiti lagep mene andi, herakfisaluk hinobabut hebelhep halok he, Allah nen sebelogo legetfisagain o, iluk, at enu hombuk palogo wene ikhi logolik he, ero o Yerusalem huli nen yagaisaluk, pikhit huli yi awi ti awi inunggulenu lombok mondok yagaisilik laga logoino, iluk Allah ane lisu palek weregaro.

LUKAS 13:34

”Eigo! Hit afuni o Yerusalem mene yi nendawilage! Hiren ap Allah ane yagaisagarek mene inebe inoatik, ap Allah nen inayonggo fuluk hinoba lakfisa wagarek mene heleben tamuk-tamakhogo inoatik, ikhi lagep andi nendawilage! Sue ayam eagwi ogolabi a'ma andogorogo fisikherek andi hak, an hundik-handigat hit o yoma welagep mene mondogat a'nogoat andogorogo hinobagaigeluk anggigirek meneat he, hiren, ninabit, ikhi lagep andi nendawilage!

LUKAS 5:30

A'nogo nunggu were'ma, it ap Farisi mene inom, it ap Allah ane lisu palek inelu mene inomenat Yesus agoromi ane wanhi lagaukwa mene omanogo mel yagaisasukwa: ”Hit he, ap uang pemerintah faget kino iluk wanharek mene inom, it ekhe afuni mondogaren inabok weak pali'lagwi mene inom, hinom sumburu misi'mo ninggi lagep andoma nenahalok?” iluk yagaisasukwa.

MATIUS 20:11

A'nogo wogisugu kwelek he, it omanogo uang wanhi logolik inobabut uarek-puarek hilingiti logolik he, ap kain eabu eisewerek mene a'nogo mel yagatukwa:

1 SAMUEL 17:28

At Daud ap tentara mene omanogo nen wene a'nogo yagatunem he, at Eliab, Daud oe manggusa mene a'nogo nen esanggo holhikhesik, a'mage hokhorogo lagasikhesik, at Daud wenageti logolik, mel yagatikhe: ”Hat yoma nenahalok wagen? Hanggo domba endebat o leimo a'lima werek aremnogo sa fisogo logouwagaluk yaga'luk wagen? Hat hobabut he, mondok weak fogerakhikhi logolik hilingiti lagen a'nogo an nelu o. Weim yafunem, we, heilenggen faget isagaluk wagen a'nogo lek nogo a?” iluk yagatikhe.

1 TESALONIKA 2:16

Allah nen it afuni enda'ma mene telinabuageluk niren fano wene yagaisilik lagunem, afuni inanggwe palharek hak, it afuni Yahudi mene andi nen he, ”Wene fano wene andi yagaisogoin lek,” iluk wene pali'lagwi andi. A'nogo hilingiti logolik, hundik-handik weak hilingitarek meneat he ekhe inom hilingiri'lagwi andi nen, Allah a'mage lagaikhesik, wene hokho mene inoba fikhe andi.

2 KORINTUS 5:20

Nit he, Kristus nenat, ninayonggo fesikhesik lakninobagai wagaikhemo wagagusik he, Allah nen wene yagahisa hak, komothinafi lago andi. A'nogo komothinafi logolik, ”At Allah nen hobuk hinambotkwe lambukhogo hinobagauwagen he, at hinom lambulinio,” iluk Kristus enu hombuk palogo ninane liokhogo yagahisikhi lago.

ROMA 10:19

Heinok ekhe wokhisagat. It afuni Israel mene fano wene andi inonggot nogo? Ineluaro. Attagat, at Allah nen ane isikhemo, at Musa nen mel yagaisasikhe: ”An nen he, it afuni ekhe an nagainafuri mene fuk. We, ap hunogo mene inayonggo foumo, hiren wene palubagaigen iluk hilinginafik, nen it ekhe inendawinggen lek mene nayonggo foumo, hit hina'mage lagauwagen iluk hilinghinafik, igin o,” iluk yagaisasikhe.

KISAH PARA RASUL 14:19

A'nogo agaikhemo were'ma, it afuni Yahudi mene o Antiokhia nen, Ikonium en, laluk he, afuni hokhorogo omanogo wene andi herakfisaluk it werekwe asuageluk inendawimo kagalhukwa. Inendawimo kagalhukwama, it werekwe agaukwasik, Paulus a'nogo ebe helep oba watukwasigen, ebe mondogat wato iluk lisogo o kota leget abel endakwe wulakfesukwa.

KISAH PARA RASUL 13:50

A'nogo wialarik wulifunem he, it afuni Yahudi mene nen he, hemi ap endakwe mene inagagwi kaindek mene Allah ane wanhukwa mene inom, it ap o kota andoma inenuwerek kaindek welagaukwa mene inom, inomen Paulus Barnabas emberek mugisoageluk inendawimo kagalhukwa. A'nogo inendawimo kagalhukwama re, iren he, ”Hit nit ninaiba yoma logogun lego,” iluk mugisogo wulakfisasukwa.

MARKUS 1:40

A'nogo higirinabik lagunem he, ap ekhe oumo henanggo hangge inailo mene oba welagaikhe mene Yesus oba wagaikhesik he, eindep awi yagaisogo, hai wati logolik he, mel yagatikhe: ”Noe halabok e. Hat fano higi'nabigin anggegen halok he, elok fano higi'nabigin aro,” iluk ane elagaik ane yagatikhe.

LUKAS 15:27

at a'nogo nen he, lego! Hagot a'nogo wagama o. At ebe oba ou lek fano mondok wagama re, heisena nen anggo sapi eilagambi fano mene a'nogo watesik hilingiri'lagwi o, iluk a'nogo isikhemo,

LUKAS 15:29

Yagatikhemo amlogo a'nogo nen eisena yagati logolik he, mel isikhe: Hesanggo holin? An he, yi tahun ti tahun hat faget heabu mondok hokhorogo hilingitirego. A'nogo hilingiti logolik he, haren, yi'nogo hilingi'no, ti'nogo hilingi'no, iluk yaganetendek mene a'nogo ekhe nabit igi'legat hilingitirek meneat he, wam eak misigat ekhe an nagaila'lak ninom ninendawimo ninagaiyek hikhi logolik isago noageluk wo'neti lagen legat.

YEREMIA 35:16

Yonadab ambisangma mene nen he it inomba ane isikhe mene a'nogo hologo hilingiri'lagwi, oba nen hit he An nane hologo hilingiti lagep lek.