LUKAS 15:23 - Allah Wene Fano Wene Hupla Inane

²³ A'nogo hilingisimbik he, wam sapi eak eilagambi fano mene a'nogo waganogo, at faget ninendawimo ninagaiyegeti logolik obaget warogo isasuogo.

LUKAS 15:23 Referans Kwoze

YESAYA 25:6

Punu Sion oba andoma Tuhan Omame mondok Hokho mene a'nogo nen yi afuni ti afuni inunggulenu lombok o kweangma welagaikharek mene mondogat inobaget fougesigin. Aren he nunggungge enduk fano mene inom, anggur agai mondok fano mene inom fougesigin.

MAZMUR 63:5

An nebe neluk logolik he, hat fogethafu mondok welagi o. An nen nenggi hoba liakfuluk, samban hayonggo fikhi lagi o.

AMSAL 9:2

A'nogo liagaisogo wutfesikhesik seni isatu mene faget he wam warogo figik, anggur amusu perelogo ap sumburisugu mene faget iwak oba keralogo figik isikhe.

KEJADIAN 18:7

A'nogo yaga'luk, humusek wam sapi andogorek were'ma lagaikhesik he, sapi eak otholik sei hokho mene halok wendeberogo waluk he, amingmingengge at eabu hilingitarek mene nen weak-weak isasuageluk wogosi wagaikhe.

1 SAMUEL 28:24

A'nogo hu'lagaikhemo, at he a'nogo weak-weagat wam sapi eak otholik fano mene warogo senggelogo isatik, tepung ekhe waganogo, enggi nen puselogo mulel-malelhogo, enggen roti fisuagaluk pelafarek mene a'nogo mene elonggoma pelafi'lek weratik, isikhe.

AMSAL 15:17

Eremengga nek ninggi logolik oba nen inendawi hundik logogun andi re mondok fano, oba nen eino enduk fano mene ninggi logolik oba nen ina'mage inom ninggi logogun andi nek he mondok weak.

LUKAS 15:22

A'nogo yagatikhe meneat he, at eisena a'nogo nen amingmingengge mene omanogo yagaisikhi logolik he, mel yagaisasikhe: Lambik he, su fano mene a'nogo waluk weak-weak labetfei wagik, senggan fano mene enggimo ikfei wagik, sepatu eiso'ma ikfei wagik, weak-weak ini o.

LUKAS 15:24

An namlogo yi wa'laga anggogo mene eluk a'luk waga yi. Mondok longgoikhe meneat he, hobuk herato yi, iluk, inendawimo inagaiyek hokhorogo anggasukwa.