LUKAS 15:18 - Allah Wene Fano Wene Hupla Inane

¹⁸ Halok, an hobuk yoma nen neisena oba lambik he, mel yagasigin: Neisena! At Allah pogoroba mene andi inom, hat inom, hineil salogo weak mondok hilingitimo o.

LUKAS 15:18 Referans Kwoze

RATAPAN 3:40

We niren ninebe ninggi'nogo welago iluk hal fakhaluk he, Tuhan Allah pogoroba werek mene a'nogo oba sugulogo waga logogun fano. Niren ninendawimo kwe hutfuluk samban uogen we'ni,

LUKAS 15:21

A'nogo hilingitikhemo, at amlogo a'nogo nen he, mel yagatikhe: Neisena! An he, at Allah pogoroba mene a'nogo inom, hat inom, hineil salogo weak hilingiti o. A'nogo hilingitiri'mo re, yi an namlogo, iluk hobuk igin mondok elo'lego, iluk yagatikhe.

LUKAS 18:13

at ap uang pemerintah faget kino iluk andogoterek mene a'nogo nek he, ebe yatma mendek logolik ot legeisogo eilenggen pogoroba higit liak higi'lek ailorogo logolik, enggi nen endawinggen fothikhi logolik he, mel isikhe: Allah neisena e! An weak hilingiti lagi mene yi hendawi nean o, iluk yagatikhe.

MATIUS 6:14

Nen, afuni nen hit weagethinafa mene, hiren sebelogo legetfisegep halok, hineisena Allah pogoroba mene nen hit weak hilingitep mene andi sebelogo legetfisagain aro.

YEREMIA 3:19

Tuhan nen ikhi logolik, ”Israel, hat he An nen nomalik tago logoinogeluk wokhabimbik he, kweang hat hamolore'ma hat eise asimbik logogin oba o kweangma mondogat oma nen he mondok fani fanore'ma wokhesigin o. Haren An faget. hunai ilen, nen An were'ma nen heise lelen lek iluk nendawimo anggikhi lagi o,” ikhe isikhe.

MAZMUR 25:11

Tuhan neisena, an naweak hilingiti mene mondok hokhore'ma re, Haren wene watneten higithogoat naweak lek hilingisogo nobagain o.

MATIUS 6:9

Halok he, samban ikhi logolik he, yi'nogo ikhi logoino: Nineisena pogoroba mene honggwarek henu esinet fikhi logouwageluk, hilingninabime o. Ninebe hawe a'ma logouwageluk ninobagaime o. It pogoroba hat hendawimo anggegendek mene hilingitarek hak, nit kweangma a'nogoat hilingiti logouwageluk, hilingninabime o.

MATIUS 3:6

We'luk he, yi weak ti weak hilingiti lagaukwa mene fakhogo herakfisugunem, i Yordan ima pelaginafi lagaikhe.

YEREMIA 31:20

Israel ao, hat hebe re An nomalik nendawinggen hundik mene o, nendawi hundik hilingik welagi mene, nendawinggen tulem mene welagen. An nen hat wenakhe'luk hagut palhealugen he, nendawi ou agunem hat hobaget ebet hiugu welagi. Hat he An nen mondogat nendawit habimbik fanorogo hilinghobagagin.

YESAYA 63:16

Hat he nit nineisena lek nogo? Nit nineisenaat welagen o. Abraham inom Yakub inomen he nit he inonggot meneat he, nineisena Tuhan Hat enek he, nit nineisena welagen, o eroma nen engge ninagap telninafendek mene welagen.

AMSAL 23:13

Haren hagainafuri komorinabigiluk halok he, sebelhikhi logolik yagaisa fuk. Nen haren lambisogengge wasigin halok he at ebe wa'lasigin lek,

MATIUS 7:11

Hit hinobabut weak hilingiti lagep meneat he, hinagainafuri fano mene wogisagarek andi hinelumo re, fano mene wogisikhi lagep andi. Andi hak he, hineisena Allah pogoroba mene andi re, kino yagasugun mene halok mondok fano meneat wogisagain lek nogo? Wogisagain aro.

2 TAWARIKH 33:19

A'nogo at Manasye nen samban isikhemo Allah nen onggo yagatikhe mene inom, at ebe endawinggen hebelhi le'ma aweak hilingiti lagaikhe mene inom, kembu fogerati lagaikhe kwe inom, kembu he mene dewi Asyera alik waganek welagaikhe mene inom, aren tugwi kembu ekhe mene ekhe mene fogerati lagaikhe mene inom, omanogo mondogat he buku it nabi nen hilingiti lagaukwa mene tindelogo palek mene a'nogoba mondogat palogo fesukwa.

LUKAS 11:2

at Yesus nen he, ”Hit samban uogeluk halok he, yi'nogo ikhi logoino: Nineisena. Hat honggwarek henu esinet hafi logouwageluk hilingninabi me o. Nit ninebe hat hawe a'ma logouwogeluk ninobagaime o.

YUNUS 3:9

A'nogo hilingitunem he, nineisena Allah a'mage ninoba fikhesik ninoasigiluk ninabok palhesik werek andi, herakfisambik endawit ninabigin a? Lega, sa elu,” iluk wene ero wulafukwa.

YUNUS 2:4

A'nogo hilingnafunem logolik, nendawimo nen he, An nebe neisena Tuhan helokhoma nen mugusogo nobagai wagen andi nen he, o Hat hawi wuri'mo hebe welagen oba mondok hore'ma omanogo neilenggen hobuk hagain lek hea iluk anggigi lagi o.

DANIEL 4:26

At malaikat andi nen ikhi logolik he, e andimi andi kweang elema herakfisoagaluk ikhe andi ebe re, haren he, o yi awi ti awi mondogat Allah Enupogot mene enggiba welagaikharek, iluk hambeba nen fakhogo imbik oba nen, hobuk henupogot logogin aro.

RATAPAN 3:29

Andi faget he hobuk asigin mene werek hilingi'mo ninamu nen hilingisu lek hak iluk sebelfakhaluk logoumo re fano.

LUKAS 15:17

weat logolik obabut hebel lagaikhesik he, eigo! An neisena a'nogo aiba amingmingengge mene eabu hilingitarek mene omanogo inebe hokhorogoat sumburu hokho tindelogo figik nunggu kwelegat he, an yi nek he, sumburu nele nen wa'lasigin yi!

LUKAS 15:19

A'nogo weak hilingitiri'mo re, haren he, yi an namlogo, iluk hobuk igin mondok elo'lego. We, hat hamingmingengge meneat nobagainogo, iluk yagasi lagain, iluk endawimo anggasikhe.