LUKAS 15:15 - Allah Wene Fano Wene Hupla Inane

¹⁵ Sumburu nele hokho agaikhemo re, ap a'nogo endawimo nen he, ap awi werek mene ekhe eabu hilingitunem namburu mela'neti logouwagen oba lagain, iluk lagaikhe. Lagaikhemo re, ap awi werek a'nogo nen he, o ik awiba anggo kwalogo logouwageluk lakfesikhe.

LUKAS 15:15 Referans Kwoze

TITUS 3:3

It a'nogo hilingiti logogun andi re, nit attak ninendawinggen lek ninobabut kembu hak, komore'legat nong-honghogo hilingiti logolik he, afuni inogogwi kaindek inawe a'ma welagaikharek hak, inoba aigage lagagik, inendawimo nen yi mene ti mene ninamolo anggigik, agarek andi mene awe a'ma hak welagagu. A'nogo logolik, it ekhe weagerinafik, wene palhik, it ekhe nit inabiretninobagagik, niren it ninabiret fisigik, ikhi lagagu.

YESAYA 1:5

Hiren Allah ebe ninabit iluk ugu mondok logogun andi re ninggi'nogoluk nogo? Weak hilingiti lagep andiba Allah nen wene ninoba fili'lago mene andem he, we endep hak anggikhi logolik hobuk enggin mene ninoba fouwageluk hilingiti lageba? Hinunggulkwe re hinoumo purak mene mondogat sagaikhemo welagep, nen hinendawinggenma wenggelhi lagep mene mondogat he ou agunem welagep.

MALEAKHI 2:9

Hiren An nane hologo hilingiti'legengge hilingitik, afuni An nagainafuri wene yagaisikhi logolik, ap inelokhe peninafi lagepma re An nen ogo hit afuni An nagainafuri Israel mene nen hit hinebe sebelhinobagaluk seramet hinobagakhi logouwageluk hilingisogo hinobagagi o,” iluk yagaisasikhe.

YEREMIA 5:3

Ibi eberogo nen he Tuhan neisena, Haren it higithogo hilingiti logouwageluk yagaisugu le'ma hangge hilingiri'lagwi. Haren it fut fouwageluk inoati lagen oba nen he iren inobakhe nene hilingiri'lagwi. Haren it lombukhogo hilingiti logouwageluk sebelogo fisikhi lagen, oba nen he iren yanggulninabuak anggili'lagwi lek. It he inendawinggen mondok omamerek logolik inaweak oba nen agam esure inabit mondok werek.

ROMA 6:22

Mene re, hit weak hilingitu kwelek, weak mene nen fethinarek were'ma, Allah nen hele fikhalogo wulakhinobagasikhemo re, yogondak he at awe a'ma kuluk welagep andi. Logolik he, hinebe at faget fisaluk welagep andi mene helegebo. A'nogo logombik, wurep oba hineluk mondok logogun aro.

LUKAS 15:13

A'nogo sumburisasikhemo, amlogo elabo mene a'nogo enggi ekhe inom welagi'lek, yi mene ti mene, at agaikhe mene a'nogo mondok felelenghogo onggo palogo helaluk he, o yatma andoma lagaikhe. Lagaikhesik andoma logolik he, endawimo ebeti'lek, we, hesanggeat hilingirik nikhi logolik arupiah omanogo mondok nalek-falegengge hilingitikhe.

NAHUM 3:6

Hat hebe re An nen yi mene ti mene mondogat hebak nafe mene hakhogo hilinghobagambik he, An nen hat hebe ologoilong engge inom huk heagain. A'nogo hukheambik he afuni nen kumuthafi logouwageluk hilinghobagagin,

YEHEZKIEL 16:63

An nen hobuk hat weak hilingiti lagen mene andoma sagalogo leget fisagain, oba nen haren enek he honggot asigin lek, yi wene ti wene faget hane u re henggali nek aga logogin. Iluk An Tuhan Lego Mondok welagirek mene a'nogo nen nane mondogat igi,” ikhe.

YESAYA 57:17

Iren weak hilingisuogeluk enek he ilil mulil tagan ili'lagwi andiba re An na'mage kwelabi'lagwi o, A'nogo hilingiri'lagwi andiba An nen it inoba unggum wogisasigisik oboget isasigi andi. Oba nen he it inungguloak mondok haro logolik it inonggwaregen hilingisugun mene omanogo nek wenakfakhaluk hilingiri'lagwi andi o.

2 TAWARIKH 28:22

Enggin fenggin a'nogo hilingi'mo aremnogo re at Ahas nen Tuhan elokhoma weak mene nek hilingitu mene omanogo re ekhe inomat hilingitu welagaikhe.

KELUARAN 10:3

A'nogo yagatikhemo, at Musa Harun emberek raja oba lagaukwasik he, mel yagatukwa: ”It afuni Ibrani mene ineisena Tuhan Allah nen he, mel ikhe: Hat An nawe a'ma soma iluk werek aple habit andi huli ki huli nen logogin nogo? Haren An nagainafuri foge'nabi loageluk lakfisano o.

MATIUS 7:6

A'nogo yagaisasikhesik he, ekhe mel yagaisasikhe: ”Allah faget fisagarek mene andi mene wogetunem hobuk lagakhogo aigen libilhinabinogo iluk, wogetubo. Nen, hinalilingge fano onggo hokho mene andi, wam wogetunem eisogen wolelenggen tagalogo lakfisanogo iluk, wogetubaro,” iluk yagaisasikhe.

LUKAS 15:14

Mondok nalek-falegengge hilingisogo fesikhesik were'ma, o andoma sumburu mondok ouwak hokho agaikhemo re, ap a'nogo sumburu nele hokho agaikhe.

LUKAS 15:16

Lakfesikhemo andoma logolik he, endawimo nen he, nalabut ning uagen he, sumburu asing ibilik wam ninggerek mene andi ninggi logoile o, iluk anggasikhe meneat he, wogeti lagaukwa le'ma,