LUKAS 14:16 - Allah Wene Fano Wene Hupla Inane

¹⁶ at Yesus nen he, mel yagatikhe: ”Ap ekhe seni hokho isasigin iluk wene lenggalhikhesik he, afuni mondok hokhorogoat inayonggo fesikhe.

LUKAS 14:16 Referans Kwoze

WAHYU 22:17

A'nogo yaganetesik hobuk he, mel yaganete: ”Sa nen i nele nen nogoin inamolo halok he, i inelugerinaferek mene onggolek weat helambik noageluk, Allah Areagun inom, Domba Eak agwe ikhikhe mene a'nogo inom, emberegen ikhi logolik, Na we'ni o, iluk ugunem, sa nen it emberek inane ugunem inesanggo holugun mene nen, Na we'ni o, iluk ikhi logogun aro,” iluk ugunem holhi.

WAHYU 3:20

Yethani! An nebe kweba mendek logolik, kwe ane papaget hikhi lagi o. A'nogo papaget hugunem, sa nen nane esanggo holimbik he, kwe hutneagain halok, an at oba kwi wesimbik he, sumburu ninggi logolik nagailak-hagailak higit nemberek hundik logogun o.

ZAKHARIA 10:7

Afuni Israel mene re ap sikhe fisogo mene mondok inaninirogo hilingitu mene hak, inomamerek logogun, nen ap anggur amusu nunggunem inendawimo inagaiyegetarek hak, hilingiti logogun. An nen it inoba inalonget fisikhi lagi mene ari re, it inambisangma mene nen inenggi ekhe wagik-ekhe wagik ugu kwelek andoma inonggot agi'lek eberek mondok logogun. It he An nen hilinginafirek mene andoma faget, inendawimo inagaiyek hikhi logogun o.

KIDUNG AGUNG 5:1

Nagot ninom lombolek mene yi, an he neabumo omanogo waga lagi, wagiresik he mur inom, amben-ambenengge fano mene inom kaboget fuluk, an nen kin amusu inom awingga sap palek mene andi inom ninggik, susu inom anggur agai inom ninggik ikhi lagi. Sumburu ninggik, i ninggik, ikhi logoni nerugwi, a'nogo nunggu werek kwelek enek he hinoba aik age lagambik ap lugu-lugwi palharek hak hilingisugun.