LUKAS 13:8 - Allah Wene Fano Wene Hupla Inane

⁸ at amingmingengge mene a'nogo nen he, mel yagatikhe: Noe! tahun yiba muti'lek hebisouwogo. A'nogo werek kwelek, an nen wusa yogolhik, mogot kwelafik, ikhi logogin o.

LUKAS 13:8 Referans Kwoze

2 PETRUS 3:9

It afuni ekhe nen he, ”Ninoe Enupogoren wene watnisasikhe wene a'nogo, ebe wagi'lek aninurogo werek,” iluk anggili'lagwi andi re, aninurogo werek fuk. Hit hinebe endawi nen, At endawimo nen he, ”It ekhe nong asinogo,” iluk afuni mondogat inobabut weak hilingiri'lagwi mene herakfisaluk inobabut hebelasuageluk, eranenat endawimo anggaluk aninurogo werek andi.

ROMA 11:14

An nerugwi nagaila'lak ninunggulenu misigat mene, Allah nen fena telinabuageluk, an nen a'nogo hilingiti lagi andiba, ina'mage lagaluk wene paluageluk hilingiti lagi.

YOEL 2:17

Nen it ap Allah eisewerek logolik, At faget hilingiri'lagwi mene andoma re, mezbah honggolek, solombon elokhoma mene honggolek tulem andoma nen le asuak. A'nogo le aga logolik, mel uak: Allah henupogot mene, neisena. Hagainafuri hendawirinabin o. Hat honggwarek hangge mene andoma afuni nen weagerinafunem he, it inunggulenu amu mene nen inane asegen wogisikhi logolik, It ineisena Allah re ebe koma werek? iluk ikhi logoinogo,” iluk ayonggo fouwagaluk yagaisasigi.

ROMA 10:1

Nerugwi nagaila'lak. Allah nen he, it nerugwi nagaila'lak ninunggulenu misigat mene andi, telinabilebe, iluk nendawimo nen menenei ebetik, Allah ayonggo figik, ikhi lagi.

YEREMIA 18:20

An nen fano mene hilingfisugu kwelek iren inanini an noba fouwogeluk hilingiri'lagwi andi re hilingisuba hilingiri'lagwi a? Andiba nen an kweang pogole habuli'mo puageluk habulfili'lagwi andi. Neisena, An nen he it inoba Haren hanini fegen hanogo iluk Hat helokhoma nen inebikhit aga lagi mene a'nogo ebetnean o.

YEREMIA 15:1

Tuhan nen an noba ikhi logolik, ”Musa inom Samuel inom ya mendek logolik afuni yi faget hendawirinabin iluk kino yaganesumo mene ogore it inunggulenu yi mene ari An nen nendawirinabu lek hago. An he it kwelagisa re mondok nabit nabi'lagonggere, unggulenu ari mene re hela loakhogo yagaisan o!

MAZMUR 106:23

Andiba re At Allah nen it inebe mondogat leget fisagain iluk hilingitunemen he, Musa At Allah nen wenatikhe mene a'nogo nen kwe palfesikhe. Musa ebe tulem menlagaikhesik it inili wanhikhe andiba re, Allah a'mage lagasikhe mene a'nogo lombuk isikhe.

KELUARAN 34:9

mel yagatikhe: ”Tuhan neisena, hat eberogo nenat, an nebe hoba liok ili'lago halok, hat hebe nit fetninarek logoinogen iluk hayonggo figi andi nane hesanggo holin o. Afuni Israel mene andi inendawinggen mondok helep meneat he, niren yi weak ti weak hokhorogo hilingitorek mene andi, haren sagalogo legetfisambik he, ninebe hat honggwarek hagainafuri meneatma wo'ninabino o, neisena,” iluk ayonggo fesikhe.

LUKAS 13:7

Iti'le'ma lagaikhesik he, amingmingengge mene eabu kwalogo welagaikhe mene ekhe mel yagatikhe: E ara yi enggen ekhe ite a? Lega, iluk 3 tahun oba kogoli waga lagi mene re, ebe mondok iti'lek. Halok he, kweang alemarogo yago logogin enggere mugisogo lakfisan o, iluk yagatikhemo,

LUKAS 13:9

A'nogo hilingitunem, tahun ekhe hobuk meneba ebe ite halok he, fano. Nen iti'lek halok he, haren, mugisogo lakfisano o, iluk yagane'no, iluk yagatikhe” iluk Yesus nen it afuni omanogo yagaisasikhe.

LUKAS 14:35

Lego. Mayu aik lek mene andi re, awi yagoma figik, kweang muli asuageluk yabu esap watik, ugun mondok legen he, hugisagarego, iluk yagahisigi mene andi hinesanggo holugun halok, fanorogo holini o,” iluk yagaisasikhe.