LUKAS 12:35 - Allah Wene Fano Wene Hupla Inane

^35-36 A'nogo yagaisasikhesik hobuk yagaisikhi logolik he, ”Ap kain mene hemi iginafunem laluk isago naluk wagunem, agoromi amingmingengge mene yerogo inebe hebelogo were'ma, at ambotkwe we'luk kwe papaget hugunem weak-weak kwe huthagarek hak, hit ogo re, hinasu fanorogo laberogo nen esage ibilogo fuluk logoino o.

LUKAS 12:35 Referans Kwoze

1 PETRUS 1:13

Andi nen wene andi futfuluk he, kwe fungusek louwogeluk inobakhe hele ninghogo homatarek andi hak, hinobabut hebelogo, hinendawinggen wenggelogo logoino. A'nogo logolik hinendawimo nen he, ”Allah nen Yesus Kristus ebe weinamhogo lakfei wagunem fano mene wo'nisa wesigino,” iluk hinendawinggen at oba lakfuluk oba eberek mondok logoino o.

EFESUS 6:14

Hinom yabubagaigen ikfuluk mendek logogun he, ebe re yi, mul pagaluk isu hak, wene ebe wene andiat itik, hinamik oba labesu hak, Allah endawimo amolo mene nek hilingitarek andi mene itik,

MATIUS 5:16

Andi hak he, hit fano hilingitunem, it ekhe nen he: It fano hilingiri'lagwi, iluk hineisena pogoroba mene a'nogo fogerasuagen he, hit afuni ineilhanem andi hanggeat selekhogo logoino o,” iluk yagaisasikhe.

MATIUS 25:1

At Yesus nen a'nogo yagaisasikhesik he, wene ekhe mel yagaisasikhe: ”Nineisena Allah nen awe a'ma fisikhere'ma andoma emberek higit he, helimenggerugwi inebe 10 nen lampu ibilogo waluk ap ekhe agwe ikhageluk wagunem elokhoma lagaukwa andi hangge aro.

YESAYA 5:27

It inebe re weim yabuogeluk inoba liklouksek logolik, inaberali agi'lek, nen nogo igi'lek, nogo ineilinafi'lek welagaikharek inap.

YESAYA 11:5

Yi'nogo ti'nogo hilingiti logolik, Aren higithogo hilingitik, tiphogo hilingitik, ikhi logogin.

AMSAL 31:17

Aren yabu wanigiluk logolik fik-foukhogo hilingfuluk, yabu enggi omamerogo wanherek.

1RAJA-RAJA 18:46

Andi sambul he, at Elia nineisena Tuhan nen omame wogotikhemo re, asu sogoi su oba sirogo obakheba liakfesikhesik, ban oba ninghogo pugetfesikhesik he, humusek mondok at Ahab hobuget fuluk attagat o kota Yizreel leget pa'leget ambe palek oba wagaikhe.