LUKAS 12:25 - Allah Wene Fano Wene Hupla Inane

²⁵ Nen, hit ekhe nen he, an wa'lasigin higit andi sambul he, katokhogo wa'lagi'lek, endebat ekhe inom logoile e, iluk menenei uan horok ebesigin andiba heluk ekhe inom logogin nogo? Elo'lego.

LUKAS 12:25 Referans Kwoze

MATIUS 6:27

Nen, hit ekhe hinendawimo nen, An nebe wa'lasigin andi sambul he, tekhogo wa'lagi'lek, hobuk endephogo ekhe neluk logoile e, iluk, menenei uan horok ebesigin andiba, heluk ekhe inom logogin nogo? Elo'lego.

MATIUS 5:36

Nen, yogondak he, nesi mola asuak igik, yogondak he, nesi muli asuak igik, ugunem hinane hologo mola agik, muli agik, ikherek mondok lego. Halok he, hinungguloak andi enu hombuk palogo ugun legaro.

LUKAS 19:3

Were'ma, ”Yesus andi ebe ningginik he,” iluk eilenggen yethageluk isikhe mene re, afuni inebe mondok hokhorogo were'ma, at ebe oak horok andi nen he yetha re elo'lek agaikhe.

MAZMUR 39:5

”Tuhan neisena, an nebe neluk welagi mene yi huli kiba werek iluk nelu asuageluk he, an nebe kiba legasigin andi yaganom o,” iluk ikhi lagi.

LUKAS 12:26

Halok he, hiren yi wene ti wene endebat mene hilingisigin elo'legen logoligat he, hokho mene andi hinendawinggen fiti lagep andi nenahalok?