LUKAS 11:40 - Allah Wene Fano Wene Hupla Inane

⁴⁰ Eige! Hit andi hinebe kembu hilingiti lagep. Ninagap endakwe hilingisogo ninobagasikhe mene nenat, ninendawimo hilingisogo ninobagasikhe lek nogo? At Allah nenat hilingisogo ninobagasikhe anggigi.

LUKAS 11:40 Referans Kwoze

LUKAS 12:20

at Allah nen he, ap yi, hendawinggen mondok lek yi ri! Yogondak hubanggo yi arat hareagun selokhogo wulakfisa wesigin o. Wulakfisa wagunem, hagarek mondok hokhorogo andogorogo fakhegen andoma sa eise asigin anggegen, iluk yagatikhe.

1 KORINTUS 15:36

hendawinggen legen egen o. Yi mene ti mene awi feik kweangma lakfegendek mene andi re, afuni wa'lagaikharek hak, awi andi agap fili agi'lek halok he, ebe fuleligin elo'lego.

MATIUS 23:26

Hit ap Farisi mene hineilenggen mondok mum mene yi ri! Hinagaiwak andi elonggoma tak fanorogo sobalinio. A'nogo hilingitep halok he, endakwe elok sobalasigin aro. Hit weak hilingiti lagep mene andi Allah nen weaget hinabigin o.”

IBRANI 12:9

Nen, nit nineisugwi ninebe ta'ninafa mene nen komotninafunem, inane hologo agaukhogo hilinginaforek andi hak, nineluk logouwageluk nineisena nen ninendawimo ket ta'ninabi'logo mene ane hologo agaukhogo hilingisugun lek nogo? At ane hologo hilingisugun aro.

LUKAS 24:25

A'nogo yagatukwama, at Yesus nen he, ”Eige! Hinebe kembu a? Ap Allah ane yagaisikhi lagaukwa mene omanogo nen wene mondogat yagaisikhi lagaukwa a'nogo eberogoat iluk hit weak-weak futfigi'lek welagep yi ri!

MATIUS 23:17

Hinendawinggen mondok lek logolik hineilenggen mum yoma ri! Ki mene esin anggegep? Emas andi mene esin anggegeba? Allah awi wurik andi emas Allah faget fesukwa mene, iluk, awi wurik andiat esin anggegeba.

ZAKHARIA 12:1

Afuni Israel mene faget yagaisoageluk ikhe mene re yi. Tuhan nen pogot tiaganet figik, kweang elalogo figik, afuni inoba ineluk mene wogisigik, isikhe mene a'nogo nen ikhi logolik,

YEREMIA 5:21

”Yago, hit ap hinobabut mondok hebelek lek morue mene yoma sani, hinesanggo fanorogo holini o! Hit he hineilenggen werek oba nen he hikhi lagep mondok lek, nen hinesanggo werek oba nen he holhi lagep he legat!

AMSAL 8:5

Hit hinendawinggen oan wenggelek lek welagep mene re hinendawinggen wenggelasuageluk yanggulikhi logoni, nen hit futfou elo'lek mene re hinelu asuageluk futfikhi logoni.

AMSAL 1:22

”Afuni hinobabut mondok kembu mene yi sani! O mera nen hinobabut weak a'nogo mondok hilingitu logogun nogo? O mera nen afuni inendawinggen kagalek mene inoba hinane asegen wogisikhi lagep mene andi palfogoin nogo? Mera huli nen wene yanggulugun ninabit iluk ikhi lagep mene andi, herakfisogoin nogo?

MAZMUR 33:15

Arenat afuni mondogat inendawinggen hilingisogo fesikhe andi nen he, it hilingitarek mene mondogat he elu welagarek.

MAZMUR 14:1

Afuni inobabut kembu mene inendawimo nen he, ”At Allah ebe re werek lek,” iluk anggikhi logolik he, inobabut weak mene nek hilingitik, ina'meilo mene nek hilingitik, hilingitu logolik he. Fano mene ekhe hilingiterek mondok lek.

BILANGAN 16:22

A'nogo isikheba nen, Musa Harun emberek inelokhe kweangma sagaumeti logolik mel isukwa, ”Allah nineisena, Haren enek ineluk welagaikharek mene andoma eluk logouwageluk wogisikhi lagen. Ap misigen weak hilingituba re Haren afuni mondogat inoba ha'mage fisa hak nogo?” isukwa.

KEJADIAN 2:7

Tuhan Allah nen kweang endebat mene ekhe enggim wanhikhesik, ap misigat ekhe pugunhogo hilingitikhesik he, set inebe inelugerinaferek mene eleage ambisang elekwe furogo kwelakfesikhe. A'nogo kwelakfesikhemo, ap a'nogo arat eluk agaikhe.

KEJADIAN 1:26

Hobuk Allah nen he, mel isikhe: ”Niren afuni nit ninebe higit, ninobabut higit ekhe elal inabuogo. A'nogo elalogo fisamo iren, yi ikan ti ikan i laut yenggele'ma logogin mene inom, yirue-tirue pogot ebene tarogo nikhi logogin mene inom, yi mene ti mene eil ena mene eil polok mene ebe hokhondek mene inom magendek mene inom, kweanggwe pololangerik nikhi logogin mene inom, mondogat it inenggiba logouwageluk elalinabuogo,” iluk isikhe.