LUKAS 11:13 - Allah Wene Fano Wene Hupla Inane

¹³ Hit hinobabut weak hilingiti lagep meneat he, hinagainafuri andi fano mene wogisikhi lagep hinelumo re, fano meneat wogisikhi lagep andi. Andi hangge, hineisena Allah pogoroba mene yagati logolik, hareagun andi wo'nisan o, iluk, kino yagatep halok he, wokhisagain lek nogo? Wokhisagain aro,” iluk yagaisasikhe.

LUKAS 11:13 Referans Kwoze

MATIUS 7:11

Hit hinobabut weak hilingiti lagep meneat he, hinagainafuri fano mene wogisagarek andi hinelumo re, fano mene wogisikhi lagep andi. Andi hak he, hineisena Allah pogoroba mene andi re, kino yagasugun mene halok mondok fano meneat wogisagain lek nogo? Wogisagain aro.

YOHANES 4:10

at Yesus nen he, mel yagatikhe: ”Allah obabut fano nen weat onggo lek wogisasikherek mene andi inom, nen an nen, i ekhe hinagaisogo wo'nom iluk kino yagaheti andi, nebe inom, futnobagailenma re, haren i ekhe kino yaganetunem, an nen i inelugerinaferek mene eberogoat wokhe'le o,” iluk yagatikhe.

ROMA 8:32

At onggwarek amlogo endawi agi'lek nit mondogat faget wa'lasuageluk lakfei wagaikhe. At obabut fano nen a'nogo wo'nisasikhesik he, yi mene ti mene oba loukhogo wo'nisagain lek nogo? Wo'nisagain aro.

AMSAL 1:23

An nen hinenggali warogo komothinafu halok he, hinafe hebela'luk nanehologo hilingiti logoni o. A'nogo hilingisugun halok he, an nendawimo wene hinago mene andi fakhogo weinama fuluk wene nelu mene yagahisagain werego.

KISAH PARA RASUL 2:38

A'nogo yagaisasukwama, at Petrus nen he, ”Weak hilingiti lagep mene andi herakfisambik hinobabut hebela'ni o. A'nogo hebelasumo re, weak hilingiti lagep mene andi, Allah nen sebelogo legetfisoageluk hinebe lombok Yesus Kristus enu hombuk palogo ima pelakhinabumo re, Allah Areagun andi wokhisagain o.

YOEL 2:28

A'nogo yagaisasikhesik ekhe mel isikhe: ”A'nogo hilinglasimbik oba nen An nawi andi wei ugunem he, Nareagun hokhorogo afuni mondogat inoba pelagisa wesigin o. A'nogo pelagisa wesumo re inagainafuri ap inom, helime yenggerugwi inom, inomen an nane yagaisikhi logogun. Nen, inaluendek hinanggelekwe logogun mene andoma inabi higik, ap souge inom, helime silerik inom inabikanggoba yagaisigik, ikhi logogun aro.

YEHEZKIEL 36:27

An nareagun he hit hinendawinggenma hambuget hinafu mene logouwageluk wokhisagain, nen hiren An Nawene melalek higithogo hilingiti logolik, An Nawene yi'nogo ti'nogo hilngiti logoino iluk yagahisasigi mene omanogo hologo higithogo hilingiti logouwageluk An nen hit halogo hinobagagin.

YESAYA 49:15

A'nogo ugunem Tuhan nen onggo yagaisikhi logolik he, ”He misik ekhe nen onggwarek omalik oba onggorasu hak nogo, nen at onggwarek eak takhikhe mene oba abit asu hak nogo? He andi nen eak elok onggorasuba nen, An he hat hoba nonggorasigin mondok lego!

MATIUS 6:14

Nen, afuni nen hit weagethinafa mene, hiren sebelogo legetfisegep halok, hineisena Allah pogoroba mene nen hit weak hilingitep mene andi sebelogo legetfisagain aro.

MATIUS 6:32

A'nogo hilingitarek andi mondogat he, it afuni endakwe mene nen andi mene esinet fuluk herarik nikharek meneat he, hit yi nek he, yi mene ti mene legen hinelagaik hak welagep andi, at hineisena Allah pogoroba mene elu welagarego.

LUKAS 11:2

at Yesus nen he, ”Hit samban uogeluk halok he, yi'nogo ikhi logoino: Nineisena. Hat honggwarek henu esinet hafi logouwageluk hilingninabi me o. Nit ninebe hat hawe a'ma logouwogeluk ninobagaime o.

MATIUS 6:30

Engga helengga o leikwe welagarek andi re, yogondak hak fano welagaresi'mo nen, ohealek hak endumo nolfisagarek meneat he, Allah nen inasu labetfisa hak fano mene hilingisogo fisikherek andi nek he, hinebe faget fanorogo labethinobagagin lek nogo? Labethinobagagin o. Hinendawinggen Allah oba himbiret figi'lek yi ri!

MATIUS 5:16

Andi hak he, hit fano hilingitunem, it ekhe nen he: It fano hilingiri'lagwi, iluk hineisena pogoroba mene a'nogo fogerasuagen he, hit afuni ineilhanem andi hanggeat selekhogo logoino o,” iluk yagaisasikhe.

ROMA 7:18

Higithogo hilingisigeluk namolo anggigirek meneat he, ebe an nen hilingisigin he, elo'lego. Andi re, an nobabut he, fano mene ekhe hilingitirek fuk. We, nobabut afuni inobabut mene netogat logolik hilingiti lagi, iluk nelu o.

ROMA 5:17

Ap misigaren Allah ane sebelogo weak hilingitikhesik, wa'lagaikhemo re, wa'lagaikharek ero at oba nen omame agaikhesik he, wialagaikhe andi. A'nogo meneat he, Allah obabut fano nen, Yesus Kristus weat wo'nisasikhemo, at ebe misigaren, fano hilingitikhe andi nek he, mondok esin hokho mene. A'nogo hilingiti logolik, wene ninoba mene weat korogo wokhaluk Allah ninom ninambotkwe hunogo ninobagasikhemo, at ninom hundik nineluk logolik ninomamerogo fano logogun.

TITUS 3:3

It a'nogo hilingiti logogun andi re, nit attak ninendawinggen lek ninobabut kembu hak, komore'legat nong-honghogo hilingiti logolik he, afuni inogogwi kaindek inawe a'ma welagaikharek hak, inoba aigage lagagik, inendawimo nen yi mene ti mene ninamolo anggigik, agarek andi mene awe a'ma hak welagagu. A'nogo logolik, it ekhe weagerinafik, wene palhik, it ekhe nit inabiretninobagagik, niren it ninabiret fisigik, ikhi lagagu.

KEJADIAN 8:21

A'nogo warogo noletikhemo amben fano mondok lagasikhemo re, Allah endawimo fano agaikhesik, yi'nogo anggasikhe: ”It afuni inobabut a'nogo hilingiti logogun andiba, An nen kweang andi hobuk homan fagain lego. It afuni andi inebe oan oba nen inobabut weak hilingisuogeluk ebeti logogun nelu meneat he, yogondak afuni inebe inom, yi mene ti mene eluk welagarek mene ekhe inom, legetfisigi andi hak hobuk legetfisagain mondok lego.

LUKAS 11:12

I a, athe, suenggen nele ugu halok he, ililim hangge mene wogisikhi lagep nogo a? Legaro.

LUKAS 18:7

Andi hangge, at Allah nen againafuri wenagaisogo fisasikhe mene halogen linggene hubanggo inane ninghogo ayonggo fugu halok he, elele woginabigin lek nogo? Inane konhi logombigen, hobuk halok elele woginabigin nogo?