An nen wene misik ekhe neisena Tuhan kino yagahesik. An namolo re ebe yi'nogo. An neluk logolik oba re, ”Haren fanorogo nek hilingnafunem hobabut enek hugu welagik, nen wo'narek nikhi logoinogen iluk kino yagahetu welagik, ikhi logolik he, neisena Tuhan haiba andoma nabolok lek logoiyogen, iluk yagaheti o.
LUKAS 10:42 - Allah Wene Fano Wene Hupla Inane42 Meneat he, wene misik ekhe hilingisu werek kwelegat he, haren yi mene ti mene faget enek hilingiti lagen. Hagot Maria yi nek he, wene fano wene misik andiat wenagaisogo eisewerek agasi'mo re, Herakfisan iluk yagasigin mondok lego,” iluk yagatikhe. Gade chapit la |
LUKAS 10:42
36 Referans Kwoze
”It afuni ekhe nen an nane inesanggo holfuluk, inendawinggen an lak nobagai wagaikhe mene a'nogo noba eberogoat himbiret fogoin halok, afuni wa'la'luk lagaikharek ero herakfisaluk, ineluk mondok logogun mene eroba arat wagaikhesik werego. Ineluk mondok logogun mene eise agaikhasik werek andi nen he, hobuk wene inoba fagain lego, iluk eberogoat yagahisigi.
at Yesus esanggo holhikhesik he, mel yagatikhe: ”Wene misigat enek ekhe hilingiti'lek welagen o. Hat hangge andoma felelenghogo it ekhe inoba onggo pali lano. Onggo paliluk he, onggo wokhesugun mene andi it afuni ekhe inagarek lek inelagaik mene andi mondok sumburogo wogisano o. A'nogo arat wogisegen halok he, hat pogoroba mene hokhorogat eisewerek asigin o. Halok a'nogo arat sumburogo wogisaluk he, an nombo'ne nikhi logoinogen we'no o,” iluk yagatikhemo,
Yogondak he, hit hineluk logogun mene wenakhogoin a? Wa'lasugun mene wenakhogoin a. Allah nen fanothinabuagaluk wenakhogoin a? Homan hinobagauwagaluk wenakhogoin a. Hit hinonggwaregen wenakhani o. Hiren he, nit yi mene ninamolo iluk ugunem pogot inom, kweang inom ineil werek kwelek ubagaigen he, wolisagain o. Andi nen he hiren, nineluk logogun ninamolo re, ebe yi mene, iluk wenakhani o.
Hit hinagarek mene andi onggo hunisimbik he, onggo uang hunisugun mene omanogo it inagarek lek mene inelagaik mene andi sumburisano o. Sumburisaluk he, uang awi fili agarek lek mene waganogo fuluk, kwalogo fikhi logou hak, hinagarek fano mondok lek asigin lek mene, it ap ineil masi weak mene nen yogot hinasi kwigik, elugengge nen palhik, ikherek mondok le'ma pogoroba andoma kwalogo hinobagauwageluk lakfakhikhi logoino o.
Andoma mondogat an nen wil-wal hasigisik, wene andi ambisangma lambulogo an nen anggasigi mene re yi: Allah nen afuni elalinafe andi re At oba inailorogo logolik hilingiti logouwageluk elalninafikhe hilingi'mo re, afuni inebe lombogen At awane fano wene pukhogo fisogo logolik hilingiti logogun andi esin o.
at Abraham en he, mel yagatikhe: Namlogo e. Hat heluk logolik he, fano mene nek ninggik, wanhik, ugu kwelek, Lazarus yi nek he, weagat welagaikhe mene a'nogo hendawimo ebesin! Nen, yogondak he, at Lazarus yi yoma wagasik endawimo fano agasik werek kwelegat he, hat enek he, heinet hokhorogo warikhi lagen andi.
A'nogo isukwama, at Yosua nen he, mel yagaisasikhe: ”Hiren he, nit hunogo mene ekhe amingmingengge hilinglagi'lek, we, nineisena Tuhan amunek amingmingengge logogun, iluk egep halok, hinoggwarek hinelurogo logogun andi,” iluk yagaisasikhe. A'nogo yagaisasikhemo, iren he, mel yagatukwa: ”Nen. Eberogoat. Nit ninonggwaregat ninelu logogun o,” iluk yagatukwa.
Hiren nineisena Tuhan amunek amingmingengge logogun hinabit halok, o yogondagat, Nit ti mene amingmingengge hilinglasugun, iluk tekhogo ugun o. Hiren he, o attagat ninombalak o Mesopotamia logolik, hunogo mene faget, Nineisena ebe andiat, iluk oba himbirik logolik amingmingengge welagaukwa andi mene amingmingengge logogun ugun a? At he, hit yogondak afuni inunggulenu Amori mene inaiba logolik, iren, Nineisena ebe andiat, iluk oba himbirik logolik amingmingengge welagaikharek andi mene amingmingengge logogun ugun a. Hirenat senggerogo ini o. An enek he, nebe inom, nagainafuri inom, nineisena Tuhan amuat amingmingengge logogun o,” iluk yagaisasikhe.
A'nogo yagatukwama, at kain a'nogo nen amingmingengge mene a'nogo wolhasikhemo wagaikhemo re, mel yagatikhe: Hat hilingiti lagen mene nesanggo holhi andi re, ninggi'nogo hilingiti lagen. Yogondak hat an naiba yoma logolik an nagarek fisogo logogin lek hilingi'mo re, fisogo logolik hilingiti lagen mene lisu palek mene andi pilingisogo yaganesimbik he, wo'nom o, iluk yagatikhe.
Inenggi ekhe sambul he, at Yesus o ekhema logolik samban ikhi lagaikhe. Samban arat isikhemo nen he, at agoromi ane wanhi lagaukwa mene omanogo ekhe nen mel yagatikhe: ”Noe. At Yohanes nen, at agoromi ane wanhi lagaikha mene samban ikhi logouwageluk yagaisikhi laga andi hak he, nit ogo re a'nogoat samban ikhi logouwogen iluk ekhe yaganisan o,” iluk yagatikhemo,
Sumburu fili asimbik lek asigin mene faget yabu hilingiti logou fugo. Athe, sumburu mondok logogin mene ninggi logolik, ineluk mondok logogun mene andi, an nenat wokhisikhi logouwageluk neisena nen nayonggo fuluk laknobagai wagaikhemo, abat ta'lasi wagagi andi faget yabu hilingiti logoni,” iluk yagaisasikhe.
Piblisite