LUKAS 10:39 - Allah Wene Fano Wene Hupla Inane

³⁹ At Yesus, he Marta andi agot enu Maria emberek were'ma kwisikhemo, he Maria a'nogo Yesus awe a'ma logolik ane esanggo hologo welagaikhe.

LUKAS 10:39 Referans Kwoze

LUKAS 8:35

A'nogo yagaisa lagaukwama re, it afuni nen he, ”Ninggi'nogo hilinglagama nen aga,” iluk, ineilenggen houwogeluk Yesus oba wagaukwa. Wagaukwama re, ap munggwarengge inobabut weak mene endawimo nen wulifikhe mene a'nogo afe hebelagaikhesik asu laberogo Yesus awe a'ma hurek were'ma ineilenggen hasukwasik, inailo agaukwa.

AMSAL 8:34

It afuni an nane hologo hilingisuogoluk hundik-handik an nawi kweba hurek welagik, an welagirek oba leget pa'leget ambe pale'ma andoma kagalek welagik agarek mene andi re, inendawimo inagaiyek anggikhi logouwak.

YOHANES 12:3

A'nogo nunggu kwelek, at he Maria nen amusu enu naruwastu amben fano mene onggo hokhorogoat palharek mene Yesus eisok oba watfesikhesik he, at Maria onggwarek esiba tetikhe. A'nogo tetikhemo, oloba a'nogo amben mondok sang-pang isikhe.

KISAH PARA RASUL 22:3

”An he, ap Yahudi mene, nebe o propinsi Kilikia o kota Tarsus ta'lagagi meneat he, o Yerusalem yoma nen kulnafukwama nalue agagi. Nalue agagimo, ap kain Gamaliel nen wene Allah nen ninombalak komorinafikhe wene a'nogo furogo yaganeti lagaikhe. Yaganetunem, an nen hit yogondak Allah faget hinomamerogo hilingiti lagep andi hagat hilingiti lagi.

LUKAS 2:46

Pisukwasik, herarik inenggi pire nikhi lagaukwasigen, hobuk inenggi ekheba kwelakhasukwa re, at ebe Allah awi wuri'mo kwisikhesik, it ap Allah ane yagaisagarek mene inom inanggele'ma hurek logolik, it omanogo inane ugunem esanggo holhik, iren ugunem aren onggo igik, heinok wanhik, ugunem heratukwa.

ULANGAN 33:3

Eberogoat nineisena Tuhan he againafuri endawi welagarego. Afuni Aren wenaginafe mene nek inebe lombok mondogat ferinarek welagarek. Nit at awe a'ma nineindep awi yagaisogo nen fogeratik, Aren, yi'nogo hilingiti logoino, ti'nogo hilingiti logoino, iluk yaganisasikhe wene andi hologo higithogo hilingitik, ikhi logouwogo.

YOHANES 11:1

Ap ekhe enu Lazarus erugwi Maria agot Marta inom inaiba o Betania misi'mo mene welagaukwa.

2 RAJA-RAJA 4:38

Inenggi ekheba re o yi awi ti awi andoma sumburu ouwak lagasikhemo re at Elisa ambotkwe sugulogo o Gilgal wagaikhe. Wagaikhesik aren it ap nabi omanogo andogerinafikhesik yanggulinabigilik he at amingmingengge a'nogoba re belanga hokho mene waluk ap omanogo inobaget nunggu mene isaginabuageluk yagatikhe.

LUKAS 10:42

Meneat he, wene misik ekhe hilingisu werek kwelegat he, haren yi mene ti mene faget enek hilingiti lagen. Hagot Maria yi nek he, wene fano wene misik andiat wenagaisogo eisewerek agasi'mo re, Herakfisan iluk yagasigin mondok lego,” iluk yagatikhe.

YOHANES 11:19

it afuni Yahudi mene hokhorogo, he Maria inom, Marta inom, inerei Lazarus ware'ma inendawimo fanorogo iluk, inoba wagaukwasik welagaukwa.