LUKAS 10:32 - Allah Wene Fano Wene Hupla Inane

³² At pisikhe hagat, ap unggulenu Lewi mene ekhe kwe andi kwe pikhi logolik, ap a'nogo warek were'ma eilenggen hasikhe meneat he, kwe ogalogo hebisaluk pikhit pisikheat.

LUKAS 10:32 Referans Kwoze

KISAH PARA RASUL 18:17

Wulakfisugunem, it afuni ekhe mondogaren he, ap enu Sostenes, o afuni Yahudi mene samban agarek oba eisewerek kain welagaikhe mene andi, ebe fakfesukwasik he, o wene inoba figik, kotik, ikhi lagaukwaba andoma ebe yei watukwa. A'nogo watu kwelegat he, at Galio a'nogo nen elele wanhi'lek obakhe nene kamo isikhe.

AMSAL 27:10

Hat agailak ogo nen at heisena hagailak andiba ogo inoba honggorasu fuk, hat enggin hoba were'ma hagailak oba lebetnabin iluk kino u fugat, hagailak awi yatma logogin mene andi hinom hundik logogun andi re we maben hangge, oba nen he inawi hinom horokhogo logogun mene andi nek he mondok esin.

MAZMUR 109:25

Afuni an ineil niili'lagwi mene nen he inambisang singgin watniikhi logolik pilip nabi'lagwi.

2 TIMOTIUS 3:2

Afuni inendawinggen tulem he, inonggwarek inebe faget inom, uang faget inom, esinet figik, inonggwaregen fogerakhigik, sewirakhigik, inane puk weak wenagisigik, ineisugwi inagaisawi inane holhi'lek herakfisigik, hai warinafi'lek inobabut lagi-lagorek hilingitik, Allah faget hilingiti'lek inabit welagik,

YESAYA 58:7

Nen afuni nelerogo werek mene inoba hit nunggu mene sumburogo wogisigik, ap inawi lek mene hiren woginafik, afuni inalfulukwa werek mene inasu labetfisigik ikhi logolik, it hinagaila'lak ekhe leberisa elok werek kwelek hikhiphogo herakfisa fugo.

LUKAS 10:31

Helaluk lagaukwama nen, ap ekhe Allah eisewerek mene ekhe kwe andi kwe pigeluk pisikhe hak he, ap a'nogo warek were'ma eilenggen hasikhe meneat he, kwe ogalogo hebisaluk pikhirat pisikhe.

LUKAS 10:33

It a'nogo hilingitukwa meneat he, ap o Samaria mene ekhe kwe andi kwe pigeluk pisikhe hak he, ap warek a'nogo were'ma eilenggen hasikhesik endawi agaikhe.

KISAH PARA RASUL 16:28

Wanhikhesik onggwaregen warageluk ugunem, at Paulus ane hokhorogoat mel yagatikhe: ”Hebe honggwaregen waragun o. Nit ninebe mondogat welago,” iluk yagatikhe.