LUKAS 1:69 - Allah Wene Fano Wene Hupla Inane

⁶⁹ Telninabuageluk he, at amingmingengge Daud en tagongge mene omame werek mene menfikhemo werek yi.

LUKAS 1:69 Referans Kwoze

MAZMUR 18:2

Tuhan neisena, Hat hebere an nomamet nafu mene welagenma re, Hat hoba nendawi hundik welagi o.

YEHEZKIEL 29:21

Ningginik sambul wene andi ambi agu halok he An nen Israel unggulenu mondok omame hokho mene hilingisogo fagain o. A'nogo hilingisogo fembik hat Yehezkiel en hane haferogo ugunem afuni mondogaren holhi logogun. Andiba re iren An Tuhan iluk inelu asugun o,” ikhe.

2 SAMUEL 22:3

An nebe welagirek oba leget pa'leget omamerogo waganek mene hangge, Tuhan hebe welagen, An nebe logouwageluk helep tom eil hak he Allah hebeat welagen, nen an fano logouwagaluk Aren sing itarek hangge laberogo fetnarek werego. Nen nailo legengge logouwageluk hundik-handik fetnarek mondok werego.

1 SAMUEL 2:10

Neisena Tuhan, hane pogoroba nen unggunggu aneba pak ugunem haselei mene inailo a'luk oak yaleik-taleik ugunem inebe mondok wolelenggen tagalogo inosigin o. Hat neisena Tuhan nen afuni kweangma mene mondogat wene inoba figik, kotik, igin mene, at ebe kain enupogot asuageluk wendeberogo menfesigin mene andi, omame wogetunem ungguloak uan asigin o,” iluk Allah fogeratikhe.

MAZMUR 89:17

Haren higithogo nek hilingfisikhi lagen andi nen he, iren lingge inukhogo inabolo'lek logolik, wuniba Henu seralhu mondok welagaikharek.

1 SAMUEL 2:1

At Hana nen Allah fogerati logolik, samban oba mel isikhe: ”Neisena Tuhan nen fanotnafenma nendawimo nagaiyek hikhi lagi o. Haren hilingitendek mene andi re, nendawimo nagaiyek anggigirek mene nek hilingiti lagen o. Hat neisena Allah nen lebetnafenma, nendawimo nagaiyek oba it naselei mene nen inane asegen wo'nabi'lagwi mene omanogo re, an nen ogo pilibinafi logogin aro.

MARKUS 11:10

Endamat ninomba Daud awe a'ma welagaukwa hak, Allah nen ninoe yi awe a'ma ninobagambik fanotninabuago. Allah esin pogoroba welagarek mene, neisena wa!” u hak, ”Hosana!” iluk a'mit suphogo,

WAHYU 22:16

A'nogo yaganetesik, at Yesus nenat hobuk yaganeti logolik he, ”Yi wene ti wene yi abok, an nagot malaikat en hit nagainafuri o yi awi ti awi andogoti lagep mene mondogat yagahisoageluk hinoba lakfei wagi andi re, an Yesus nen aro. Nen, e asimit fulelherek andi hak, ap Daud en tagongge mene a'nogo re, an nebe aro. Nen, hesagal wap o mo yegelogo lagai wagarek higiren, liabi wagarek mene amulit hokho a'nogo re, an aro,” iluk yaganete.

AMOS 9:11

Nineisena Tuhan nen a'nogo isikhesik ekhe mel ikhe: ”Nenggi ekhe horok asi wesigin meneba re, An nen Daud lego welagaikheba obali'mo kerajaan a'nogo legeisogo fagain. Yogondak kerajaan andi re o meisalogo pikherek hakhogo hilinglagama werek. Oba nen he, o hobat andoma An nen obalikwe pugunesimbik nekhengge wusumo re, o andi obabut he attak welagaikhe hagat hilingik logogin.

MATIUS 1:1

At Yesus Kristus Abraham en, Daud en, tagongge a'nogo ambu ombalak eroba nen taginabik wagaukwa mene inenu yi.

MAZMUR 89:3

Haren hendawi hundik hilingnafi lagen mene andi re mondok-mondok logogin mene o, nen, Haren tiphogo nek hilingiti lagen mene andi re pogot higit abolok lek logogin andi nen he an nelu o.

1RAJA-RAJA 11:13

Oba nen he, raja logolik melalinafi logogin mene andi re abirengge hat hoba nen lisogo wanigin lek. An namingmingengge Daud a'nogo inom, nen o Yerusalem An nawi kota hilingfesigi mene a'nogo inom faget eberek logolik he, An nen unggulenu misik enek he hat hamlogo faget fagain aro,” iluk yagatikhe.

2 SAMUEL 7:26

Afuni o yi awi ti awi nen henu hokhotfugu mondok logolik mel ikhi logogun: Allah Homame Mondok Hokho mene afuni Israel mene ineisena Tuhan andi re we Hat hamuaro, iluk ikhi logogun o, neisena. Ap an nen tagongge mene mondok ekhe enupogot asimbik afuni Israel mene ferinarek mondok logogun o, neisena.

YEREMIA 30:9

Hit he An hineisena Tuhan Allah nobaget hilingiti logolik logogun, nen ap misik ekhe Daud ambisangmangge mene re An nen raja menfagain.