KOLOSE 4:4 - Allah Wene Fano Wene Hupla Inane

⁴ Wene andi, an nen yagaisagain higithogoat furogo yagaisikhi logoigen he, samban ikhi logoino o.

KOLOSE 4:4 Referans Kwoze

EFESUS 6:20

Wene andi yagaisikhi logouwageluk at Kristus nen nayonggo fuluk laknobagai wagaikhemo an wagirik yagaisikhi lagi andi faget nenggi hele warogo nobagagama welagi. A'nogo logolik, an nailo lek hogo fano wene andi yagaisikhi logou higithogoat yagaisikhi logoigen, samban ikhi logoino aro.

KOLOSE 4:6

Hinane yi mene ti mene faget it ekhe yagaisikhi logolik, yi mene ti mene mayu folhunem enduk fano agarek hak: ”Wene andi fano o,” iluk wanuageluk, hinane liokhogo yagaisikhi logoino o. A'nogo yagaisugunem, it hinoba heinok wanhunem, wene onggo inebe lombok yagaisobagaigen, hinelurogo logoino o.

2 KORINTUS 3:12

Hobuk a'nogo fano asigin iluk, ninendawimo agaiyek anggikhi logolik he, wene ninailo mondok legat yagaisikhi lagoo.

KISAH PARA RASUL 5:29

A'nogo yagaisikhi lagaukwama re, it Petrus lak, Yesus nen inayonggo fuluk lakfisasikhe mene omanogo nen he, ”Nit he, afuni mene inane hologo hilingiti'lek, Allah ane andiat hologo hilingisugun o.

KISAH PARA RASUL 4:29

Mene re, Nineisena. Nit ninoasuogeluk ili'lagwi andi heilenggen isan o. Nit hagoromi yoma wene haren isigin mene andi, ninailo lekhogo yagaisikhi logouwageluk homame wo'nisan o.

KOLOSE 4:5

It afuni Allah ane inonggot mene faget he, hit hinendawimo mondok kagalek logolik: ”Nit Allah againafuri hilingisugun mene fanoasuak yabaat hilingiti logouwok,” iluk andi meneat hilingiti logoino o.