KOLOSE 4:11 - Allah Wene Fano Wene Hupla Inane

¹¹ At Yustus, enu ekhe Yesus a'nogo nen, hai wathinafe aro. Inagap inenggalimo mene palek mene re, inebe henagan enek Allah awe a'ma logogun wene a'nogo ninomen yagaisikhi logolik lebetniugunem nendawimo fano ari'logo.

KOLOSE 4:11 Referans Kwoze

KISAH PARA RASUL 11:2

A'nogo holhukwasik were'ma nen, at Petrus ebe hobuk Yerusalem pugunem he, it afuni inagap inenggalimo mene palek logolik inendawinggen Yesus oba himbiret fesukwa mene omanogo nen wenagetukwa.

FILEMON 1:1

Filemon nagailage. Nagailak nemberek Kristus faget hilingitorek mene hebe nendawi e. An Paulus, Kristus Yesus faget nenggi hele warogo nobagagama welagi mene a'nogo, ninagot Timotius nemberegen, hat hebe inom, Allah againafuri ekhe hat haiba andogotarek mene inom, ninerei Apfia inom, ninagot Arkhipus, weim yafarek hak, Allah faget ninom ninomamerogo hilingiti lago mene a'nogo inom, wene yi lisu palogo hinoba lakfei wago andi.

TITUS 1:10

It afuni ekhe hokhorogoat ebe wene hologo higithogo hilingiti'lek hilingiri'lagwi andi. A'nogo hilingiri'lagwi andi, inebe hokhokwe re, it Yahudi inagap inenggalimo mene palek mene, fano wene wanhukwasigenat he, hobuk ebe wene le'maat, we, tulemat afuni inawene mene ikhi logolik, it ekhe lalinabi'lagwi andi.

KOLOSE 4:7

At Tikhikus ninagot ninendawi mene, nit ninomat ninoe Enupogot amingmingengge logolik, at faget obabut hombunhogo hilingiterek mene nen wene an nabok hobuk yagahisa wesigin a'naga o.

2 KORINTUS 6:1

At Allah nen he, mel isikhemo lisu palogo fesukwama werek: ”An nen, hit hinane nesanggo holigin anggigibaat holhi o. Hinebe telhinabigin higithogoat lebethisa wagi o,” iluk isikhe andi re, Allah nen ninane esanggo holigin he, o yogondak ya aro. Nen, ninebe telninabigin he, o yogondak ya aro, iluk hinendawimo ebe'nio. Halok he, nit Allah ninom at faget hilingiti logolik he, at obabut fano nen endawithinafikhemo, at ebe wanhigip a'nogo, we tulemat alomatubo, iluk komothinafi lago andi.

ROMA 4:12

Ninomba Abraham andi agap enggalimo mene a'nogo pale'lek logolik, endawinggen Allah oba himbiret fesikhe hak, nit ninagap ninenggalimo mene a'nogo nek palek halok, Abraham ninomba ugun elo'lego. Athe, Abraham obabut waganogo ninendawinggen Allah oba himbiret fogo mene halok, Abraham ninomba ugun aro.

KISAH PARA RASUL 10:45

A'nogo pi wagaikhemo, it afuni inagap inenggalimo mene palek logolik wene eberogoat iluk wanhukwa mene ekhe Petrus inom o Yobe nen wagaukwasik were'ma, Allah nen Areagun a'nogo it endakwe mene inoba pelakfei wagaikhemo, helasukwasik, wene it ekhe inane inonggot meneba elalinat igik, Allah fogeratik, ugunem, ineilenggen higik, inesanggo holhik, isukwasik he, mel isukwa: ”Allah nen Areagun it afuni endakwe mene higirat wogisikhemo higi. Nailo e,” iluk fogeratukwa. A'nogo fogeratukwama, at Petrus nen he, mel yagaisasikhe:

FILEMON 1:24

Nen, an nagaila'lak Kristus faget hilingiti lago mene, Markus inom, Aristarkhus inom, Demas inom, Lukas inom, inebe mondogaren hai wathafa aro.

1 TESALONIKA 3:7

Nerugwi nagaila'lak. Nit yi enggin ti enggin wiik-weakhogo hilingninafu kwelegat he, hit hinendawinggen Kristus oba himbirigat welagep andi nen, hit faget ninendawimo fano agama welago.

1 TESALONIKA 3:2

Werek kwelek he, at ninagot Timotius, fano wene Kristus hilingitikhe wene a'nogo ninomat, Allah faget yagaisilik nikhi lago mene a'nogo, afuni nen yi enggin ti enggin hilinghinabi'lagwi andi nen, hit hinendawinggen Kristus oba himbiret fesigip mene abolok inogo iluk, hinendawinggen ago wathinafik, komothinafik ikhi logouwageluk hinoba lakfei wago andi o. Yi enggin ti enggin hilinghinabi'lagwi andi, Allah nen wena'ninafi logoligat: ”A'nogo hilinghinafi logogun,” iluk isikhe hagat hilingninabi'lagwi andi hineluaro.

FILIPI 4:3

Nen, hat nagailak ekhe Allah eabu nemberek hundik mondok hilingiti lago a'nogo, it hemi inebe pire andi leberisanok iluk yagaheti andi. It hemi andi inom, ap Klemen a'nogo inom, it fenakwe an ninom Allah eabu misigat hilingiti lago mene omanogo inom, fano wene ninomamerogo ninom yagaisilik nikhi lago mene ninenu lombok, at Allah ambukuba nabulal-habulal hilinginabigin mene halok, inenu palogo fikherek a'nogoba palogo fikhemo werek.

EFESUS 2:11

Hit attak he, hinebe endakwe mene welagagip andi, hinendawimo ebe'ni. It ap Yahudi mene afuni ineranen inagap inenggalimo mene palinafukwa mene andi nen, hit faget he, ”Inagap inenggalimo mene palek lek mene,” iluk ikhi lagaukwa.

ROMA 16:3

Nen, ekhe re, he Priskila agun Akwila emberek ninom Kristus Yesus faget hilingiti lagosik wagaikha a'naga Paulus nen hai wathinafe iluk yagaisano o.