KOLOSE 3:25 - Allah Wene Fano Wene Hupla Inane

²⁵ Menere, at ninoe Enupogoren he, afuni inelokhonggen oba nek isaluk, ekhe elokhoma fisigik, ekhe ambotma fisigik, ikherek lek andi nen, sa nen weak hilingite mene faget, onggo wogosu hak he, weak hilingite mene andi higithogoat wene oba fagain werego.

KOLOSE 3:25 Referans Kwoze

KISAH PARA RASUL 10:34

At Petrus nen wene eroba nen yagaisikhi logolik he, ”At Allah obabut he, afuni inagap oba nek eilenggen isaluk, ekhe elokhoma fisigik, ekhe ambotma fisigik, ikherek lek, iluk yogondagen futfigi.

1 TESALONIKA 4:6

Andi mene faget higithogo hilingiti logolik he, hinerugwi hinagaila'lak ineil salogo inagagwi inaguni mene pailak fakfisogoin lego,” iluk Allah endawimo nen a'nogo anggaluk yaganisikherek andi. A'nogo ikherek andi nen, attagat niren ikhi logolik he: ”It afuni pailak a'nogo fakfisagarek mene halok, ninoe Enupogoren wene inoba fagain werego,” iluk, ninghogo komothinafugu andi.

ULANGAN 10:17

At nineisena Tuhan Allah re, afuni ekhe nen hunogoat mene faget, Nineisena ebe andi aro, iluk agarek mene mondogat inom, yi mene ti mene omame werek mene mondogat inom, elo'lek hangge werek kwelek, At enek he, Ebe Esin Lego Omame mondok Hokho welagarek. Andi nen he, At ane hologo higithogo hilingiti logogun o. At he, it ekhe inebikhit aga logolik, ekhe abit welagik, it inebikhit asuageluk onggo hinagaisogo wogetunem wanhik, ikherek mondok lego.

1 PETRUS 1:17

At Allah obabut he, afuni inagap oba nek eilenggen isaluk, ekhe elokhoma fisigik, ekhe ambotma fisigik, ikherek lego. We, inobabut hilingitarek lombok higithogoat wene inoba figik, kotik, ikherek andi nen, hiren he, ”Allah nineisena,” iluk ayonggo fikhi logolik, kweangma yoma elama faget hinebe ap pok hak logolik, at ebe hinailorogo hilingiti logoino o.

EFESUS 6:9

Nen, hit hinogogwi kaindegen ogo re, hinamingmingengge mene faget he, a'nogoat hilingiti logoino. ”Hoasigin,” iluk inabisakwe sagal-fagalhogo hilingiti logogup. Hinendawimo nen he, ”An namingmingengge mene ninomat he, nineisena Tuhan pogoroba mene a'nogo nen, nit faget he, At andi kain. Nen, at andi kembu, iluk, ikherek lek. Ninom higithogoat hilingninaferek,” iluk, hinendawimo eberek logoino o.

2 TAWARIKH 19:7

Nit nineisena Tuhan Allah andi nen he, aben henarogo hilingitik, fena fikhit enek ebikhit agik, inenggi a'makwe heligik, hilingitarek mene andi re, mondok abit anggikherek enggere, hiren Tuhan oba hinailorogo logolik hinendawinggen wenggelogo nek hilingitu nogo,” iluk yagaisasikhe.

ULANGAN 1:17

Wene tegeti logolik afuni inebe mondogat inoba higithogo nek inawene ayo wurogo tegeti logoino, nen it ekhe fikhit engginhogo hilingfisikhi logolik, it ekhe fikhit serogo hilinginfisa fuk. Nen ap andi sa iluk elokhe penesu fugat, we hiren wene fanorogo ayo wurogo tegesugun mene andi re Allah nen yagahisikhi logogin enggere, hiren ap misik iluk ekhe hinailoti logou fuk. Nen wene andi ambi hiren tegetu aple enggin agu halok he, an nen ayo wurogo tegesuageluk noba waluk waga logogun.

IBRANI 2:2

Wene andi, nit ninambu ninombalak yagaisoageluk, Allah nen it malaikat inayonggo fuluk lakfisa wagaikhemo yagaisasukwa mene eberogoat hilinglagaikhe. Nen, it ekhe wene andi hologo higithogo hilingiti'lek mene, inebe lombok wene higithogoat inoba fuluk weagerinafi lagaikhe andi.

KOLOSE 4:1

Nen, hit ap inogogwi kaindek mene yi, hit hinendawimo nen he, ”Nirogo, ninoe Enupogot ebe pogoroba werego,” iluk futfuluk he, hinagoromi hinamingmingengge mene andi, yi mene ti mene wogisagarek higithogoat wogisikhi logoino o.

LUKAS 20:21

Lakfisa wagaukwama, Yesus oba wagaukwasik he, heinok wokhikhi logolik, mel yagatukwa: ”Noe! Hat he, wene yagaisikhi logolik afuni ekhe helokhoma fisigik, ekhe hambotma fisigik, egendek lek. We, hane higithogoat ikhi logolik, Allah endawimo nen he, afuni yi'nogo hilingiti logouwak, iluk endawimo anggikherek mene eberogoat yaganisikhi lagen andi, nit ninelu o.

AYUB 37:24

Andiba re it afuni inebe mondogaren At enek along anggaluk legeisogo fikhi logogun fano. Aren he it afuni nen an nendawi werek nagun iluk anggagarek mene andoma faget inoba ebeterek lek,” iluk isikhe.

AYUB 34:19

At Allah nen enek it ap raja inom, inenggi werek mene inom, inenggi lek mene inom, elalinafikhemo re, Aren he it ap raja halok enek inebikhit agik, nen it afuni inangge lek mene halok herakfisikhi logolik he it inenggi werek mene halok enek elokhomarogo hilinginafik, hilingiterek lek.

2 SAMUEL 14:14

Nit ninebe mondogat he i kweangma kweisalisaluk nekhengge andogosu lek a'nogo hak hilingi'mo re, ninebe mondogat he wa'lasugun enek, nen Allah nen ogore ap mondogat wa'lagu mene hobuk ineluget fou lek hak. Arigini'mo re noe haren ap longgo i lagaikha mene omanogo nekhengge inambotkwe inaiba wesuageluk ebesin.

IMAMAT 19:15

Hiren, it ekhe unggum inoba figik, kotik, ikhi logolik he, wene higithogo halogo nen ikhi logoino o. Afuni inangge lek inelagaik mene inebikhit agik, inangge hokhorogo logolik, ineilmo wulalhak werek mene hinailo welagik, ikhi logogun mondok lego.

YUDAS 1:16

It andi afuni inabok weak palhik, wenagisigik, ugu mondogat welagaikharek mene. Yi mene ti mene inendawinggen en nunggunem, ”Namolo.” anggikhi logolik he, andi meneat hilingitik, inonggwaregen fogerakhikhi logolik, yi mene ti mene saburogo heluogeluk, it ekhe inane agaukhogo fogerinafik, agarek mene.

FILEMON 1:18

Aren weak ekhe hilinghafikhemo, palegengge oba fegenma oba werek halok he, at ombalegengge mondogat an noba feino o.

MATIUS 16:27

An abat ta'lasi wagagi a'nogo re, hobuk neisena fogeratu mondok welagaikharek andi hagat hilingla'luk, it malaikat Allah pogoroba nen yonggo pelakfisa wagarek mene omanogo ninom wesimbik, andi sambul he, afuni mondogat inobabut lombok hilingitarek mene higithogoat onggo wogisa wesigin o.

EFESUS 6:8

Hinobabut fano hilingiti logogun halok, hineisena Tuhan nen hit hinamingmingengge mene inom, hit hinale'ma welagep mene hinomat, hinebe lombok onggo wokhisagaino.

2 TESALONIKA 1:6

Ninoe Enupogot Yesus agoromi malaikat yonggo nikharek mene inom pogoroba nen inomamerogo weinam hogoat endu amulok anggele'ma pi wagunem he, Allah nen wene afuni inoba higithogo fikhi logolik, it hit yi enggin ti enggin hilinghinabi'lagwi mene, onggo higithogoat weagerinafik, nen hit yi enggin ti enggin hikhi lagep mene andi, nit ninomat ninendawimo fanotninafik, igino. A'nogo ikhi logolik he, it afuni Allah ebe inelu asu inabit logolik, ninoe Enupogot Yesus hilingitikhe wene fano wene a'nogo wanhi'lek herakfisili'lagwi mene wene inoba fagaino.