KOLOSE 3:13 - Allah Wene Fano Wene Hupla Inane

¹³ Hit-hit ekhe nen ekhe weak hilinghinafunem, ambumet figi'lek hinafe morogo logolik, sebelogo legetfisikhi logoino. Hit weak hilingiti lagagip mene, ninoe Enupogoren sebelogo legetfisasikhe andi hak, hit-hit a'nogoat sebelogo legetfisikhi logoino o.

KOLOSE 3:13 Referans Kwoze

EFESUS 4:32

Herakfisaluk he, hit-hit hinobabut enago lioksek logolik he, hit weak hilingiti lagagip mene at Kristus nen sebelogo legetfesikhe mene, Allah nen legetfisasikhe andi hak, hinerugwi hinagaila'lak ekhe nen weagethinafu halok he, wene andi legetfisikhi logoino o.

MARKUS 11:25

Hit ekhe menla'luk samban ikhi logolik he, weak hilingitep mene nineisena Allah pogoroba mene nen sebelogo legetfisoageluk, afuni nen hit weagethinafa mene hiren wene inoba fuluk welagep halok he, andi sebelogo herakfisano.

YAKOBUS 2:13

Hiren afuni hinendawirinafi'lek halok Allah nen he, endawit hinafi'lek wene hinoba fagain aro. Menere, afuni ekhe inendawirogo welagaikharek mene andi Allah nen inanema wanhi logolik wene inoba fagain lego.

EFESUS 4:2

Hit-hit nendawi-hendawirogo leberisigik, hundik-handik hinendawinggen sebel fakhaluk welagik, hinobabut enago welagik, hinafe morogo welagik, ikhi logoino o.

MATIUS 6:12

Afuni nen nit weaget ninafa mene, niren sebelogo legetfisogo andi hak, nit weak hilingito mene haren sebelogo legetfisano o.

2 KORINTUS 6:6

A'nogo hikhi logoligat he, ninobabut weak hilingiti'lek tegelek logolik, fano wene ninelu welagik, ninafe morogo welagik, ninobabut enago welagik, ikhi lago. At Allah Areagun ninendawimo logolik afuni inebe eberogoat ninendawirogo welago.

GALATIA 6:2

Hit-hit hinoba enggin werek halok, hinebe lombok ekhe nen ekhe lebet-lebet hilingiti logoino o. A'nogo hilingiti logogun andiba nen, wene Kristus nen komorogo yaganisasikhe wene a'nogoat higithogo hilingiti logogun andi.

2 KORINTUS 2:10

Aren hit weagethinafe mene andi, hiren sebelogo herakfisegep halok he, an nen sebelogo herakfisagainaro. An nen sebelogo herakfisagain mene werek halok he, at Iblis obabut lagokhogo hilingiterek ninelu andi nen, mabenetninabinogo iluk, hit faget, at Kristus eilhanemat sebelogo herakfisagaino.

LUKAS 23:34

A'nogo menfisasukwama logolik, at Yesus nen mel yagatikhe: ”Neisena e! It yi inonggot logolik hilingnabi'lagwi yi re, wene inoba figi'lek sebelogo herakfisano o,” iluk yagatikhe. Nen, it ap tentara mene omanogo nen he, a'nogo menfisaluk, ”At Yesus asu andi sa hak asigin,” iluk he, oagengge lakfigik, wakfigik, isukwasik, oagengge inoba agaikhe mene halok sumburogo helasukwa.

LUKAS 11:4

It afuni nit weak hilingninabi'lagwi mene inebe lombok niren sebelogo legetfisogo andi hak, niren weak hilingiti lago mene haren sebelogo legetfisan o. Weak hilingisuageluk ninendawimo kagalhu halok herakninobagagi'lek fetninarek mondok logoino, iluk samban ikhi logoino,” iluk yagaisasikhe.

MATIUS 5:44

A'nogo meneat he, an nen wene ekhe yi yagahisak. At nineisena Allah pogoroba mene mo eisewerek logolik kweangma selekhogo afuni inobabut weak mene inom, fano mene inom, mondogat faget yaginafik, nen, meiso pelakfei wagarek andi re, it higit hilingiri'lagwi mene inom, weak hilingiri'lagwi mene inom, mondogat faget pelakfisa wagik, ikherek andi hak, hit hineisena Allah pogoroba mene againafuriat asubagaigeluk, afuni hinom weak mene andi hinendawirinafi logolik he, it weagethinabi'lagwi mene andi, Allah nen fanorinabuageluk it faget samban ikhi logoino.

1 PETRUS 2:21

At Kristus ebe hit faget yi enggin ti enggin hilik-hilik wa'lagaikhe andi nen, hit ogo re, at obabut waganogo yi enggin ti enggin hoagelugat Allah nen hinayonggo fesikhe andi.

ROMA 15:7

Afuni nen at Allah fogerati logouwageluk, at Kristus nen hit hinebe wokhinafikhe hak, hit ekhe nen it ekhe woginafik, it ekhe nen hit ekhe wokhinafik, hit-hit wok-wok ikhi logoino o.

KOLOSE 3:12

Hit hinebe Allah nen wenagaisogo onggwarek faget fakhasikhesik he: ”An nonggwarek nagainafuri o,” iluk endawirogo welagarek andi. Halok he su ket mene labetarek hak, hinobabut yi mene wanino. Inebe inendawirinafarek mene andi inom, inobabut enago welagaikharek mene andi inom, inonggwaregen fogerakhigi'lek inendawinggen seberogo welagaikharek mene andi inom, inobabut liokhogo hilingitarek mene andi inom, inafe morogo welagaikharek mene andi inom, hinobabut andi mene wanino.

EFESUS 5:2

Afuni nen yi mene ti mene Allah faget fisaluk, ebe warogo endu noletunem, Allah endawimo fanorogo amben fano mene liageti lagaukwa andi hak, at Kristus nit ninebe endawitninafikhesik he, ”It faget an nebe noasuago,” iluk anggasikheba ebe watukwa andi nen Allah endawimo fano agaikhe andi hak, nit-nit nendawi-hendawirogo hilingiti logouwogo.

AMSAL 19:11

Ap hebelek mene nen he wene endawimo kagalogo lagai wagunem sebelogo fikherek. Aren an weak hilingiti o iluk fakhogo ikherek andi nen he legeisogo fagarek.