KOLOSE 2:9 - Allah Wene Fano Wene Hupla Inane

⁹ Mene re, Allah ebe abirengge mondogat Kristus endawimo were'ma at ebe afuni higirat ta'lasi wagaikhesik welagaikhe andi.

KOLOSE 2:9 Referans Kwoze

KOLOSE 1:19

At Allah nen: ”An nendawimo namolo re, an nobabut netok mondok welagirek andi hak, an namlogo a'nogoat nemberek higit mondogat logouwago,” iluk, endawimo anggasikhe higithogoat welagarek.

YOHANES 1:14

Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.

YOHANES 10:30

”Neisena nemberek ninebe re, misigaro,” iluk yagaisikhi lagaikhemo,

1 TIMOTIUS 3:16

Wene andi, nit Allah awe a'ma logolik eberogoat iluk anggogorek wene hinago welagaikhe mene Allah nenat fakhogo weinamet fesikhemo, ”Wene andi esin,” iluk fakhogo ikhi lago. Andi re: At Kristus ebe afuniat weinam agaikhe o. At Allah Areagun nen, ”At Kristus andi eberogoat,” iluk sele'mat fesikhe o. It malaikat Allah nen yonggo pelakfisa wagarek mene ineilenggen hasukwa o. Agoromi nen at hilingiti lagaikhe wene a'nogo yi afuni ti afuni endakwe mene yagaisilik lagaukwa o. Afuni o yi awi ti awi mene ekhe hokhorogo aren, ”At ebe eberogoat,” iluk, inendawinggen at oba himbiret fesukwa o. At Allah nen pogoroba fogeratu mondok welagaikhare'ma liakfesikhemo welagarego. Wene andi re, at Allah nenat weinamet fesikhemo fakhogo ikhi lago o.

YOHANES 10:38

Meneat he, an nen hilingitu kwelegat, hit eberogoat iluk hinendawinggen an noba himbiret fou hinabit andi o. A'nogo hilingiti lagi mene andi eberogoat iluk futfeni o,” iluk a'nogo yagaisikhi lagaikhemo,

1 YOHANES 5:20

At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.

YOHANES 14:20

A'nogo hineilenggen neogoin andi sambul, an neisena nemberek hundik welago, nen, hit an hinom hundik, nen, an hit ninom hundik welago mene andi, hinelu asigin o.

YOHANES 17:21

Neisena, An nen kino yagaheti lagi yi re, mel iluk. An nen neisena hat nemberek hundik, nen, neisena haren an nemberek hundik welagorek andi hak, it a'nogoat inebe mondogat misigat logouwageluk kino yagaheti lagi o. A'nogo were'ma, it afuni kweangma mene nen ikhi logolik he, at andi re, eisena nenat eberogo nen lakfei wagaikhe higi, iluk futfouwageluk, it inebe nit ninom hundigat logouwogo.

TITUS 2:13

Nit yogondak he, ninoe Enupogot Yesus Kristus telninafikhe mene a'nogo inom nineisena Allah Ebe Hokho mene a'nogo inom afuni nen fogeratu kwelek, weinamhogo fanotninabi wesigin andi faget, ninendawimo ninagaiyek anggikhi logolik ebe nenangorogo welago.

LUKAS 3:22

Allah Areagun sue pel hangge ot oba labok i pi wagaikhe. A'nogo hilingitikhemo re, pogoroba nen ane mel isikhe: ”Namlogo nendawi e! Noba liok ikhe o,” iluk isikhe.

MATIUS 1:23

At andi nen he: ”Hele silerik ekhe omalik a'ma asimbik he, eak abat takhagain o. Ta'laga halok he, nit ninaneba, Allah ninom welago, u hak, enu Imanuel ikhi logogun,” iluk lisu palogo fesikhe mene higithogoat hilinglagaikhe andi.

YESAYA 7:14

Haren a'nogo egen oba nen he yogondak Tuhan amu nen hiren futfouwageluk enegengge ekhe hilingisigin werego. Hele silerik mene ekhe omalik a'ma lasimbik omalik abengge takhagain o. Takhamo re enu Imanuel salugun.

2 KORINTUS 5:19

Wene ninoba fesikhe andi ebe re yi. At Kristus ebe hulisanem logolik hilingitikhe andiba, Allah nen yi afuni ti afuni mondogat at onggwarek inom lambukhogo ninobagasikhe. Aren a'nogo ninobagakhi logolik, nit afuni nen weak hilingitorek mene wene ninoba figi'lek sebelogo herakfisasikhe andi. Aren a'nogo hilingitikhe wene andi niren yagaisilik nikhi logouwageluk ninoba fesikhe.

1 YOHANES 5:7

Yesus andi Kristus aro, iluk, afuni inebe henagan mene nen inane misigat fakhogo u hak he, Allah Areagun en fagetik, Yesus ebe ima pelafukwa andiba fagetik, amep wulagaisogo watukwa andiba fagetik, fakhogo weinam agaikhe andi.

YOHANES 2:21

A'nogo yagatukwa mene re, Yesus nen wene Allah awi wurik faget isikhe andi, o wurik mene faget isikhe fuk. At onggwarek ebe fagerat isikhe o.

YOHANES 1:16

Nen at obabut fano mondogen ninebe mondogat hobuk alep fanotninabi'logo.

KISAH PARA RASUL 17:29

Nit a'nogo at againafuri welago halok he, at ebe hangge nit afuni nen ninendawimo anggaluk, ninenggi nen tugwi kembu emas mene, perak mene, helep mene, hilingisogo wusugun lek higi, iluk futfogoin o.

LUKAS 14:22

A'nogo yagatikhemo, at ap a'nogo lagaikhesik ambotkwe wagaikhesik he, oe a'nogo mel yagatikhe: Noe. Yaganeten a'nogo woginarek wagi meneat he, o fena mondok selek werego, iluk yagatikhe.