KOLOSE 2:6 - Allah Wene Fano Wene Hupla Inane

⁶ Hiren he: ”Kristus Yesus ninoe Enupogot aro,” iluk ebe helasigip andi nen, hinom hundik mondok logoino o. A'nogo logolik, hinobabut he, wene yagahisasukwa higithogoat,

KOLOSE 2:6 Referans Kwoze

KOLOSE 1:10

A'nogo hinelu asimbik he, ninoe Enupogot endawimo fanorogo, at amolo anggikherek mene higithogo hilingiti logogunat. Yi mene ti mene awi yatunem ero hokho a'luk enggen iterek hak, hit Allah obabut ekhe inomat hinelu aga logolik, yi mene ti mene fano mene hilingiti logogun andi.

1 YOHANES 2:6

Nen, ap sa nen, ”An Allah nemberek hundik welagi,” iluk ikherek halok he, obabut at Kristus hilingiti lagaikhe andi hagat hilingiti logouwago.

1 TESALONIKA 4:1

Nerugwi nagaila'lak. Wene wurep oba ekhe yi yagahisak. Nit ninoe Enupogot Yesus nen: ”Hinobabut Allah endawimo fanorogo, yi'nogo hilingiti logoino, ti'nogo hilingiti logoino,” iluk, isikhemo yagahisa wagagu a'nogo hinelu. A'nogo yagahisasugumo, hiren a'nogo hilingiti lagep meneat he, hobuk ekhe inomat hokhorogo hilingiti logobagaigeluk ninoe Enupogot Yesus ninom hundik logolik komorogo yagahisigi andi.

GALATIA 2:20

Nen, yogondak nebe neluk welagi yi re, nonggwarek nomameba neluk welagi fuk. We, at Kristus at nendawimo logolik eluk welagarego. At ebe Allah amlogoat logolik, nebe endawi nen an fagerat, ”Noasuak,” iluk anggasikheba ebe watukwa andi. Nen, an nendawinggen at oba himbirik were'ma re, at ebe nendawimo were'ma, neluk welagirek andi.

2 KORINTUS 5:7

Nit he, nineilenggen hikhi lago mene yoma oba himbiret fuluk welago fuk. We, ninendawinggen at Yesus oba himbiret fuluk welago.

KOLOSE 3:17

”Nineisena Allah nen wo'nisikherek andi ebe Yesus nenat wo'nisikherego,” iluk, Allah hai wati logolik: ”Ninoe Enupogot Yesus awe a'ma logolik hilingiti lago,” iluk, yi mene ti mene mondogat hilingisuogeluk, hinane yi mene ti mene faget uogeluk, at Yesus enu hombuk palogo hilingiti logoino o.

YUDAS 1:3

Nerugwi nagaila'lak. Hinebe nendawi e. Wene Allah nen hit ninomat telninafikhe a'nogo faget wene lisu palogo hinoba lakfei wesigeluk nendawinggen eberek mondok welagirik he, hobuk nendawinggen sebelu elo'lek agama re, wene mel faget lakfei wagi andi. Andi re, it afuni ekhe Allah ebe inabit mene nit ninonggot werek kwelek ninanggele'ma kwi wesimbik he, Allah obabut fano nen wo'ninaferek mene andi, iren lagakhogo wene hunogo mene yagahisikhi logolik he, ”Weak mene hesanggeat hilingiti logogun,” iluk, ninoe Enupogot Yesus Kristus omame hokho a'nogo ebe herakfisaluk, hilingiri'lagwi andi. A'nogo hilingiri'lagwi andi nen, Allah nen he, ”Wene yi'nogo inoba fagain,” iluk isikhemo fagearen lisu palogo fesukwama werek. Wene Allah nen misigam faget nit againafuri wo'nisasikhemo ninendawinggen oba himbirik welago andi mene, it andi nen legetfouwogeluk ugunem, hiren elele waganogo hinomamerogo fisogo logobagaigeluk hinendawimo kagalogo lakfei wagi andi.

1 YOHANES 5:20

At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.

FILIPI 1:27

Wene fano wene Kristus nen hilingitikhe wene a'nogoba: ”Yi'nogo hilingiti logoino o, ti'nogo hilingiti logoino o,” iluk yagahisagarek meneat hilingiti logoino o. A'nogo hilingiti logolik, hinebe lambulogo hilingiti logoumo, it afuni ekhe nen hinabok ikhi logolik he: ”It inobabut he, fano wene yagaisugunem holi'lagwi higithogoat inendawinggen Allah oba himbiret fuluk ninghogo mendek werego,” iluk, an nebe yatma were'ma yaganesugun hea? Hinoba wesimbik neilenggen hisagain hea? Wene Fano wene yagahisogorek hak, hinom lambulogo logolik, weim yafi logolik ninghogo yafarek hak, wene andi faget ninghogo hilingiti logoino.

IBRANI 3:14

A'nogo ikhi logolik, omanggum ninendawinggen at oba himbiret fesugu mene andiat ninenggi pukhogo huli wurep oba fisogo logogun halok he, nit Kristus erugwi agaila'lak agosik welago o.

EFESUS 4:1

An neisena Tuhan faget nenggi hele warogo nobagagama logolik he, hit wene ekhe komothinabik. Nerugwi nagaila'lak. Hit hinobabut he, at Allah nen hinayonggo fesikhe higithogoat hilingiti logoino o.

MIKHA 4:2

A'nogo we'luk iren ikhi logolik, ”Nit he, afuni Israel mene ineisena Tuhan Allah aiba lagauwogen we'ni o. Lagaumo re, At ebe o Sion kota Yerusalem oba logolik, ane At againafuri yagaisigik, komorinafik, hilingiti logogin andiba re, Aren nit wene hilingiti logogun mene yaganisugunem, higithogo hilingiti logogun nen he, lagauwogen we'ni o,” iluk ikhi logogun.

YOHANES 14:6

at Yesus nen he, mel yagatikhe: ”Kwe inom, ebe wene inom, afuni inelugerinafirek andi inom, An nebe aro. At sa nen an noba wagi'lek halok, neisena were'ma pikhit kwigin mondok lego,” iluk yagatikhesik,

YOHANES 13:20

”At sa nen, afuni an nen lakfisagain mene woginafe halok he, anat wo'nabigin o. Nen, at sa nen an wo'nafe halok he, at an laknobagai wagaikhe mene a'nogoat wanigin o, iluk eberogoat yagahisigi,” iluk yagaisasikhe.

MATIUS 10:40

”At sa nen hinebe wokhinabigin halok he, an nebeat wo'nabigin o. Nen, an nebe wo'nabigin andi, an neisena laknobagai wagaikhe mene a'nogo ebeat wanigin o.

YESAYA 2:5

Yago, hit afuni Yakub en tagomangge mene yi sani, nineisena Tuhan aselek oba louwogen he we'ni o!

1 KORINTUS 1:30

At Allah nenat hit Kristus Yesus hinom hundik logobagaigeluk hinobagaikhemo welagep andi. Wene ninendawimo kagalogo logou hak he, Yesus ebeat wo'nisasikhe. A'nogo wo'nisasikhemo, aren he, Allah ninom hobuk ninambotkwe lambulogo ninobagagik, ninebe Allah faget ninobagagik, telninafik, ikherek.

GALATIA 3:26

Hit hinendawinggen Kristus Yesus oba himbirik welagep andi nen hinebe mondogat he, Allah againafuri welagep andi.